SPUTNIK IN SPUTNIK

繼上年到過急症室後，前日又到急症室．

今次陪一位親戚到醫院（又係威記），本以為平日下午，人數應該會少一點．點知…唔係．仲好多人．

傷風感冒咳已經見怪不怪，但可能因為近會考，見到不少帶書溫習的學生，三五成群一邊坐著等一邊溫書，真勤力用功！

又，等到三個鐘天色漸暗，肚仔不禁輕輕打鼓．呢個時候忽然飄來陣陣香氣．轉頭一看，原來有兩個人一人一碗，邊吃叉燒飯叉燒米邊等．

一邊等，一邊留意到救護車進進出出，不消一個下午，就整個急症室都是人．

雖然，呆等真是頗悶，不過，有時都有真人show 上演．

有一段時間等到快要睡著，忽然傳來一陣吵鬧聲，原來聲音來自分流站．
我坐的位置剛好看到分流站，便看到大婆粗口問候狐狸精的一幕．
大婆蓋著紅顫等分流，「狐狸精」坐在輪椅近著護士位，兩人身距不過五步．
起初見警察在跟大婆傾，傾傾下大婆忽然衝向「狐狸精」，幸好有警察分隔兩人．
大婆欲片「狐狸精」不果，於是一輪粗口問候，整個急症室都聽到她的聲音．
後來應該其中一人已經進入診療室（或入院，不曉得），聲聲媽終於停下來．

其實還有其他的小事，都難以一一盡錄．

等了五小時終於送了親戚上病房（緊急都要等五小時），我跟太后終於可以回家．
太后不禁大吐又攰又餓的苦水，最後又吐出一句：

「不過話時話，急症室都幾多戲睇．」

我認自己都八架，不過係事實噃！
日日都有真人show上演…


p.s. 當日呆等時見到幾輛幾家電視台的採訪車，以為大婆片狐狸精引來大量記者…
結果返到屋企先知更大件事．醫院既野，都係小心啲好．