May 13,2009
按怎資本主義tik
JK兄佇TGB 舉花田一路ê banggah做例，佮我tsit-tsām-á teh想ê辦法真有關係：若beh開足濟條細條ê錢項去做無市場、袂趁錢ê khang-khuè，較輸做包giap：佇ē趁錢koh有市場ê物件內底，去強制加入tsi̍t-kuá人較無愛，m̄-koh有mā袂去礙著in來交關ê物件。
比論：集中資金去bāu 1 齣ē大銷ê banggah iah電影，提著代理權了後，除了一般ê行銷手路袂使輸--人以外，咱通硬ka加入運動ê要素，比論佇契約內底加1項：「一定愛hē台文字幕」(等等)，tsit種親像Microsoft ê商業手路，ē無形中去教育消費者，mā ē產生市場ê慣勢，造成文化資本再生產ê效果。
Ē趁錢ê物才做ē久長，才有才調愈做愈大，mā才是ē對大眾產生影響，帶動文化資本再生產ê辦法，kám毋是--leh？
比論：集中資金去bāu 1 齣ē大銷ê banggah iah電影，提著代理權了後，除了一般ê行銷手路袂使輸--人以外，咱通硬ka加入運動ê要素，比論佇契約內底加1項：「一定愛hē台文字幕」(等等)，tsit種親像Microsoft ê商業手路，ē無形中去教育消費者，mā ē產生市場ê慣勢，造成文化資本再生產ê效果。
Ē趁錢ê物才做ē久長，才有才調愈做愈大，mā才是ē對大眾產生影響，帶動文化資本再生產ê辦法，kám毋是--leh？
May 12,2009
資本主義kap母語文運動
Tsit半個月koh重讀Benedict Anderson ê Imagined Communities，我心內慢慢á有1 ê想法，tsit-ê想法，佮taⁿ來佇台灣ê A天兄所分享ê代誌有tī-tāi，A天兄用1个例來比論香港ê母語情況，伊講「taⁿ佇香港，有出規本攏用廣東話印ê色情雜誌。」Koh-khah免講報紙iah是冊。
是按怎香港真濟全用香港話ê冊佮雜誌，佇台灣，台語文出版品suah真罕得看--kìnn？
是按怎香港真濟全用香港話ê冊佮雜誌，佇台灣，台語文出版品suah真罕得看--kìnn？
翻頭看17-19世紀ê歷史，koh加上Anderson提出：「民族主義是印刷資本主義ê結果」ê主張，我雄雄致覺著：tse後壁lóng是資本主義teh做主，若根據B. Anderson (1991) ê分析，想像ê共同體的確是資本主義ê產物，講khah精確--leh，想像ê媒介，是「印刷資本主義」，按呢佇tsit-ê時代、tsit-ê地場、tsit-ê都合，對母語運動kám無啥物啟示？
香港話ê出版是按怎佇香港ē興？因為佇hia有伊ê市場，台灣話ê出版佇台灣是按怎一直做人tan袂tńg骨？因為tsia無市場！
現此時1个有市場1个無市場ê因端真複雜，he絕對毋̄是有「自主意識」無「自主意識」就ē-thang簡單pué會--ê，逐个會使想看覓：香港人ê獨立意識kám ē比台灣人khah強？騙鬼bē食水--koh！Koh，若tsit-ê考慮有理路，咱kám免sió想看beh按怎利用資本主義ê勢頭，kā咱ê策略重翻？
May 11,2009
創詞試看māi - cynic(al)
Sió揣kuá資料來看了後，發覺cynic(al) tsit-ê詞tsit-má時行ê意思，kap伊原底ê意思（也就是hit-ê希臘哲學學派所提倡ê哲學觀）來比，是規个走tsing--去-a。
既若 (kah-nā) 伊ê意思已經變--a，我想tio̍h照伊taⁿ通行ê意思去創詞khah好。
Cynic ê詞源，是「親像狗」ê意思，tse 也是日語ē ka翻譯做「犬儒學派」ê因端，tsit-ê和製漢語後--來去hō͘華語吸收，變做咱所知ê華語詞。
Taⁿ 一般人講 cynic ê意思，是講無相信人性ê善，對人、社會kap制度抱giâu疑ê態度，tsit-ê情形，台語有1 ê相對tik khah倚ê詞講「臭疑」，若koh加上伊自早ê希臘語詞源意義，án-ne thang考慮ke加 1 字「狗」，來kap「臭疑」另家各食 (līng-ke-kok-si̍t)，自按呢創詞：「狗臭疑」。
Tshit迌煞--a
既若 (kah-nā) 伊ê意思已經變--a，我想tio̍h照伊taⁿ通行ê意思去創詞khah好。
Cynic ê詞源，是「親像狗」ê意思，tse 也是日語ē ka翻譯做「犬儒學派」ê因端，tsit-ê和製漢語後--來去hō͘華語吸收，變做咱所知ê華語詞。
