Xiuluo的ACG、敗家與廢話留言

今日BOC團來到屯門友愛體育館打羽毛球，我對上一次打羽毛球好似係六、七年前，和一齊讀電腦文憑既同學玩過。

今日一早起身，梳洗完便出發，約十點半便到荃灣，這時阿豐打電話來，原來佢係第一個到達，已經係巴士站等緊我地，我去到巴士站唔見佢，先去南豐中心附近買些三文治食，跟住再落去找，原來阿豐躲在柱後面，所以見唔到佢，而小樓也剛剛到，之後阿龍和小丸也到便出發。

我地乘60M到屯門友愛體育館，仲諗住打一陣Monster Hunter，點知咁快就到左。我地先過對面超級市場買些飲品，阿龍竟然買左三支1.5公升飲品..OTL，而小丸和小樓各自買左たこ焼和格仔餅，希羅也剛剛到，跟住便去友愛體育館。

去到友愛體育館，小迷唔知幾時到左，而場內有人打緊籃球，之後等到清左場便開始打，我地由十二點打到二點，而在我地隔離場有一家人(附蘿莉一隻)打羽毛，聽到小樓講那隻蘿莉好萌，看來要重新評估小樓了(爆~)，不久，社長也到，我地便繼續混戰，在場外既拿D毒物來影響對手，之後一直打到二點便結束，眾人到附近餐廳食Lunch。

我叫左個八爪魚炒烏冬，觸手只有兩隻咁多...OTL，各人食完野便行去屯門圖書館隔離既商場，那個商場20樓有間漫畫店，有新書、二手書、各式海報、精品、Figure等等售賣外，還有租借、室內睇書服務，小樓搵左好多小櫻和妹妹公主既Poster，小樓大豐收啦，因為我今晚要回家做節，所以要早走，而其他人也各自乘車離開。回到家中後，所以既酸痛開始出現，好彩明天放假，可以休息。