莫忘莫失

紅鼻子進度，豬仔變成馬騮仔。好啦，一日唔死一日都仲有機會合作。
嗯，動物還真多。


多多指教。

請列出近日令你心情愉快之五項事/物：
1. 老記個餐牌區生勁中意，佢話：唔止無問題，仲做得好好添
2. 紅鼻子進入production，有show開，未試過有咁多人幫手。
3. 舊年同期斷聯絡的人，因為紅鼻子不約而同call返
4. 坐紅鼻子監製位，因為一年之前珍妮對於我做a.s.m.ge返應係咁ge：我覺得你唔適合做a.s.m。導演你實又唔記得你講過咩ga喇。心涼心涼。
5. 紅鼻子開得成show，因為我地首次真係成功面對問題，證明個個都大個左。
(又係唔夠寫)
6. ellen搵返我，當然，我知道肯定同豬仔有關。不過ellen信得過我做到個dress manager位，證明舊年我o係後台多少都有被認同。(唉點解鑊鑊都係要事隔咁耐呢.....)繼續心涼心涼。
7.o岩o岩諗掂左promotion plan第一波宣傳。
8.相反，我最近陪屋企人時間多左好多。
9.聽到一級爆笑八卦(而家時間係200708181149)
10.其實雖然無人信兼我個樣唔似，但係我向來心情都好愉快，關於le點我諗va記比較理解
11.公司d新同事真係幾好玩。


請列出近日令你心情糟透之五項事/物 ：
1. 即使被讚，其實每個design project都未做到最靚，成日都甩甩漏漏
2. 仲欠緊兩個大job
3. 九萬幾樣野要做，唔知做邊樣先
4. 又再有人問兩句唔到就話：你地(石頭)中意玩另類丫嘛. 你唔好俾我估中你只係當我仲係讀緊初中的n年前睇過一個演出咁大把！
5. 無喇其實，好難得有幾可心情會糟透


請列出近日令你期待之五項事/物 ：
1. 開show
2.公司新project
3.同豬仔合作，好耐無一齊做過野喇。我今次會對你好d同埋唔會咁易俾你敲我個頭。豬仔你快d答應啦we need lighting
4.早餐有熱奶茶
5.返公司做私人野，比做公事積極得多


請列出近日令你擔心之五項事/物 ：
1. 唔夠時間，fullstop


請列出五個你最常見的人：
1. 同事阿soon
2. 老竇
3. 跟住唔知點排位好，個個都差唔多


請列出五個你想知道近況的朋友：(姐你想邊個填呢份野咁解)
唔列喇，最易得失d frd就係le d位喇

好耐無用過機會成本le個詞。今日先知係咩一回事。

65蚊個鐘呀仲可以走入威尼斯人arena後台呀好大台show呀好刺激呀仲本來有機會溝下鬼仔......
丫~~~~~~~~~~~~~

海皇老記算是很不錯的客戶。但物有所值之餘真係o吾係澳門人食開個價位。個人心得係，其實佢全店最抵食係個索味糯米飯羔蟹同黄金蟹蚊伊麵。單價188

好抵。但係食o吾起。

其實還有其他解釋我沒寫進道歉聲明裡。五點幾六點，jojo打來，問我是不是在路上。下？vincent話後聽日ge？但不構成理由。因為第一個通知我的是jojo，和vincent確認時我以為記錯的是自己。是我不對。六時半，全公司同事都走了，留下我一個加班，因為趕。剛好是我上班以來第一次加班。外面大雨，雨打到樓下的大閘的電子門鈴上，害我以為有人來，一次又一次下樓，但人影沒半個，膽小一點的大概已經以為撞鬼，正好七月。第四次下樓沒看見人，我才敢確定是因為下雨的簷逢水作怪。頂，趕緊緊野呀係咪玩呀。七時多，阿薇打來，看不看simson？o吾喇，罰緊留堂呀。八點幾，發現同事yuki竟然未發稿到澳日就收工，即刻追魂call，call了三次無回覆。死，大鑊，聽日你返到黎好大鑊yuki你快d聽電話啦。十時幾，頂o吾順，食個杯麵啦。十點九，yuki終於覆電話。你快d打俾澳日截住啦我仲o係公司我即刻幫你send過去啦。問email，send了。電話再來，果邊收o吾到。再send，澳日已經早就截稿了，迫人家硬食。總算解決了。繼續排繼續印。vincent再打來，問我加完班未食o吾食宵夜。你地食啦我諗我要十一點幾先收得工。收線，繼續。十二點七，ai終於頂o吾順，死機。好氣餒，我無咁長命等你再開過機喇g4。收工啦聽日死聽日事。離開公司是十二點八，鎖匙卡住玻璃門拔不出來，打電話給同事阿soon，掙扎了好一會，飛的回家。這是我第一個加班的夜。


