雙倒水別莊-電影

本來 tsiok 想 beh 去看 ê 電影

Tsa 暗無張持 tī 網路頂看著 11 月中 beh 搬 ê《Anti Christ》ê 段落，險去 hōo 驚--死，有影血 sai-sai，hit个結合性、暴力 kap 殘忍 ê 程度遠遠搬過我 ê 想像...看了，已經開始躊躇...無像進前 hiah 想欲去看--a......

咱 mā 不時有看別个電影 ê 晝面真褻體（siat-thái） iah 血流血滴，m̄-koh 若是 tī 伊 ê 背後有伊 beh 處理真深 iah kài 幼路 ê 議題，按呢看了顛倒 ē 真感心，甚至流目屎。比論：德國電影《Der Freie Wille》(The Free Will)，雖然有不止仔濟赤身露體 kap 暴力流血 ê 畫面，m̄-koh 看了我 suah háu kah，tann 問題是《Anti Christ》--leh？伊 ê 主題／議題是啥物？我需要先知，無--者，實在無法度單純去接受 hit 款驚--人 ê 精神虐待。

]]> http://blog.roodo.com/senghian/archives/10622623.html http://blog.roodo.com/senghian/archives/10622623.html 電影 Mon, 09 Nov 2009 10:33:33 +0800 《Ghosts of Girlfriends Past》

Tsa-hng讀規工ê冊，kah e-poo beh 5點，規个人感覺beh píng腹，頭眩目暗，uì圖書館liòng走了後，猶原無法度消tháu，連厝--ni̍h to bē tiàm--得。

(繼續閱讀...) ]]> http://blog.roodo.com/senghian/archives/9714935.html http://blog.roodo.com/senghian/archives/9714935.html 電影 Mon, 10 Aug 2009 11:28:43 +0800 Funny Game？漚古片！

並m̄是創tsi̍t-kuá meta（後設）ê戲文就叫做厲害，Michael Haneke tī《Funny Game》（中譯《大快人心》）內底4擺變猴弄，3擺是透過主角對鏡頭講話ia̍h激面腔來kap觀眾互動，1擺是主角tī in共陣--ê因為受害者拄手慘死ê時the̍h lī-móo-khóng kā劇情se̍h翻頭，thang紲手刣人；tsiah-ê，就是我所知規齣影戲khah奇巧ê位仔。Meta，早就m̄是稀罕物--a，連超過100冬前ê Dostoyevsky ê小說--ni̍h mā有使用，tann tse是有siánn好o-ló--ê？

問題是，我揣無別項khah特殊ê所在--ah。

(繼續閱讀...) ]]> http://blog.roodo.com/senghian/archives/9383389.html http://blog.roodo.com/senghian/archives/9383389.html 電影 Sat, 04 Jul 2009 20:27:57 +0800 海‧montage

戲棚頂有 hit hō 人，戲棚跤就有 hit hō 人。　～Hō-ló 俗語

搬戲 tsit tsân 代誌，有人講 tio̍h 搬 kah 生真活 lia̍h，kap 現實生活 kāng tsi̍t 樣 tsiah 有夠 khàm；有人講 m̄-nā，ài 比平素時 á koh khah hàm--kuá，按呢 tsiah 有法度突顯戲劇 ê 力量。咱暫且 kā 關係 1 ê tsiūⁿ 格 ê 演員 ê 討論按下，kā 觀察 ê 範圍 koh hùn 大：戲劇本身--leh？戲劇本身 ê 表現方式 kap 現實生活 kám 定著 ài 有距離？或者是換 1 ê 方式來問：戲劇 kám bē-īng 得就用現實生活 ê 款式來展現？

(繼續閱讀...) ]]> http://blog.roodo.com/senghian/archives/7132311.html http://blog.roodo.com/senghian/archives/7132311.html 電影 Mon, 08 Sep 2008 00:12:12 +0800 回批，兼做《海角七號》心得 pha 2

○○○○，

Tse 實在是真大 ê o-ló，你講有文學氣質 ê 人 lóng tsiaⁿ 愛哭，koh 講 A 仁老師 mā tsiok 愛哭，m̄-koh 因為看影戲流目屎 ê 人是 put-tsí-á 濟--neh，用 tse 來判斷「文學氣質」，kám 有準憑？

