王 kā i ê tsa-bóo-kiánn khiú 走，i 艱苦 kah 大聲 háu。

「王--a，我 kan-tann tsit-ê tsa-bóo-kiánn！」

Tsa-poo gín-á 穿短衫短褲做頭前 tsông--入-來，褲是烏 kap 白 kau-tshap ê 花草，衫 ńg-á 是紅--ê，hit-lō 紅，是過年時 á teh 年 té lui ê lok-á ê 色水，真 hiánn 目 tī-leh。 

Beh án-tsuánn 講躇秋 leh，i ê 枝骨普通，面 mā 無 hit 款 hōo 人 tsi̍t-ē 看就 ē 神--去 ê súi，若 khah tsim-tsiok--leh，koh ē 知 he 抹 kah 厚厚 ê 水粉 ē-kha，有 kuá thiāu-á-tsí 留--落-來 ê khî，m̄-koh i ê 目 tsiu 親像 iap-thiap ê pōng-khang 內底 tshuē 著 ê 羊皮捲，hin 內底有古早古早 ê 神祕文字，beh 開拆源起頭 ê 啟示，huān-sè 你 mā bat tú 過 tsit 種人，究真 koh-khah 大蕊 ê 目 tsiu mā bē 大 kah toh 位--去（面 koh tio̍h 生鼻、khuà tshùi 兼帶耳--leh），總--是 ē 有 1 對目 tsiu，看--起-lih 是水 bâng-bâng，親像 khiā tī 東北角 beh 入頭城 ê 山崙 á 頂看太平洋，無張無 tî，hit phiàn 海 suah suá 來 tī 你 ê 心--ni̍h，khuann-khuann-á leh 起風，ta̍uh-ta̍uh-á beh giâ 泳，koh 看，烏仁 kap 白仁明明明，現現是 2 片白蚌殼 kuân 頂，安 2 粒 kiōng-beh 通光 ê 烏珍珠，tuè i 話句 kap 心情 ê 起落 se̍h ia̍h gô，。

「Hioh！？身軀頂除去幾 tah-á，毛 liù kah kiōng-kiōng-beh 無 khuàinn。」你講我 thài ē 知，tse 免感覺奇怪，動物室是棕銀病院 ê 太平間 lia̍h 外，上 iap-thiap ê 位 á，步平 kan-tann 獸醫、來做實驗 ê 醫生 hām 拚掃 ê oo-bá-sàng ē 來 niā-tiānn，tsia 無親像「m̄-tsiânn 猴」ê 所在，有派當值看頭看尾，阮 ê 命 khah 無價值--lah，做實驗 ê 醫生 tī 實驗 iáu-bē suah 進前 ē 關心--阮，等做了，阮就烏有--去無人 hiù--a，廢話減講--kuá，眼證 beh 認供--a，有錄影--無？

實內 500 坪，tiàm 病院 ê 地下室，有 1 間 in 人號做「動物室」，內底有「男婦老幼」ê 白 niau 鼠幾 ā 百隻，牛 2 隻，狗 8 隻，兔 á 幾 ā 十隻 kap 我 1 隻等等，我是--siánn？Hooh，你 gōng kah ná 人--leh-neh！我豬--lah！OK‧‧‧OK，我知影你 suà lueh beh 按怎問--a：「Kah nā 是豬，nah ē-hiáu 講話--leh？」，「我輩ハ豚デアル。」按怎？講日語 mā ē 通--oh！一來二去，作者交帶：「有 1 隻 ē-hiáu 講話 ê 豬，」tio̍h tsiânn-tsuè 作者 bat tī-leh ê 干證。

暗頭 á tshia 倒 hit kui 桶 khó-tsut-tsut ê 墨，連山 kiânn kap 天中間，khah iù 絲 ê hâm-sau mā tsiâu 食色湠 tâm，墨 hiàn mua 風閃過關無嚴 gâi ê 窗縫，燒燒麻麻 thîn 入鼻 khang，hu-so 頭殼碗，tsim tsīnn 跤 tsinn 尾，活命樹 khiā 直 ûn-ûn-á 起 tiô，把守 ê Ki-lōo-peng kap 發火焰 ê 劍，kā 磺水 tshiō kah 出味。

人 lóng 講快樂 ê 時間過了 siōng 緊，在王抱徹來看，tio̍h 代先回答「快樂」ê 定義 tsiah 講會落--去。

多翠拜六 e-poo 固定參加團契，iā A 勻 ta̍k 禮拜 ê tsit-ê 時間會來 tī a 公、a 媽 tsia 等 lāu-bú 聚會 suah 來 kā tsih，自 ang-á-bóo 分開 tuà 了後，王抱撤 tiānn-tio̍h ē kap tsa-bóo-kiánn siāng 時來 tī a-pah、a-bú tau，因為 tse 是 i 無 koh tńg 原底 hit 間厝了後，i hām tsa-bóo-kiánn tàu-tīn ê 時間。

捷運電車--ni̍h，有 1 ê 車廂內，窗 á kap 天房中間光 khu̍t-khu̍t， 1 張廣告紙 to 無，「原來有 tsit-lō 車廂，」王抱撤 oan-nā 看 oan-nā 想，「無人huah 賣 ê 擔 á，無有交關 ê 市場，無色無芳 ê 花蕊，無意無意 ê 蜜 phang。」

想講 tsit 幾工 kah tann，應該是偷點 tú kah put-tsí 明--a，tsing 差無 kā tsa-bóo gín-á siōng 尾 he tsi̍t-sut-sut-á ê pì-sù mā kā teh--lueh，nah 知 pha̍k kah 烏 mà-mà ê 面馬 ē-kha，1 粒心是白 sih-sih ê 海面堅 tāng，做風 koh 吹 kah án-tsuánn tshenn 狂，mā oh 得起 íng，hòng-kiam，lia̍p-sī 29 度 ê 暗暝，tī 流汗 kap CK one 透 lām ê 氣味--ni̍h，柑 á 色 ê bué-ia̍h-á，用 6 ki ná 頭 mn̂g hiah iù ê 長 kha，tiàm 冰角 kuân 頂 khuann-khuann-á、ûn-ûn-á 跳舞。

I 開 tshùi 就是暗暝 ê 大車路邊，烏 huánn ê 雨亭 á 跤，無等人搖頭吐大氣，liam-pinn 佔講：「mài 感覺奇怪，mā mài 來 jû 講：iū-koh 是 án-ne ê 場景。因為 tio̍h-ài tsit-lō 時 tsūn tsiah 會想東想西想 m̄ 知好停。」

地場：草地田邊 ê 細條 á 路

人物：A-iāu ( 短衫短褲，kuāⁿ 1 kha 運動袋 á，30 外歲人)、火泉( 戴草苙 á，giâ 鋤頭，70 外歲 )

A-iāu：火泉伯--ah！食飽--bē？

火泉：少年--ê tsín beh 去 toh？

Tī 幼稚園做 khang-khuè ê a-bú kā 我講 ē-kha ê 故事。

老師看 tsa-poo gín-á káu-koài，tsông 來 tī i ê 面頭前，大聲 lé：「你 koh tshiú-tshìng，等--leh 無 ài hoō 你出去 sńg！」