Taⁿ 一般人講 cynic ê意思，是講無相信人性ê善，對人、社會kap制度抱giâu疑ê態度，tsit-ê情形，台語有1 ê相對tik khah倚ê詞講「臭疑」，若koh加上伊自早ê希臘語詞源意義，án-ne thang考慮ke加 1 字「狗」，來kap「臭疑」另家各食 (līng-ke-kok-si̍t)，自按呢創詞：「狗臭疑」。
Tshit迌煞--a
我無kah意「獅甲國中」ê冊包
有人建議用「獅甲國中」ê冊phāiⁿ-á來抗議中國ê侵略，在我ê想法-- ni̍h，tse無嶄然á妥當。
Tsit學期修課ê關係有讀著後殖民理論，關係「語言使用」ê後殖民策略，有1項kap tse相關，就是「F-word」ê書寫，比論：James Kelman ê How late it was, how late內底大量使用英語ê「fuck」等等ê tshoh-kàn-kiāu iah歹聽話，koh加上對英語語詞kap文法ê扭曲，來達成反殖民、對tu殖民者kap殖民語ê目的。
換1句話講：國外ê後殖民作家khah濟是提「殖民語」來ka蹧躂、ka變形、ka侮辱，用殖民語來tshoh-kàn-kiāu、來講歹聽話，thang損蕩殖民所造成ê語言頂ē位結構。
咱台灣人ê做法kám無khah稀罕？咱拄拄kap人顛倒píng，咱是提咱已經hō͘人蹧躂兼鄙相ê母語來做「F-word」ê後殖民抗議，若正式ê聲明kap立場表達ê都合--leh，suah顛倒khah tsia̍p使用殖民者ê語言，koh ka寫kah媠氣兼tau-sau，按呢ê做法，kám m̄是teh助贊現此時戇大眾對殖民語kap母語1 ê 懸 1 ê低、水準無siâng ê錯誤印象？
Tsit學期修課ê關係有讀著後殖民理論，關係「語言使用」ê後殖民策略，有1項kap tse相關，就是「F-word」ê書寫，比論：James Kelman ê How late it was, how late內底大量使用英語ê「fuck」等等ê tshoh-kàn-kiāu iah歹聽話，koh加上對英語語詞kap文法ê扭曲，來達成反殖民、對tu殖民者kap殖民語ê目的。
換1句話講：國外ê後殖民作家khah濟是提「殖民語」來ka蹧躂、ka變形、ka侮辱，用殖民語來tshoh-kàn-kiāu、來講歹聽話，thang損蕩殖民所造成ê語言頂ē位結構。
咱台灣人ê做法kám無khah稀罕？咱拄拄kap人顛倒píng，咱是提咱已經hō͘人蹧躂兼鄙相ê母語來做「F-word」ê後殖民抗議，若正式ê聲明kap立場表達ê都合--leh，suah顛倒khah tsia̍p使用殖民者ê語言，koh ka寫kah媠氣兼tau-sau，按呢ê做法，kám m̄是teh助贊現此時戇大眾對殖民語kap母語1 ê 懸 1 ê低、水準無siâng ê錯誤印象？
April 29,2009
「瓦斯」mā是和製漢語
若無記m̄-tio̍h，beh 1冬前tī 1 本外來語辭典看tio̍h「瓦斯」（uá-su）tsit-ê詞ê時是真gōng-gia̍h，the̍h hō͘朋友看，in mā感覺kài譀，suî人lóng講「tse m̄是台語，tse百面是uì華語漢字翻讀ê荏路貨。」
M̄-tsiah ē tī 1920-1930年代 ê《台灣教會公報》看--tio̍h hit當tsūn ê人現現寫「oá-su」，koh m̄-nā出現1擺，用tio̍h put-tsí-á sù-siông ê時，ē hiah-ni̍h-á意外，bē輸去hō͘雷公khà--tio̍h，hit-ê時代beh講對台語詞有大影響--ê，tsāi-tsuí是日語，無可能是華語，kám講，「瓦斯」自本是日語詞？
...繼續閱讀
M̄-tsiah ē tī 1920-1930年代 ê《台灣教會公報》看--tio̍h hit當tsūn ê人現現寫「oá-su」，koh m̄-nā出現1擺，用tio̍h put-tsí-á sù-siông ê時，ē hiah-ni̍h-á意外，bē輸去hō͘雷公khà--tio̍h，hit-ê時代beh講對台語詞有大影響--ê，tsāi-tsuí是日語，無可能是華語，kám講，「瓦斯」自本是日語詞？
April 26,2009
上新ê台語IME
Tsit-tsām-á雖罔有kuá感想beh講，有kuá痟話beh會，m̄-koh人真懶屍，心tsiâⁿ sàm-tām，戇想khah濟，寫是斷半字--lah，是講ing暗有1件大代誌，FHL基金會發起，濟濟人題捐 (tê-iân)，陳柏中、劉燈技術ő͘-ián ê最新版台語IME公佈--a，我個人安裝kap使用ê感覺kài giang，比試用版koh ke真進步，有趣味ê人ē-tàng做伙來用，mā tàu出意見，thang做後擺改版參考ê路用：
