Xiuluo的ACG、敗家與廢話留言

今日小丸冇出黎，所以今晚米線團只有我和小迷。
是日入手：
Megami 2月号

今日被陸仔打電話來嘈醒，問有冇人會出旺角，由於昨日好少人上MSN，冇得商量當日既行程。我一定會出，因為要找人幫我應募(當然係長門Figure啦)，立即執好野便出門，出門時兩點半了。

去到旺角，第一時間到美心MX睇下佢地係唔係度，點知唔見佢地，打電話問先知佢地係地鐵站(點解係果度?唔知喎)，之後佢地過晒黎，我就係度搵位啦。剛剛找到位時佢地便到達，今日小丸(委員長)唔出黎，只有我、陸仔、社長、小迷、希羅、J和TIM，跟住去買野食，我依然係碗仔翅+熱狗(我要食熱狗~~)，小迷被分心倒瀉杯熱奶茶，好彩有大邪神保護(熱狗XD)，只有小迷那個盆全是奶茶。差唔多食完時小K便到，我地立即出發去信和。

我和陸仔經小迷提點，到Animate買Megami2月號(船貨$6x)，之後到貓店睇野。因為冇乜涼宮物，所以今日冇買野，而社長入左一盒ARIA(唔記得係乜)，睇左一陣，由於人太多唯有離開，我地先上三一同盟睇下有乜同人可以入。早幾日見到乃木坂春香既クリアファイル兩款，今日得返一款，即係小迷入左手那款，原本叫小迷入埋，好可惜咁快冇左，到最後都係冇野買，肥佬果邊都冇野入手，最後便到旺角電腦中心行。

一行人到左旺電，小迷買某牌子Sound Card，而陸仔買80GB USB Harddisk(2.5")，而其他人走左去旺角麥花臣球場睇人踢波(某人)，會合返佢地後便到附近馬會買六合彩，買完便各自離開，而我、希羅和小迷去兆萬中心行下，行左一陣希羅便離開，餘下我和小迷。我地便回信和貓店，找Sam幫我應募，點知昨日寄鬼晒，要到下星期先會再寄，唯有下星期再出去，之後到三一再搵野，見到本なのは四格漫第二期，找小丸買唔買，佢話到時先算，跟住到肥佬搜尋野，到最後無功而回。差唔多八點幾，便去食米線，食完便去左東京銀座行， 間"美女Cafe"係未開既，之後到新之城打一陣機(太鼓9、太鼓8)，最後各自回家。