遲到女王 MandyS

止痕表姐捐了十元給麥當當做善事，今晚我們做節的 big family dinner，齊齊戴上「史力加的神奇耳朵」：

Wakaka!! 見唔見到我婆婆幾得意呀?! 第三排第三個就係可愛嘅婆婆喇~ 細舅母好嬌娋、黃爸爸又俊俏! 呢個大 project 真係多得止痕表姐啊!

以上嘅家庭成員你識得幾多個? 從這個測試可知道你跟我的熟悉程度有多深呢。

我地屋企成日羨慕死人嘅豐富晚餐，左圖係部份菜色：節瓜炒黃鱔、梅菜扣肉、香煎雞翼、三色椒炒田雞、露筍本菇炒龍脷柳、酸豆炒豬肚、清炒西蘭花、白切雞、清蒸花尾躉…… 不能盡錄。最勁就係全部由超級婆婆製作，真係好 super!!! 佢就係我最崇拜、最尊敬、最欣賞、最最最最最最最愛嘅叻叻婆婆喇~~~!!

To 爺爺：點解琴晚做完節聽晚又要做節?! 唔係講好左「父親節」同「端午節」一齊做咩? 點解食完飯又打電話黎話要再食?? 係咪唔記得左已經做左節?!?! 你係咪玩野?!?!?