台語白話文

有仒人如機件互(kā)無完(ân)，擋未著(tiâu)；有仒人講話嘻嘻互互(hōa)，亞(àⁿ)腰兼覃(d a̍m)頭；有仒人無愛交陪，無相交插；有仒愛四界倘，愛彳亍； 有仒儉腸餒肚，有仒真侈汰；有仒空嘴哺舌，愛叩(告)虎卵；一樣米飼百樣人。 不却，好性地，好輳陣，則是人生仒態度。

人講隱倨仒愛笑傴慺仒，龜笑鼈無尾；有仒舌加利劍，格大品(pān) 愛起否(phúi)面，囂(hau)滫兼否(phaiⁿ)嘴斗, 哼(haiⁿ)枵(iau)哼飽。

有仒人串做攏做非(he)傷天害理仒事載；否竹出好筍，亦有人如菩薩救苦救難。 人生仒道路到底是啥物呢？啥物是成功咧？

細漢偷挽匏，大漢著偷牽牛，每一步著是一个開始亦是一个結束，所以每一步攏愛足注意，看人做否，著愛苦勸，看人做好，著愛 阿那及咋(tak)舌，未使看人無目地，亦未使撲人喝救人；一枝嘴茶茶陳，噴雞胃(kui)，講仒比做仒加濟，是未久長仒。

土地有愛，人生毋免傷否(phaiⁿ)過，傷濟仒我執，與(ho)家己活昰(ti)痛苦仒境界。

生活態度決定你仒人生，包容與寬待可以代替莫名仒憤怒，快樂亦需要學習。

命運掌握昰人仒手中，不是靠卜貝抑是靠運氣，人生未使倒頭裁，倒退蹓，愛勇敢向前行，樂觀快樂著是㑑仒第三條路。