小冰親衛隊SIUBING.NET

懷胎六月 冒險搵銀
梁小冰膽生毛人海突擊


16/03/2007
文： 影視組

梁小冰早前懷六個月身孕，冒險往廣州為兩場美容講座擔任嘉賓，更不顧安危落台與Fans握手，令貼身保護她的弟弟嚇到一額汗！
梁小冰強調大肚登台並非因為等錢使，她笑說：「個騷係四個月前傾，接陣未知有，因為應承人，又見自己佗得穩定、狀態OK，咪覺得問題唔大囉！不過，屋企人就好擔心，驚人多會有碰撞，咁我細佬放假，所以專登陪我去，佢有六呎高！」

弟弟貼身護駕
恃住有弟弟貼身護駕，小冰竟放肆起來，更心血來潮落台與Fans握手，她說：「佢起晒身衝埋我度，好多人，好墟！我唔識驚，反而嚇親細佬，佢即刻捉番我上台！其實今次上去做好簡單，只係同人影相、簽名、派公仔同食飯，老闆話我太瘦，叫好多畀我食，又送個萬幾蚊屋企水療按摩機畀我產後收身用，仲有好多肚紋膏同去斑膏，大肚原來真係有好多人錫！」