政治分類文章　顯示方式：簡文 | 列表

June 23,2006

無流血 上無愛肯流汗


幾 ā 十冬--ah，咱無流血，透過體制內 ê 手路，kā 外來獨裁政權趕--落-來，雖然 kah taⁿ 離上尾 ê 目標猶遠，現此時咱 ê 國家有當陣看--起來是有體無魂，有當陣看--起-來是有魂無體，咱 m̄-thang bē 記--得，行 chit 條無流血 ê 路，是囷 1 條長長長 ê 遠路，無流血 ē-ēng 得，總--是 mā 著甘願出力、甘願流汗。
 ...繼續閱讀

Posted by lausenghian at 樂多Roodo!│ 13:21 │ 回應(0) │ 引用(0)

June 16,2006

用咱 ê 稅金，撮汏咱 ê 母語！


Ta̍k-ê 來看，咱 ê 母語 tō 是按呢 hō• 人撮汏（cheh-thoah）--ê，chit 款現象 m̄-nā 無公平、無正義，無合 tī 儕儕國際人權宣言 kap 聯合國 ê 決議，koh mā 侵犯人民 tī〈中華民國憲法〉第 7 條所 tio̍h 有 ê 平等權，nā 有才調，咱實在應該透過法律、行政、抗議等等手路，來 hām hit 陣 siáu-khiàn 對 tu！ ...繼續閱讀

Posted by lausenghian at 樂多Roodo!│ 14:23 │ 回應(4) │ 引用(0)

March 30,2006

心思掠袂定--ê！


Án-ne lán chiū í-keng m̄-sī gín-á, bē koh siū khi-phiàn-chiá ê kàu-gī éng-hióng, chhin-chhiūⁿ hō· hong chhoe-lâi chhoe-khì, toè pho-lōng phiau-liû. Chiah-ê khi-phiàn-chiá ēng in khó-àn chhut--lâi ê khúi-kè lâi ín-iú lâng hoān chhò-gō·.
按呢咱就已經毋是囡仔，袂閣受欺騙者 ê 教義影響，親像予風吹來吹去，綴波浪飄流。Chiah-ê 欺騙者用怹考案出--來 ê 詭計來引誘人犯錯誤。
--Pó-lô kià hō· Í-hut-só·-lâng ê Phe 4:14--保羅寄予以弗所人 ê 批 4:14
...繼續閱讀

Posted by lausenghian at 樂多Roodo!│ 11:16 │ 回應(5) │ 引用(0)

March 23,2006

人已經知反省　咱猶 teh 顧烏人

Cha-hng tī pò-choá téng-koân khoàⁿ-tio̍h chit-ê siau-sit, kóng Hân-kok í-keng kā Chheon To·-hoan (全斗煥) kap No The-u (盧泰愚) 2-ê chêng chóng-thóng chāi-lāi ê 176 ê lâng phoàⁿ-hêng, koh koat-tēng kā chìn-chêng hō· in ê hun-chiong cháu-siau, in hō· hoat-īⁿ phoàⁿ kóng ū choē ê in-toaⁿ sī: 1980-nî Kong-chiu (光州) sū-kiāⁿ, ēng kun-tūi tùi jîn-bîn chò bú-le̍k tân-ap.
昨昏佇報紙頂峘看著即兮消息，講韓國已經共全斗煥佮盧泰愚兩兮前總統在內兮一七六兮人判刑，閣決定共進前予怹兮勳章走消，怹予法院判講有罪兮因端是：一九八○年光州事件，用軍隊對人民做武力彈壓。
...繼續閱讀

Posted by lausenghian at 樂多Roodo!│ 23:43 │ 回應(6) │ 引用(0)

