莫忘莫失

第四場，solo





第五場，木碗山的孩子
各人的solo，Oscar、Ceci、Vincent

因為收到mali的碟，唔理好醜三七二十七，唔理，轉檔先，唔理，剪左先，都唔理，ran埋佢，再唔理upload去youtube。upload埋我就send俾你o地。唔理。我有隱性強迫症。隱性強迫人睇我d唔得ge solo症。

我從自己的房間，搬到自己的房間。移走鋼琴，將這個袋的衣服搬入那個箱，那批milk X不要了我都話左要戒奶。原來我家那麼多旅行箱，但我家人又不去旅行。好大工程。無非只是想多塞一張書桌後就可以疊埋心水買imac。imac呀imac，我無諗過為左你要搞到搬屋咁。

其實我也打算過買部dc仔俾細佬做畢業禮物。一來，家裡事無大小，任何人想要拍照時都只能用我部powershot G7，但要G7來遷就我的科技盲父母和要我的科技盲父母來遷就G7都不大可能。二來G7仔最高格式可以拍A2 print size而且輕身，你要求得到的（除了手動變焦，手動對焦都不成問題)幾乎都齊全，很多情況下都可以簡單方便地拍poster用圖又暪天過海，又犯不著一大袋相機鏡頭重到死。如果你只視它為snapshot機，肯定d o靚仔o靚妹再轉三四部sony都未追到G7的質素。對。這樣一部機，萬一被靚媽弄壞起上來可是會給我帶來許多麻煩。


所以這兩天我又重新再煲dcfever.com。


而我真憎死自己情有獨鍾的口味。其一，sony免問，sony真是奇怪，分色系統總是會偏藍，人人像入了停屍間。其二，原來我只能接受仿機械機的黑色機身，非黑色機身的相機都令我非常倒胃口。其三，我o吾中意流線形機身，o吾中意部機驚死你o吾知佢係科技野懶係人體工學，我中意四四方方簡單乾淨中意黑盒子。揀左揀右，其實無幾多得你揀。


例如canon G7(今天有G9喇)，samsung NV系列同Ricoh GR Digital II。想當天買G7前，都在G7和GR Digital之間掙扎了許久。和我差不多同期在兩部機之間猶豫的還有舊同學文東，結果我買了G7仔，他買GR。當然，我對G7仔都相當滿意，借過一次俾阿包後她還興奮到跑去買部G9。後來唱K文東帶過GR女出來一次，G7似擺明有料的人，而GR竟然似其貌不樣但一開聲唱歌就嚇死你果d。我又好中意GR拍出來的效果。真是兩部都o吾差。本來是無分勝負打平手。


點知，我煲左DCfever一輪，左看右看，天下之大細機之多，我竟然只係想買GR! 而曾經互有好感的NV系列都不再動心。但最撞鬼的是，看看價位，當年我部G7要了我四千，今天G9已經跌到落港幣3650，G7就更加o吾洗講。反觀GR，價位竟然仲係企硬4700到5100！你俾多少少，夠你買部跟kit鏡的入門單反!!! 得證，叫我去投資，蝕硬。文東你贏。

比如，
天賦的意思是，我們從小就不是蛇人，體育課還靠著龜池呆坐。無論我多努力，都難以做得成Dominique Mercy。我最多只能要求把自己的界限一次比一次多推一點點，有時可能儘量堅持多兩到三個轉圈。但稍一懦弱，跌v，是自己毀自己的路。機會只會從手中流走，一次又一次。不push，最後我們繼續坐在龜池，坐到七老八十，依然時不與我。


但世界真的再沒有懷才不遇這回事了。有的，只是懦弱。我是恨自己的懦弱。

雖然，我覺得用派錢ge方法黎蓋住個通漲好白痴，但你知做人，係幾現實......
今個月供樓條數有著落咯

一眼望見就想尖叫！Beatles Yellow Submarine果隻押韻精呀~~ 個感覺好似呀~~

http://www.flickr.com/photos/ddbird/346426334/

把片段重覆又重覆，最後我只看到空間和自由。

前天是採購部的細佬妹日，放工後的時段，本來導演安排來讓我們休息的時間，結果卻用來跑來跑去買禮物。一離開公司就去選墨水筆，又要控制價位又要選好看的，parker的墨水筆都沒有三百以下的產品，最後挑的這枝我都算是很滿意，有皮套又有禮盒，之餘，又唔係淨金淨銀咁娘咁暴發。其實再前兩天跑了半個澳門，除了想找細版麗莎卡斯柏之外(本來係諗住搵隻好似翠翠阿麥兜咁上下size的，點知原來澳門根本無入過細size公仔。)，是想找日本出果隻大大隻浣熊公仔，而我明明記得係見過ge呢！(無見過都無咁堅持，但係明明係見過一次咁大把，總之就即係有啦！突然，這秒才閃過，唔通o係皇都酒店附近果間唔起眼精品店!!??定係其實係香港旺角見過呢???) 總之，買筆係珍姐度ge，請鼓掌。