其實我有時 tsūn 是 tsiok 麻痺--ê，親像我看 Katyn （中譯〈愛在波蘭戰火時〉）ê 時就 lóng 無 siáⁿ 感覺，明明足慘 tsheh，明明牽涉無天理慘 ê 大屠殺，明明牽涉無公義 kap 對人權、人性真傷重 ê 窘逐，我 suah tsiok 麻痺、tsiok 麻痺--ê。

我想 tse m̄ 是無原因--ê，tsit 段時間 kah tann，我 ê 目 tsiu lóng 一直無法度 uì「個人 ê 運命」頂 kuân 徙--開，你想：1 ê 族群、iah-tsiá 是人類全體，kám m̄ lóng 是個人 ê 集合，總--是孤孤單單 ê 個人，káⁿ 是比 1 ê 族群或者是人類全體 koh khah 衰 lám，若準群體 ē 去受著逼害，按呢，個人恐驚 á koh khah bē 免得受著逼害，甚至，是 uì 平平是人類：1 ê、koh-khah 是 1 陣人類 ê 逼害。

人類上可悲--ê，是全無理路--ê 透過制度、結構、價值觀 ê 結合，對個人 ê 自由、選擇，進行有形、無形 ê 壓逼，m̄ 管 tsit-ê 個人 ê 自由是 m̄ 是有干礙著別人。

我真願意 koh 去 kā tsit 齣電影看 1 擺，你 siáⁿ-mih 時 tsūn 有閒？

S. H

]]> http://blog.roodo.com/senghian/archives/7090089.html http://blog.roodo.com/senghian/archives/7090089.html 電影 Mon, 01 Sep 2008 23:16:49 +0800 海角七號

我 m̄-bat 電影，m̄-koh 就我 ê 淺見，好看 ê 電影有 2 款，1 款是 ē hō͘ 人想足濟--ê，足有內涵 ê 電影，1 款是無足深層 ê 啟示，m̄-koh thang 做足讚 ê 藝量 ê 電影，有 hō͘ 人笑 kah 足暢 ê 藝量，mā 有 hō͘ 人哭 kah 足 tháu ê 藝量，另外 koh 有哭 kuà 笑--ê，若《海角七號》--leh，我認為是第 2 款。

我真 kah 意電影內底幾 ā 種語言 sio 濫 tsham ê suí，tú-tú 好本片放送 tsìn 前，有放 1 片香港片 ê 預告片，內底 lóng 講廣東話，tse hō͘ 我雄雄意識著語言現實對藝術作品 ê 影響，親像廣東話實際上 tī 香港 iáu 足有活力，iā 香港 phah ê 電影，m̄ 管市場 kap 觀眾 tī toh 位，香港話 lóng ē 真自然就透過電影傳去到所有觀眾 ê 耳 khang--ni̍h；台灣話--leh，台灣話已經 1 跤 hāⁿ 入棺材--a，用目今 ê 時代做背景 ê 電影，自然真 oh 有足闊 ê 空間 hō͘ 台灣話 thang 表現。

我心內知知--leh，我所寫 ê 故事內底，濟濟明明是現代 ê 場景，he 對話 kap 文件 suah 用台灣話、文，tī 現此時 ê 現實 ē-kha，算是另外 1 種「理想的」ê 神話 iā-kú-káⁿ！

電影內底 hit 張真可惡、m̄-koh 寫 kah put-tsí-á lè-táu ê 日文批，是另外 1 ê hō͘ 我 tsiaⁿ 欣賞 ê 所在，m̄ 知有批 ê 全文 thang 看--無。

Tsit 齣影戲，hō͘ 我 uì 半中 nuâ 開始直直流目屎，記 tî--ni̍h，差不多 tshiau 無看影戲哭 kah tsiah 淒慘--ê-a，若 m̄ 是不時有插 kuá 笑詼 ê 段落，我恐驚 á ē 哭 kah 十三天外--去。

出--來 ê 時去厠所 (tshè-só͘)，tī 鏡--ni̍h 看著 ka-tī ê 兩蕊目 tsiu 紅 kah bē 輸去 tò͘ 著紅墨水，若 beh 問我是 siáⁿ-mih 因端 koh siáⁿ-mih 起致，對 1 齣好看、m̄-koh 屬 tī 第 2 種類 ê 電影來講，我 mā 無才調說明。

