電影分類文章　顯示方式：簡文 | 列表

May 2,2007

我按呢 kā 應 恬恬無出聲


Island etude poster
Tsit 齣電影無親像進前看--ê hiah-ni̍h-á 有起落，koh 加上 bē-tsîng 看 tō 聽人 o-ló 講 i kā 台灣 ê 光景 hip kah juā súi tú juā súi，期待 siuⁿ 過頭 kuân，後--來顛倒有淡薄 á 失望，想倒--轉-來，phah 片、攝影（liap-iáⁿ）kap 繪畫（kuè-uē）sio-siâng，beh 獨獨取上蓋 lè-táu ê 部份實在 m̄ 是 siáⁿ-mi̍h 困難 ê tāi-tsì，我想，監督 m̄ 是無才調按呢做，i 是 thiau 意故，i 致意「真」，khah 儕過「súi」。 ...繼續閱讀

Posted by lausenghian at 樂多Roodo!│ 13:29 │ 回應(1) │ 引用(0)

April 16,2007

Der Freie Wille


全全無照按算 ê 1 工，tō 親像暗時十一點四十五分行出光點 ê 時，無量講 ē kui 路 ná háu ná 行--轉-去，tse 是暗頭 á 六點外想 bē 到--ê，koh khah 免講是一早起。
 ...繼續閱讀

Posted by lausenghian at 樂多Roodo!│ 1:38 │ 回應(5) │ 引用(0)

March 30,2007

烏目墘 kap 刺花


看兩齣電影，烏目墘（蔡明亮監督，中文：黑眼圈，英文：I Don't Want to Sleep Alone），kap 刺花（周美玲監督，中文：刺青，英文：Spider Lilies）。


頂擺看蔡明亮監督 ê 電影，是天邊一蕊雲（天邊一朵雲／The Wayward Cloud），感覺 tsit 擺 beh 看有，有 ke khah oh，一直看 kah 過一半，tsiah khah 知影 teh 搬--siánn，mā 是 kah beh suah 戲 ê 時，tsiah hōo 感動--著，感動 ê 意思，tō 是目 sái tin--落-來，確實是 1-ê 愛哭 ê 人（連看天邊一蕊雲 mā 流目屎，hit 片明明 tiānn hōo 人講是嬌 á 片 kám m̄ 是？），總--是 koh khah 按怎，mā 無比看刺花 ê 時，哭 kah koh khah 傷心。
 ...繼續閱讀

Posted by lausenghian at 樂多Roodo!│ 20:00 │ 回應(0) │ 引用(0)

July 18,2006

我 teh 等 koh 冬外 beh 搬 ê chit 齣電影


我應該毋捌 chiah-n̍i̍h-á 期待 1 齣電影--過，tng 我看著cleverCLAIRE 紹介 chit 齣 Formosa Betrayed teh phah ê 時，有影 n̍g 望 chit-ê 禮拜 tō 看伊會著。 ...繼續閱讀

Posted by lausenghian at 樂多Roodo!│ 20:31 │ 回應(7) │ 引用(0)

February 7,2006

Dogme 95

Hit-kang teh 看 chit-chhut hō-chò Forbrydelser ê Dan-kok 電影 ê 時，有 1 件 tāi-chì hō· 我感覺 giâu-gî, 另外 1 件 hō· 我感覺怪奇， tio̍h kah 尾--ah，為 tio̍h beh chhoē i 原底 Dan-kok 語 ê 名， tī 網路頂 chhiau 資料了後，才知影我 chiàⁿ-káng m̄-bat 目。
Hit-kang teh khoàⁿ chit-chhut hō-chò Forbrydelser ê Dan-kok tiān-iáⁿ ê sî, ū 1-kiāⁿ tāi-chì hō· goá kám-kak giâu-gî, lēng-goā 1-kiāⁿ hō· goá kám-kak koài-kî, tio̍h kah boé--ah, ūi-tio̍h beh chhoē i goân-té Dan-kok-gí ê miâ, tī bāng-lō·-téng chhiau chu-liāu liáu-āu, chiah chai-iáⁿ goá chiàⁿ-káng m̄-bat-ba̍k.
...繼續閱讀

Posted by lausenghian at 樂多Roodo!│ 23:24 │ 回應(0) │ 引用(0)
 [第一頁]  [1]  [2] 
回頁首▲