Xiuluo的ACG、敗家與廢話留言

終於入手了，可惜只有Softmap特典，其他一早賣晒。


是日入手：
[CD]茅原実里Single「Tomorrow's chance」

由於今朝要返工，所以下午才出到來，小丸要買RAM，所以先到深水(土步)行。約一點半到達，時間尚早，先到附近大家樂食飯，食飯中途，見到小Day和G2，我食完飯便和佢地傾左一陣便離開。行左一陣鴨寮街，便發覺我還有事要做，先去旺角，這時豐豐和小樓已在深水(土步)；我一路行去太子，先上去聯合廣場睇野，之後便行去旺角，去到中旅社，領取回鄉咭，便向信和進發。

先上去睇下有冇新漫畫，在一代匯集看到有角川活動，在這個6月期間，買滿$100便可獲得擦擦咭，擦中有獎，由於沒有書想買，等下星期再來看看。之後便到貓店，在那裡見到陸仔，先入手茅原実里Single「Tomorrow's chance」，可惜只有Softmap特典，其他一早賣晒。之後等埋小丸、小K、小樓和豐豐來，陸仔買完野便離開，小丸佢地先去KFC，我問埋D野便去Join返佢地。我地便係KFC打機，之後便決定在這裡食飯，$19.8鴛鴦飯+粟米+一件雞+汽水，很抵食，跟住去左許留山食甜品，我食左個特種龜苓膏，好味，食完便各自回家。