March 20,2009
請問咱尊名
Roodo teh tuè 時行，mā 辦 1 份線頂雜誌。
入去 tsi̍t-ē 看，對 tsit 篇文章 文化評論 / 英國：請教大名？ 感覺真 kah 意，雖 bóng tī 阮 1 陣思想進步 ê 朋友中間，文章所講--ê，早就已經是臭酸話--a，m̄-koh 若以大多數台灣人 ê 文化水準來看，tsit 篇文章內底 ê 觀念 huān-sè 是聽 to m̄-bat 聽，koh khah 免講 bat 想--過。
Tú 去上法語課 ê 時，我對先生 beh ài ta̍k-ê 有 1 ê 法語名就真反感，問題是無 1 ê 同學有意見，也我無膽，tsuaⁿ-á m̄ 敢 siuⁿ 過頭激骨，尾--a，報 hit-ê sù-siông teh 用來做筆名、網路名 ê 台灣 Cou 原住民名 Voyu hō͘ 老師，老師提醒我講：「Voyu kap 1 ê 法語字 Voyou 真 sîng，若 Voyou 是竹雞 á iah m̄-tsiâⁿ gín-á ê 意思--o͘h，你 kám 確定 beh 用 tsit-ê 名？」 我心內想講：「he 是恁法國詞 ê 意思，kap 阮台灣人有啥 tī-tāi？」自按呢用 tsit-ê 名上課 kah taⁿ。
Tsit 期 ê 課程，有 kuá 新 ê 同學直接用漢名拼音來報 hō͘ 先生--a，是講 in 做了無 tsiâu-tsn̂g！就親像李怡道引安慕理 ê 話：「恁台灣人無應該用北京話來拼寫恁 ê 名！」
是--ah！香港人用 in ê 母語廣東話報 in ê 名姓，新加坡漢人 mā 是按呢，咱台灣人--leh？ Hit 兩 ê 同學明明 m̄ 是中國北方 ê 人，是按怎報 ka-tī ê 漢字名 suah 用北京話音？
我 m̄ 敢去問--in，因為 tsit-má ê 少年人頭殼生了 koh 樣，pān-phue in kan-taⁿ ē ìn 我 1 句：『你無聊！』
況兼我 ka-tī mā 是用 Voyu 來 teh 上課--leh。Seriously speaking, that's not my name either!
入去 tsi̍t-ē 看，對 tsit 篇文章 文化評論 / 英國：請教大名？ 感覺真 kah 意，雖 bóng tī 阮 1 陣思想進步 ê 朋友中間，文章所講--ê，早就已經是臭酸話--a，m̄-koh 若以大多數台灣人 ê 文化水準來看，tsit 篇文章內底 ê 觀念 huān-sè 是聽 to m̄-bat 聽，koh khah 免講 bat 想--過。
Tú 去上法語課 ê 時，我對先生 beh ài ta̍k-ê 有 1 ê 法語名就真反感，問題是無 1 ê 同學有意見，也我無膽，tsuaⁿ-á m̄ 敢 siuⁿ 過頭激骨，尾--a，報 hit-ê sù-siông teh 用來做筆名、網路名 ê 台灣 Cou 原住民名 Voyu hō͘ 老師，老師提醒我講：「Voyu kap 1 ê 法語字 Voyou 真 sîng，若 Voyou 是竹雞 á iah m̄-tsiâⁿ gín-á ê 意思--o͘h，你 kám 確定 beh 用 tsit-ê 名？」 我心內想講：「he 是恁法國詞 ê 意思，kap 阮台灣人有啥 tī-tāi？」自按呢用 tsit-ê 名上課 kah taⁿ。
Tsit 期 ê 課程，有 kuá 新 ê 同學直接用漢名拼音來報 hō͘ 先生--a，是講 in 做了無 tsiâu-tsn̂g！就親像李怡道引安慕理 ê 話：「恁台灣人無應該用北京話來拼寫恁 ê 名！」
是--ah！香港人用 in ê 母語廣東話報 in ê 名姓，新加坡漢人 mā 是按呢，咱台灣人--leh？ Hit 兩 ê 同學明明 m̄ 是中國北方 ê 人，是按怎報 ka-tī ê 漢字名 suah 用北京話音？
我 m̄ 敢去問--in，因為 tsit-má ê 少年人頭殼生了 koh 樣，pān-phue in kan-taⁿ ē ìn 我 1 句：『你無聊！』
況兼我 ka-tī mā 是用 Voyu 來 teh 上課--leh。Seriously speaking, that's not my name either!
