遲到女王 MandyS

IKEA 長期斷貨的橡木色 Malm 三層櫃終於有貨，為了等送貨，全日 on 居居坐响屋企。細佬仔去了二舅父家上門維修電腦，爸媽都已外出，我一個人在家，又不敢敷 mask，無無聊聊狂煲《同事三分親》。等呀等，等呀等，等到五點幾先送到。

早就跟細佬仔講過，收到個櫃後，我要負責砌! 一來是貪得意，二來…… 其實沒有二來，完全是為了貪得意! XD

咦，果盒野好似好細盒咋喎，細佬，你講，點解自己唔拎返黎而要俾錢人地送貨??! 你講! 點知看似好細盒的傢伙，完來勁重!! OK，Marco，我唔怪你喇。拆開薄薄的紙盒，裡面勁多組件，螺絲都幾百粒，木板又唔知幾十塊，仲有三十口釘，六條路軌…

我興致勃勃地和細佬仔爭住做，又上螺絲又打釘，彷彿在砌一份大型 lego。打釘這個環節最累人，個鎚仔超級超級重，打了六、七口釘我的手已開始軟；Marco 接力，打完廿幾口釘後，他開始手震震。XDD 所以話呢，工匠真的唔易做，怪不得木工叔叔全都練出一身肌肉和粗壯的手臂! 為免我的粗手臂再加粗，這些粗重工序還是留給細佬仔。

不消兩個鐘已完工，望著製成品真叫人有滿足感。原來一手一腳裝嵌傢俱都幾好玩，不過最好都係由男孩子代勞更實際。無陰公，我啲 French nail 崩晒 >_<

P.S. 看罷《同事三分親》不禁對細佬大叫 Marco~!