台語白話文

世大人仒心，親像日時仒太陽，與㑑溫暖；父母仒心僅如暗時仒月娘，與㑑光明。

細漢，透早，目睭扒金，著看著阿母開始一工仒無容，即(食) 飯匡(khan) 中央，腹肚枵著食，腹肚飽著睏，無煩無惱；拜拜時，恣在你食，即(chhia̍h)及一國(Kok)肚尖微微(bui)；大漢如念，阿母著講，恣 (tsù)伊去；錢無若濟，細漢不知扞(hōan)家仒甘苦。

細漢手銃，透早透晚出去彳(thi̍t)亍(thә)，營營飛，烏白扔 (nn`g)，奓未煞，僅如火車扔碰空 ，舞及衫黑轆轆，抨(phian)去底位莫無知，轉來衫ㄚ褲四界抨，著哼(hain)枵(iau)；昰茨裡，戹(e̍h)孜(chin)孜，無埌 (Lòng)壙間，猶原奓(Chhia)無停，舞及情坱(Eng)埃(ia)，噪(chhә)人耳；有丁時，如及人冤家相撲，阿母總是講褲帶扈(hâ)加 緊，著拖阮仒手，不管著不著，攏愛去回不著。

日時逋(pa)逋走，暗時著豪(gâu)眠夢，阿母總是給我扒(pê)瘴，挱(Sә)我仒尻脊胼，與 我好入眠，經過幾若十冬，猶原感受著阿母仒疼心；迄(hi)當時上愛看阿母戴(tòa)手指，戴金帗鍊仒形影。少年時，嫌阿母嘮唆， 迭迭無每嗅(Hìu)伊，迭迭講敢焉爾嘛？即每想起來著心痛。

有時轉去庄腳，滯土墼(kat)茨，無真四是，不却在壁(piak)壁，莫未離離落落，猶却有大庭，狀來狀去，奓跋反(péng)未鎮地；有時去外口奓，阿母總是講甜粿紙扡(Thi)與開則即(食)，如去海圻(kîn)玩水，總 是千交代萬交代 ，也交代戴(tì)帽，戴(tì)笠子則會中出門，有時日頭落山亦未轉去，與阿母恪(Khok)恪等。

細漢有時破病，戴症頭，目睭扡(Thi)未開，呴(Khū)呴嗽，發呵欠，兼交冷恂(kā Leng Sún)，腹肚悠悠ㄚ痛，喤(hûin)未煞，聽著兒子載咺(Hoân)，阿母心肝頭怞三下，痛怞怞，一直奮(piàⁿ)命走病院，阿母總是比㑑加憂心。

阿爸受日本教育，嚴毅，看著伊著怶怶(呸呸)惙，有時手撕俄懸，比每撲仒形，與人驚及面ㄚ青恂恂，三不五時，却會給人扇頭殼；不却阮阿姊結婚時，看伊流目水，則知伊也有溫柔仒一面。

阿母講兒子(gin ná)自細漢著愛招(Tiau)，細漢沒成(chhîan)養，大漢著壞(hāi)了(liú)了(liuh) ，不成(chîan)物，不成人；講話未使無大才，做事未使和(hue)划划，未使否(phaiⁿ)性地，大人大種，大枯大把，未使一日自早怨及暗，大好 大鄙(bái)總是天注定，卸世卸衆仒事戴未使做，不通目珠瞦瞦，目睭擢眮(坼(thoah)瞳(thang))，將匏子看做菜瓜；做人愛守信用，未使尻 脽提浮浮，隨時想每落跑；好佳哉，阿母仒教是，猶原昰頭殼頂。

講著即每仒孨(kián)兒，僅徒會曉給父母扣油，歸工扣虎卵，扣電話聊天，父母講，管如管，一支長俍(Lòng)俕(Sòng)，無戰璺(Būn)著，歸日格悝(Khoe)諧，懶怠(si) 兼愛彳(thi̍t)亍(thә)。

做戲悾，看戲愚，人生親像一場戲，有時演戲，有時看戲；扞家亦是扞公司，有時心悶，情懊(ù)怚(Tsù)，總是想起阿母仒話，做人愛有骨氣。 父母仒心總是希望孨(kián)兒，安全快樂大漢，身體健康，做人實在，有錢沒錢另外一回事，對社會愛貢獻，假使無貢獻，莫未使傷害。
父母心是奉獻仒心，父母愛是奉獻仒愛。