February 19,2006

Chit 擺２２８，咱佇網路頂相牽！


全球接力秀台灣-24小時共筆書寫
今 á 早起，tī 一本雜誌頂 koân，看著一篇文章 teh 談台灣現此時 ê 政治，作者主張 tio̍h 用「是非」來 tu̍h 破「Khóng Chheⁿ 做對頭」（藍綠對立）hām 社會、人民硬硬來分拆 ê 問題，che 話聽--起-來好親像有理，m̄-koh lán 斟酌（chim-chiok）kā 想，任何無面對「義理」、「事實」kap 「歷史」ê 個人、國家，kám 有可能 ē 有「是非」？
 ...繼續閱讀

Posted by lausenghian at 樂多Roodo!│ 11:18 │ 回應(4) │ 引用(4)

February 15,2006

兩頭含 等人食

國民黨昨昏 tī 自由時報 刊廣告，講：「台灣未來有真儕可能 ê 選擇，無論是統一、獨立或者是維持現狀，攏 tio̍h 人民來做決定。」

看--起來國民黨 tī 民主政治 ê 基本原理 ē-kha，總算是有 khah 清醒--淡-薄-ah，有 sió-khoá teh 考慮 kā 「定著 ài 去 kap 中國 kap 做夥」ê 神主牌 á 請--lo̍h-lâi，總--是，soà--loeh soah koh 寫講：「任何改變現狀 ê 決定，lóng tio̍h 經過台灣人民 ê 同意，並且以憲法程序來達成，m̄ 是任何個別政治人物、政黨或是政府來決定；維持中華民國現狀是實行中華民國憲法 ê 當然結論，mā 是國民黨久長以來 ê 政策，tī 統一 hām 獨立 lóng 無可能 ê 情況 ē-kha，解決現此時台灣 ê 認同 kap 統獨爭議，tio̍h 建立「維持現狀」ê 實在共心。」 ...繼續閱讀

Posted by lausenghian at 樂多Roodo!│ 11:11 │ 回應(1) │ 引用(0)

February 11,2006

Gún bô-ài 比拳頭母 ê 世界

NoVilence
Chit-chām-á 因為歐洲 chi̍t-koá 報紙刊 kā Islam 教 謔笑 ê bàng-gah，tī chē-chē 所在發生暴力事件，chi̍t-koá Muslim 講 in ê 先知 kap 信仰 hō· 人蹧躂，m̄-nā 攻擊大使館，用火燒代表某 mi̍h-koá 人 ê 尪仔，koh khah 有人放刁，講 beh kā 某 mi̍h 人刣 hō· 死。

對 chiah-ê 代誌，我感覺 Economist chit 期 ê 封皮故事 Cartoon wars - the battle for free speech 講了真好，上蓋重要--ê kan-taⁿ 孤一項 niā-tiāⁿ：言論自由！言論自由是現代人類第一要緊 ê 價值 ê 一項，lán ē-sái 因為別人 ê 言論對 lán ê 傷害，透過法律手段來要求別人賠償、hō· 人受 tio̍h 法律制裁，但是絕對 bē-sái 因為別人講 lán 無 kah 意 ê 話，tō beh poa̍h 刀 gia̍h 銃、放火刣人，che 是 aú 橫、壓霸 ê 想法 kap 手路，不管人 lóng 應該起來對逆，保護言論自由！
 ...繼續閱讀

Posted by lausenghian at 樂多Roodo!│ 20:14 │ 回應(0) │ 引用(0)

