[第一輯][第廿一話] 野心之終焉 (最終話)
上回提要: 恢復了記憶的阿月, 不擇手段地用連串的謊話, 想盡快奪得筆來用. 正想落筆之際, 小冰又剛巧出現, 今次目的在前, 阿月不再理會任何人了, 不過, 馬沙趕到, 似乎知道了一些鮮為人知的事...
最後一話, 野心之終焉, 請繼續支持啊!!
致各位讀者朋友, I love you!!:
二十一話就此完了~ 哈哈, 大家覺得結局怎樣呀?? (有爛尾嘛?? 驚驚)
想不到, 今年8月份的時候, 我媽買來了好多小蘋果!! 我覺得那些小蘋果好可愛, 便無聊想到, 就用這蘋果仔, 加上馬沙, 小冰拍幾張照片吧~ 就是第一話的情形了~
過了好久~ 當夜神月在萬聖節的出現, 靈機一觸, 突然好想弄一個由我幾位心愛的action figure做演員的小劇出來, 就由蘋果故事開始發展下去啦!! 之後靈感源源不絕, 就這樣做了二十一話出來~ 其實看似很多話, 不過, 之前大部份都是8幅圖為一話, 實在好短呢~
完的始終會完, 我並不是某某電視台, 喜歡拖長故事來提高收視... 我一直想嘗試表現給大家看的部份, 大部份都已經從故事, 對白, 拍攝角度, 後期製作等等表達了出來, 不知道大家覺得怎樣呢? 好攪笑? 好認真? 好女性? 好無聊? 請大家告訴我有甚麼不是的地方, 或要改善之處, 有任何意見都請告知, 好讓我不會再重複嘛~ 先謝謝呢~
敬請期待第二輯的出現吧!! 不過, 都不要太高期望會有超班的水準出現, 我始終是我... 創作力是主觀兼不固定的, 哈哈哈, 不過, 到時候都要支持啊~
現在讓我的Blog開始進入空虛期吧..........
2007年11月17日
玩泥沙 敬上
Posted by waiman at
樂多Roodo! │16:26
│
回應(8)
│
引用(0)
│
細人仔劇場
引用URL
http://cgi.blog.roodo.com/trackback/5527225
一次過睇晒,好睇呀！
好勁呀van~
嘩~ 一次過睇晒咁堅~ 多謝Carrie捧場!! (好開心)
睇完了！卻有想再看的感覺，很好呢！
你的幻想力真是一絕，雖然中間有少許亂了，
例如場景突然完全轉換，無拉拉多左頭大狗狗，又有些事情忘記交代，
但一個人做咁多野，又影又編又做後期，係你先做得起！
我欣賞你的細緻，畫面每一個道具或角色都有在做戲，沒騙場！例如馬沙的黑眼圈你又真係會show一show佢個熊貓樣wor!!XD
唯一我看到的破陣是[第九話] 的最後一張，Meryl死左！ XDDDD...
期待下回！
嘩~ 嘩~ 唔駛真係咁認真讚, 會唔好意思架~ >v<
Meryl邊有死呀~ XDDD 卡關卡到暈左, 係故意整架~
的確有d野係唔描述, 又冇交代, 太小事喇, 好似馬沙點解知道係冰冰踢阿月呢? 可能佢睇到踢果幕呢~ XDDD
由梳化返去床一段, 感覺就好似返到屋企一樣~ 因為當時冰冰訓左, 馬沙當然要送佢返去啦~ ^^ 原來佢地既「家」係有狗狗~ 而夜神月想偷Meryl既筆, 響梳化一幕, 冇顯示佢有帶筆記, 而正好附和到阿利見到阿月煩惱既一幕, 就響床景上面~ 所以應該係合理既~ 哈哈
我自己都返睇好多次~ 可能我自己就係最大既fan~
經過今次, 一眾演員既關節都變得非常柔軟~ 睇來佢地要休息一陣子喇~ 不過, 新既劇情正在我腦海中成形喇...
吾讚下 ，我怕無下回睇！ ＸＤ
btw..你仲係無業中呀？ 難道是待嫁中，有人養？！
wahaha
啦啦啦啦啦~ 我都想有人養呀~ 啦啦啦~
睇完。故事還不夠完滿呀，繼續努力啦。
係既~ 係既~ 不過, 佢係未完架~ XDDD