March 6,2009
Siáⁿ-mih 是白話字？
Siáⁿ-mih 是白話字？是教會羅馬字，iah 是教育部公佈 ê 台灣羅馬字？
1911 年 5--月 1 位英國傳教師用羅馬字寫 ē-kha tsit 篇 Kàu-io̍k ê Hó-hoat（教育 ê 好法）刊 tī Tâi-lâm Kàu-huē-pò（《台南教會報》，taⁿ《台灣教會公報》ê 前身），上尾算--來 ê 第 2 段有 1 句話講：「親像阮祖家（英國）白話字 ê 新聞報有幾 nā 十間」，tsit-ê 意思 kám m̄ 就是講：白話字就是羅馬字！
相對漢字來看，用字母所寫、無分語文 ê 羅馬字，tī beh 100 冬前，lóng thang 叫做白話字。
...繼續閱讀
1911 年 5--月 1 位英國傳教師用羅馬字寫 ē-kha tsit 篇 Kàu-io̍k ê Hó-hoat（教育 ê 好法）刊 tī Tâi-lâm Kàu-huē-pò（《台南教會報》，taⁿ《台灣教會公報》ê 前身），上尾算--來 ê 第 2 段有 1 句話講：「親像阮祖家（英國）白話字 ê 新聞報有幾 nā 十間」，tsit-ê 意思 kám m̄ 就是講：白話字就是羅馬字！
相對漢字來看，用字母所寫、無分語文 ê 羅馬字，tī beh 100 冬前，lóng thang 叫做白話字。
November 29,2008
驚新棄舊為 mih 代？
聽著參加台語檢定試考 ê 考生（是母語教師 ê 款）teh 埋怨教科書 kap 考試 ê 內容，有 tsi̍t-kuá 現此時 khah 無 teh 使用 ê 字詞，koh 拙者有發見，咱人 teh 做台譯 ê 時，有時 tsūn ē 甘願 kap 原文 ê 意思 saⁿ 離，mā 無 ài 接受 hit-ê 新 ê 觀念。
...繼續閱讀
October 30,2008
1949年10--月 ê 知見
整理著 1 篇 1949 年 ê 文章，tsit-má 來讀感覺真 gé，分 ta̍k-ê 看 māi。
白話字 ê 問題
Kàu-hoē Kong-pò 1949.10 第 730 卷 p.3
(南投：謝經)
青年團契 ê 代表對台南的夏令會倒--來，有teh報告講，關係白話字 ê 問題，有 tsi̍t 部份 ê 人teh主張講：「白話字是無必要。」我聽了不止艱苦。講「白話字無必要」就是講「台灣話無必要」。因為白話字佮台灣是袂通分離--得的。（請看台南冊房所發行巴博士的傳記《バアクレイ博士の面影》）。
以前我也捌聽見有台灣 ê 青年teh講：「白話字 ê 聖經無合用；因為讀了較袂通明白 hit-ê 意思。」我聽也不止 gông-ngia̍h，因為伊毋知，袂通明白意思ê原因，是因為毋捌台灣話的緣故。伊也毋知，白話字 ê 聖經是台灣話最好 ê 文學。
實在今仔日 ê 台灣，普遍 ê 現象；就是台灣人袂曉講台灣話，也袂曉聽台灣話，tsit 1 个悲慘 ê 現象，tse 就是台灣50年久受日本統治 ê 結果。日本人禁止咱講台灣話，禁咱使用台灣名姓。In也禁止咱 ê 主日學教白話字。In ê 意思就是講，咱著完全改變成做日本人，才 ē 通得著生存。In 想佇日本帝國 ê 內面，台灣人是無必要。總--是現時已經無人teh禁止咱講台灣話，也無人teh禁用白話字--lah，咱敢毋愛除去這號悲慘的現象--mah？
逐擺我掀開白話字聖經 ê 時，就會得著 tsi̍t 款親像佇老母 ê 胸前，hit 號溫暖 ê 感覺。這號感覺是對別號文字的冊所袂-通得--著-ê。我想台灣人應該著用台灣話祈禱，也應該著讀白話字 ê 聖經。
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