然後在八佰伴，竟然又見到森林家族出返哂d一度絶版的動物家庭。仲，竟然有海涮呀！仲係兩隻一齊踩單車，考慮左好耐，因為個盒無寫明佢地係beaver，而海涮個樣，實則又同土撥鼠好似，考慮左好耐，唔買，驚買錯，懶醒幾時都瘀過唔送禮物。(返左高士德訂完花之後先好後悔咁醒起：係喎！土撥鼠條尾無咁長ga！係海涮呀！於是又死返去八佰伴買......)


回雅簾訪訂花，如果說買禮物沒有厚此薄彼，係呃人ge。親細佬果份，肯定係貴d。世上有些事你是有直覺的，有些卻會三心兩意。買俾細佬的花卻是屬於靈感到那種case，除了藍玫瑰之外都無打算考慮，點都無辦法將細佬個樣同d百合呀大波斯菊呀愛麗斯呀香檳玫瑰呀火百合呀天堂鳥呀聯想埋一齊。但我又唔覺得佢會受椰菜花。好像沒有其他花的layers比得上藍玫瑰的深邃。其實我弟弟是個比我更收埋收埋的人，是典型的山羊座好仔，唔聲唔聲，但內裡的質地好柔軟，有好多感情，但自己又不懂得將那些感情放出來。可能甚至不知道自己是個情感豐富的人。如果用花來描寫，準確d，是比這更暗的藍，深海和礦石的藍。最後其實或者喜歡藍玫瑰的是我自己好不好。但世界好少有人獨具慧眼，他們依然會繼續送你百合和大波斯菊。


能成為家人，總有緣份亦總有原因。我家人除了祖父母外，把父母和弟弟圈起來，就有個共通性格。或許世界永遠有人覺得你對他們不夠好，永遠有朋友會認為你待薄他們了，但只有你知道，其實已經待他們比家人還好，花在他們身上的精神時間心思甚至金錢都比家裡人多。我們四個都屬於那種搞掂街外那些人才執屋企的嚴重傾斜，父母晚間的情話是公事街坊會或者市販會，媽媽和弟弟的溝通內容是社區青年義工協會。結果我今天真的草草和弟弟拍張照就拋低他了。還跑去幫其他人拿這個拿那個。但，連弟弟都好像沒想起要我在他身旁幫他拿東西就很是個問題。我們這家人究竟是搞甚麼的。結果他早上八時多出發，傍晚六時才回來，卻捧著三大束花。哎，我其實應該要在場的。但他都沒有要求過。(而我老豆仲堅，個仔講完都唔記得個仔要影畢業相！)


早上鴨問我藍玫瑰的花語，本來沒有打算查，後來才知道是：敦厚善良，獨一無二。


晚上我幫弟弟將三束花都插到花瓶內，解開花束才發覺藍玫瑰是真的用藍色墨水浸，直等到白瑰玫浸到花瓣枝葉都吸飽了墨水變成藍色。多麼人工。弟弟的敦厚善良，有多少時間多少人多少事件往他心內注入墨水。或許他本可不必如此。



(p.s.
1.夜晚我問細佬，佢話佢係無特別中意ge花，但當我話本來想買更深色ge藍玫瑰時，佢又話，正呀！所以，d細佬其實唔係唔中意，只係佢地憨居居。
2.今天我在澳大只見過另一束花選了藍玫瑰，還是更深更動人的藍，但你誓估唔到，邊間花店竟然會諗到用金粉膠水塗在花瓣上，仲要襯一大堆白色羽毛！感覺好像睇見有隻牛o趙緊蝴蝶蘭。

本以為獎門人遊戲之低級每況越下，證明了觀眾階層的口味越來越不敢恭維。但原來演藝人的常識水平比那些故意低級的遊戲更笑掉牙。只看過兩集，不經意在家人看電視的時候叫做睇少少，或者係我唔好彩。我睇親果幾集係咁ge......


常識題一：香港特別行政區的英文簡寫係乜野？全場除了楊思琪(如果身為香港小姐都唔識你都抵打喇)外，竟然無人知係HK SAR。


今晚第二次睇，常識題二，香港位於北半球定南半球？
竟然全部嘉賓都答南半球！(當中仲包括農夫、l love u boys、Freeze........ )
我想話，le條係高小至初中的人文地理題囉....... 有無人打算錄左佢寄俾香港教育局局長孫明楊？