January 12,2010 11:07

水鬼仔

水鬼仔

「阿學!阿學…」
「啊!係阿文个聲音…」佢在屋家外背大聲喊。
「細聲啊!愛同捱屋家人吵醒咩」捱話佢講。
阿文係捱个細人伴,有時節,佢常透湊捱出去遊料…除了捱等兩儕以外,還有阿貴同阿山也來哩。
「今本日愛去奈?」捱問。
「捱等來去河壩搞水好麼?」阿文講。
但係,捱阿姆喊捱莫搞水呢!捱毋想分人罵…
「汝實在還無膽,幾多歲還聽其姆个話…」阿貴恁樣謔捱。

官倉入去兜e有一條河壩,係東港溪个下游,熱天,當多細人在該邊搞水。偎村莊這片,有一片竹仔林,起風个時節,葉仔搖啊震動發出悉悉簌簌个聲音,蓋像有鬼怪在底肚,大家坐啊底下歇睏, 阿山又好講鬼故事嚇人,有成時,還正經會分佢嚇著。
「捱驚蛇哥呢!」
「捱驚它biang 適竹仔林頂項…」捱講。
「噢!恁驚死」阿貴又過謔捱哩。
「啊!汝等看!頂項蓋像有蛇哥在趖…」阿文打忸惇講。
「哇啊!有蛇哥!話還吂講忒大家就瀉淨淨,一隻影都無…」
「還講捱驚死,結果汝等續走啊比捱還過遽。」
「等捱啊!莫走恁遽啦」捱適後背大聲喊…

聽阿婆講,水底肚有水鬼仔會neu2人,尤其係七月半該時—
噗通!阿貴跳入去河壩搞水,搞介蓋暢,汝等也來啊!水還涼沁沁仔呢!捱無下去搞水,因為捱緊愐阿婆同捱講過个事。
「阿學!下來啦,來搞水啦! 」
「捱毋會泅水啦!捱適這位等就好哩啦!」
「大家這下搞个好激激仔時節,阿文續喊救命!」
「啊!救捱!救捱啊!」
堵好附近有趕羊仔食草个利富伯適該,佢煞煞下去救阿文。
旋旋風,捱蓋像有看到一個青青个影仔在bang2阿文个腳,dang5 dang5毋肯放樣仔,後尾利富伯使力,正救哩阿文上來。
「細人仔莫走來這搞水,好得捱適這,萬一發生事情愛仰葛煞!底下个泥石分砂石車挖走哩深到無底,汝等還恁敢來這…」利富伯大聲罵講。

歸去屋家,捱分阿姆用竹修仔修哩幾多下…
原來,利富伯來同阿姆講頭到个事情…
「下晝頭毋睡目,偷走出去料…結果…」阿姆緊修緊罵…
「捱下二擺毋敢哩啦!莫打捱啦!」捱噭豺豺講…

該阿文呢?聽人驚汝歸去過後發燒幾下日都無醒,後來其爸帶佢去仙姑廟收驚看看啊,食了符水,人續漸漸醒了。
恁多日,佢無來尋捱料,捱想,該日个意外,應該單淨佢一等清楚吧!捱愐…。





  • 您可能有興趣:

    痾糟仔
    sye0512 發表於樂多回應(1)引用(0)極短篇編輯本文
    樂多分類:文字創作切換閱讀版型 │昨日人次:0 │累計人次:224
    贊助商廣告
     

    引用URL

    http://cgi.blog.roodo.com/trackback/11357133

    回應文章

    小時候..我也是不知天高地厚..跟同伴跑去萬巒河壩摸
    蜆...同伴用工具摸..沒準備工具的我..只能用雙手去摸..但有摸到一些些...
    回家後我母親..幫我煮了一小碗..想這是我自己用勞力換來的..心裏也很高興..
    母親告訴我..河壩有人在那邊出過事...要我千萬別再去..我聽後..心都快涼了..
    現在想到還餘悸猶存哩...
    ---------------------------------------------
    版主回覆:
    河邊危險 還是小心點好
    | 檢舉 | Posted by 詩雨 at January 22,2010 16:49
     
     


     
    -
    贊助商廣告