Xiuluo的ACG、敗家與廢話留言

今日BOC團又出動啦，大部份時間會係@PM打《末日危城》，還幫社長和小K進行PowerLevel，之後返去信和睇野，最後去食晚餐後離開，而當日冇敗到任何野，只有去左訂Figure。

首先約左佢地係旺角等，跟住去美心MX食午餐(或者叫下午茶XDD)，小迷買左本雜誌，為左隻夜明Figure，而阿豐買左另一本雜誌$75，為左盒Rozen Maiden撲克牌，而小K因為見到翠星石便想買返本。食完野先去先達廣場，因為我要去那裡訂涼宮ハルヒFigure，去到先知未開門，跟住我地去馬會買六合彩，之後便去@PM打機，而阿豐、小迷便離開。

去到@PM，由於電腦席只有8個，5個有人用緊，有兩部電腦拿左去整，唯有睇住漫畫先，等到電腦返黎或有位先可以用。唔駛一小時，兩部電腦返到，而電腦席有幾個人走左，剛剛好我地五個人可以打機。先裝返隻《末日危城》，Copy Save落部機便即刻可以玩XDD，我地立即幫小K和社長PowerLevel。打打下機途中，見到有幾位Cosplayer出現，佢地正在Cos Death Note中幾位主角，看來佢地剛睇完Death Note電影和私影完後到這裡上網、睇漫畫....。我地在這裡戰鬥左好耐便離開，其他人去信和、而我返去先達訂Figure，訂完Figure便到信和會合。返到信和，見到佢地又買左D野，之後去貓店睇下有乜野買，但係未有野岩買，跟住去馬會睇六合彩(唔中)，最後去食米線，食完便離開。