February 9,2006

複雜 ê 認同

今 á 日下班 ê 時，gún 主管 tú-hó mā 駛車 beh tńg，我 choaⁿ-á hām 1-ê 同事做夥倚車去電車站，gún 做陣行去 chhah 車場 ê 時，順 soà 講著另外 1 ê 同事 tī 中國 ê 朋友，hit-ê 朋友 tī 中國開連鎖 ê phańg 店，bú kah 真大，chit-ê 頭家 kā ka-tī 起家 ê 因端，講做是因為 i hām 在地人透底 poāⁿ-noá，lóng 無爾我，m̄-chiah ē-tàng 成功。
Kin-á-ji̍t hā-pan ê sî, gún chú-koán tú-hó mā sái-chhia beh tńg, goá choaⁿ-á hām 1-ê tông-sū chò-hoé oá-chhia khì tiān-chhia-chām, gún chò-tīn kiâⁿ khì chhah-chhiah-tiûⁿ ê sî, sūn-soà kóng-ti̍oh lēng-goā 1 ê tông-sū tī Tiong-kok ê pêng-iú, hit-ê pêng-iú tī Tiong-kok khui liân-só ê pháng-tiàm, bú kah chin toā, chit-ê thâu-ke kā ka-tī khí-ke ê in-toaⁿ, kóng-chò sī in-ūi i hām chāi-tē-lâng thàu-té poāⁿ-noá, lóng bô-jí-ngó, m̄-chiah ē-tàng sêng-kong.
...繼續閱讀

Posted by lausenghian at 樂多Roodo!│ 23:15 │ 回應(0) │ 引用(0)

January 22,2006

Gallup 對歐洲、美國佮日本兮民意調查

Téng-lé-pài-la̍k Sakinu tiān-iáⁿ ê chō-tâm-hoē lāi-té, ū 1-ê lâng gia̍h-chhíu mn̄g Paiwan-cho̍k ê Sakinu kap Pangcah-cho̍k ê Nakao, goân-chū-bîn tùi Tâi-oân bī-lâi chêng-tô· ê khoàⁿ-hoat. Che kóng--khí-lâi sī 1-ê lóng bô thóng-kè ki-chó ê tiau-cha. Nakao kā èng kóng: " Khêng-si̍t lán Tâi-oân í-keng sī 1-ê to̍k-li̍p kok-ka, bô, lâng beh lâi mā m̄-bián lēng-goā pān chhiam-chèng, lán mā bô-khó-lêng soán ka-tī ê chóng-thóng, koh ū ka-tī ê kun-tuī...téng-téng."
頂禮拜Sakinu 電影兮座談會內底，有一兮人舉手問 Paiwan 族兮 Sakinu 佮 Pangcah 族兮 Nakao，原住民對台灣未來前途兮看法。這講--起-來是一兮攏無統計基礎兮調查。Nakao kā 應講：「窮實咱台灣已經是一兮獨立國家，無，人欲來嘛毋免另外辦簽證，咱嘛無可能選家己兮總統，閣有家己兮軍隊‧‧‧等等。」
...繼續閱讀

Posted by lausenghian at 樂多Roodo!│ 13:02 │ 回應(6) │ 引用(0)

January 21,2006

Google 真假仙

Google chit-chām-á kap Bí-kok chèng-hú tùi-ngó-chhiong, tùi Bí-kok chèng-hú iau-kîu thê-kiong īong-hō· chhiau-chhōe chu-liāu ê kì-li̍ok, thang lī-piān tui-cha bāng-lō· sek-chêng, Google sī chhiáⁿ kap sî. Ū muî-thé ín Google ê kóng-hoat, kóng Google sī hoân-ló kò-jîn chu-sìn lāu-sia̍p, mā bô ài chèng-hú ê chhíu chhun ji̍p-lâi bāng-lō·, goá ū-iáⁿ thiaⁿ-ti̍oh khí-ài-chhìo. ( IHT ê pò-tō )
Google 即暫仔佮米國政府對午衝，對米國政府要求提供用戶抄揣資料兮紀錄，通利便追查網路色情，Google 是請佮辭。有媒體引 Google 兮講法，講 Google 是煩惱個人資訊漏洩，嘛無愛政府兮手伸入來網路，我有影聽著起愛笑。( IHT 兮報導 )
...繼續閱讀

Posted by lausenghian at 樂多Roodo!│ 15:34 │ 回應(5) │ 引用(0)
 [第一頁]  [1]  [2]  [3]  [4]  [5]  [6]  [7]  [最終頁] 
回頁首▲