Kiám-tshái 是寂寞所致？

]]> http://blog.roodo.com/senghian/archives/7080483.html http://blog.roodo.com/senghian/archives/7080483.html 電影 Sun, 31 Aug 2008 23:05:29 +0800 The Bubble

當 leh 煩惱對 taⁿ 院線 kap 光點 ê 影戲 lóng 無興趣，koh 感覺 1 ê 人去慶祝 uì 期末報告得著 tháu 放 ē 足無局--ê 時，好佳 tsài 有 1 ê tsiah 好 ê 伴陪我做伙，koh 提醒我台北電影節 iáu-buē suah，m̄-tsiah 有機會去看 tsit 齣 The Bubble（中文名翻 kah tsiaⁿ「正常」，有合 tī 台灣片商低路 ê 水準：號做《泡泡公寓四人行》）。

網路頂大多數 ê 評論 lóng 制限 tī 以色列 kap 巴勒斯丁 ê 戰爭 kap 冤仇，m̄-koh 我所看著 ê 戰爭比 tse koh khah 大，是社會 kap 傳統對個人、少數人 ê 制壓 kap 窘逐，影戲出尾 ê 爆炸，hō͘ 我想著--ê 是「死是唯一 ê 出口」，是--lah，我 ka-tī 寫 ê 故事內底，mā 直直 teh 重覆 tsit-ê 主題：死 kap tháu 放／自由 ê 連結；tsit-ê 想法 hō͘ 我不止 á 艱苦，目屎 mā bē-kā-kin puâⁿ 過目墘 sô 過 tshuì-phué，想 bē 曉是按怎 iáu 有人有才調 phah-pho̍k-á，kám 講 in lóng 無致覺 ka-tī 實 tú 實是 1 場戰爭內底 ê 共犯，是思想檢查哨 ê 兵丁、是價值觀屠殺 ê 銃子、是社會傳統所 phah 派 ê 自殺炸彈客‧‧‧‧‧‧‧‧‧‧

]]> http://blog.roodo.com/senghian/archives/6341127.html http://blog.roodo.com/senghian/archives/6341127.html 電影 Fri, 04 Jul 2008 23:54:56 +0800 half nelson

春假 beh suah--a，明年 bē koh 再有--a（校務會議 ê 決議）。

若是講因為 piànn-sè kā 進前讀無了 ê 冊緊讀，koh 兼做 kuá 步平無閒 thang 好好 á liú-la̍k ê sit 頭，致使有感覺壓力 sió 得著 tháu-pàng，按呢就準 kā tsit-ê 上尾 ê 春假 say saionala，mā bē siunn tsheh 心 tsiah tio̍h。

(繼續閱讀...) ]]> http://blog.roodo.com/senghian/archives/5819235.html http://blog.roodo.com/senghian/archives/5819235.html 電影 Sun, 06 Apr 2008 14:43:42 +0800 光年は距離の単位さ
關 tī 厝..ni̍h，寒..人 ê 症頭 koh giâ..起.來.a，倒 tī 眠床頂，睏 mā 睏 bē ka-tsuē，peh koh peh bē 起身。
(繼續閱讀...) ]]> http://blog.roodo.com/senghian/archives/4420227.html http://blog.roodo.com/senghian/archives/4420227.html 電影 Sun, 04 Nov 2007 20:54:49 +0800 M̄-bat tsiah-ni̍h 看 m̄-bat ê 結果進前 Kia̍t-ga̍k 兄 ê 電子批有通知，孫文紀念館 ta̍k-ê 拜三 kap 拜六 lóng 有放藝術影戲－非商業性 ê 電影，早頓食了冊讀讀--leh，lōng-liu-lian bóng lōng-liu-lian，tsuaⁿ-á 坐電車去看。 (繼續閱讀...) ]]> http://blog.roodo.com/senghian/archives/3502103.html http://blog.roodo.com/senghian/archives/3502103.html 電影 Wed, 20 Jun 2007 23:27:24 +0800 我按呢 kā 應恬恬無出聲