但這些全部都不構成理由。一個三號風球的夜晚，各自都有自己版本的故事。

我一直沒提到我的工作，我怕就會造成這份工作很壞的錯覺。雖然同事們都不是最完美的員工組合，但起碼，另一位設計阿soon是個任何事甚至連飯盒也願意做我那份的分享界代表。marketing的水晶姐姐其實對市場反應真的有點跟外面跟不上(其實幾乎可以說是挺不了解外面的狀況)，但她肯定是捕鑊高手，對補鑊的敏感到是200%反應快，但最重要的是，全公司上下她能替新人想到的補鑊她都會即時做。有她大家麻煩都少得多。這個師姐連在大陸逛街看了一條裙子都會覺得很襯我回來跟我說，我還能要求你甚麼呢？媒介部的阿矇雖然每天不停地怨這個客那個客，但全公司真的需要一個人來代表其他人怨一下。新同事yuki看得出來是好玩的，但願不會太快走。至於實習的mandy，是個傻妹。會計部rebecca是傻妹的長大版。


永遠都不夠好的環境，困/留著善良的人。

最自私但是同時是對世界最負責任的想法
在所有紛擾中先保住自己的態度


對，我不要求被救贖。咁大個人有手有腳為甚麼要等人救。

結論：
被外星人侵犯的受害者增加至20名左右


結論2：
我唔應該再做巫婆指責外星人公主

編輯要了我的地址，為的是要寄一張請柬來。那些作者的聯誼晚飯，帖子未寄到我聽得有些頭痛，去吃還是不去吃呢？
1.難道真的跟一堆寫字的人研究心得嗎？
（我真係黎呃餐下午茶仔ga咋討咩論丫）


2.單單新園地就有好幾個頂不喜歡的人


3.我應該係全個新園地唯一一個其實無點睇過副刊ge人


我去到真係食免費飯ga咋喎......

作曲：周博賢
填詞：黃偉文
編曲／監製：周博賢


一朝驚醒已在目前 怎麼走了這麼遠
屆指一算突然發現 很多好戲已上演
離原本想的有些遠
好比揀選歌舞的路線
但拍了一齣打鬥片


由這裡 行過去
行過去 下一區
誠實地 無懼地
隨遇地 行過去
彈指間 第幾關
原來都走到這裡
別說出發以後習慣失去
鮮花開過掌心裡


把握青春最後十年
珍惜中午的光線
很多支票未曾兌現
只因長大了看穿
成名得獎一概不算
不可更改的最佳路線
何謂幸福秒秒在變


由這裡 行過去
行過去 下一區
誠實地 無懼地
隨遇地 行過去
彈指間 第幾關
原來都走到這裡
但我高興繼續漫遊於這裡
寫好這刻這一句


掌握青春經歷老死中間不免有唏噓
今天這一家用至少不只可以談空虛


行過去 行過去
行過去 下一區
華麗地 懷舊地
前衛地 行過去
路彎彎 共深山
由無知走到這裡
但我高興繼續漫遊多幾歲


由這裡 行過去
行過去 下一區
成熟地 緩慢地
回味地 行過去
彈指間 又一關
誰要劃時代創舉
只想懂得慶賀目前
不早不晚的一歲