Tsit 齣電影無親像進前看--ê hiah-ni̍h-á 有起落，koh 加上 bē-tsîng 看 tō 聽人 o-ló 講 i kā 台灣 ê 光景 hip kah juā súi tú juā súi，期待 siuⁿ 過頭 kuân，後--來顛倒有淡薄 á 失望，想倒--轉-來，phah 片、攝影（liap-iáⁿ）kap 繪畫（kuè-uē）sio-siâng，beh 獨獨取上蓋 lè-táu ê 部份實在 m̄ 是 siáⁿ-mi̍h 困難 ê tāi-tsì，我想，監督 m̄ 是無才調按呢做，i 是 thiau 意故，i 致意「真」，khah 儕過「súi」。 (繼續閱讀...) ]]> http://blog.roodo.com/senghian/archives/3109813.html http://blog.roodo.com/senghian/archives/3109813.html 電影 Wed, 02 May 2007 13:29:46 +0800 Der Freie Wille 全全無照按算 ê 1 工，tō 親像暗時十一點四十五分行出光點 ê 時，無量講 ē kui 路 ná háu ná 行--轉-去，tse 是暗頭 á 六點外想 bē 到--ê，koh khah 免講是一早起。
(繼續閱讀...) ]]> http://blog.roodo.com/senghian/archives/3011859.html http://blog.roodo.com/senghian/archives/3011859.html 電影 Mon, 16 Apr 2007 01:38:35 +0800 烏目墘 kap 刺花看兩齣電影，烏目墘（蔡明亮監督，中文：黑眼圈，英文：I Don't Want to Sleep Alone），kap 刺花（周美玲監督，中文：刺青，英文：Spider Lilies）。

頂擺看蔡明亮監督 ê 電影，是天邊一蕊雲（天邊一朵雲／The Wayward Cloud），感覺 tsit 擺 beh 看有，有 ke khah oh，一直看 kah 過一半，tsiah khah 知影 teh 搬--siánn，mā 是 kah beh suah 戲 ê 時，tsiah hōo 感動--著，感動 ê 意思，tō 是目 sái tin--落-來，確實是 1-ê 愛哭 ê 人（連看天邊一蕊雲 mā 流目屎，hit 片明明 tiānn hōo 人講是嬌 á 片 kám m̄ 是？），總--是 koh khah 按怎，mā 無比看刺花 ê 時，哭 kah koh khah 傷心。
(繼續閱讀...) ]]> http://blog.roodo.com/senghian/archives/2931153.html http://blog.roodo.com/senghian/archives/2931153.html 電影 Fri, 30 Mar 2007 20:00:04 +0800 我 teh 等 koh 冬外 beh 搬 ê chit 齣電影我應該毋捌 chiah-n̍i̍h-á 期待 1 齣電影--過，tng 我看著cleverCLAIRE 紹介 chit 齣 Formosa Betrayed teh phah ê 時，有影 n̍g 望 chit-ê 禮拜 tō 看伊會著。 (繼續閱讀...) ]]> http://blog.roodo.com/senghian/archives/1902015.html http://blog.roodo.com/senghian/archives/1902015.html 電影 Tue, 18 Jul 2006 20:31:41 +0800 Dogme 95 Hit-kang teh 看 chit-chhut hō-chò Forbrydelser ê Dan-kok 電影 ê 時，有 1 件 tāi-chì hō· 我感覺 giâu-gî, 另外 1 件 hō· 我感覺怪奇， tio̍h kah 尾--ah，為 tio̍h beh chhoē i 原底 Dan-kok 語 ê 名， tī 網路頂 chhiau 資料了後，才知影我 chiàⁿ-káng m̄-bat 目。
Hit-kang teh khoàⁿ chit-chhut hō-chò Forbrydelser ê Dan-kok tiān-iáⁿ ê sî, ū 1-kiāⁿ tāi-chì hō· goá kám-kak giâu-gî, lēng-goā 1-kiāⁿ hō· goá kám-kak koài-kî, tio̍h kah boé--ah, ūi-tio̍h beh chhoē i goân-té Dan-kok-gí ê miâ, tī bāng-lō·-téng chhiau chu-liāu liáu-āu, chiah chai-iáⁿ goá chiàⁿ-káng m̄-bat-ba̍k. (繼續閱讀...) ]]> http://blog.roodo.com/senghian/archives/1095925.html http://blog.roodo.com/senghian/archives/1095925.html 電影 Tue, 07 Feb 2006 23:24:49 +0800