雙倒水別莊-文化 http://blog.roodo.com/senghian/archives/cat_132116.html 母語走反來 tī tsia zh-tw Roodo Blog System All Rights Reserved 《賽德克‧巴萊》開鏡紀念套票
Seediq Bale
Tse m̄是工商服務，是 beh kā 1 个敢眠夢 ê 人 tàu ő͘-ián，台灣人內底已經有 thài 濟人 gâu 算行，咱需要 tsit 款無 beh 向現實 ànn 頭，頭 mooh--leh 直直衝 ê 戇人。


Ǹg望天公伯--a mā 助贊魏德聖 kap tsit 齣電影所代表 ê 夢。


]]> http://blog.roodo.com/senghian/archives/10453281.html http://blog.roodo.com/senghian/archives/10453281.html 文化 Tue, 27 Oct 2009 23:07:11 +0800 台北法主公聖誕鬧熱
今 á 日 tn̄g 著台北法主公做生日 teh 鬧熱。

(繼續閱讀...) ]]> http://blog.roodo.com/senghian/archives/10435407.html http://blog.roodo.com/senghian/archives/10435407.html 文化 Sun, 25 Oct 2009 23:18:58 +0800 看《簡先生》ê 感想
南風劇團《簡先生》看了--a，真深沉 ê 戲，演員有 kā 受制壓 ê 感情搬演--出-來，濟濟仝時間兩幕對話交插 ê 效果真心適（我家己 bat 用按呢寫過劇本），tsi̍t-kuá 細節做暗喻真值得去想，歕 phín-á hit 景做出雄雄跋入記持、時間倒退 lu ê 效果，有夠讚！！！看了無失望，m̄-koh tsit 款沉著 ê 戲劇手路確實 m̄ 是隨人攏 ē kah 意--ê。


欠點 ê 部份：少年女主角 ê 台語呼音有 kuá 問題（合喙音 lóng 無--去-a），劇本口白內底有 tsi̍t-sut-sut-á 台語 ê 錯誤，m̄-koh 我猶原 ē-tàng 感受著劇團有 tī 台語 hē 心神 ê 努力，規齣戲 ê 台語總 tshé 來講算是真媠氣 ê 台語！
]]> http://blog.roodo.com/senghian/archives/10368507.html http://blog.roodo.com/senghian/archives/10368507.html 文化 Sat, 17 Oct 2009 22:39:04 +0800 南風劇場台語新劇 - 簡先生
簡先生4
Tsit 齣新劇是根據葉石濤 ê 小說《台灣男子簡阿淘》改編--ê，自頭 kah 尾口白 lóng 用台語。

有興趣 ê 人，請去 兩廳院售票網 買票，1 張 300 khoo。

另外，mā ē-tàng 參觀南風劇場 ê 網頁。






簡先生3










簡先生2










簡先生1



 ]]> http://blog.roodo.com/senghian/archives/10199341.html http://blog.roodo.com/senghian/archives/10199341.html 文化 Mon, 05 Oct 2009 16:31:28 +0800 台灣人ê中秋
中秋，是 1 个國際性 ê 節日，包括：韓國、越南、台灣、中國攏有 teh 做，聽講日本有 tsi̍t 寡所在嘛過中秋，毋過，過中秋好親像毋是 tsîng-kah-tann 台灣人ê共同記憶，比論：昨昏佇 2009 台語詩人大會台南場，就聽著作家陳明仁講伊毋知中秋 kap 台灣人有啥關係。


暗時轉台北了後，tsiah 聽著阮爸 kā 阮講伊做囡仔 ê 時，中秋是食麻糬 kap 芋粿 khiau（阮爸是民雄人），換話來講，tann 咱四常看--著 ê 月餅，真有可能是二次大戰了後 ê 文化輸入，是中國國民黨欲 kā 台灣文化中國化 ê 影響之一，犯勢根本毋是咱台灣人自本ê風俗！（我 tsit-ê 講法有問題，多謝玉君指正，請參考本文 ē-kha ê 回應）


我 tsa 昏有食著 1 塊麻糬，按算 tse 了後 ê 中秋節，無欲 koh 刁工綴人食月餅，毋過欲刁持食麻糬 kap 芋粿 khiau 來慶祝，慶祝咱台灣 ê 中秋節。
]]> http://blog.roodo.com/senghian/archives/10176955.html http://blog.roodo.com/senghian/archives/10176955.html 文化 Sun, 04 Oct 2009 16:08:36 +0800 野蠻國！
野蠻國！韓國法律拒絕保護受恐嚇ê女性（中央社新聞：南韓法律不保護不自愛女性貞操），原因suah是因為in無致意in家己ê貞節？！Kán！糞埽韓國法院！

Tse tī in國m̄是頭tsi̍t-ē按呢ê判例--ah，法院所表現--ê，應該就親像有志kòng-thuî所講--ê，是韓國人民集體（大多數）ê意志--pah，tse hōo我對tsit-ê國家、tsit-ê民族ê印象koh ke真bái。
]]> http://blog.roodo.com/senghian/archives/9882379.html http://blog.roodo.com/senghian/archives/9882379.html 文化 Tue, 01 Sep 2009 14:32:05 +0800 音樂劇《隔壁親家》戲票割引
隔壁親家音樂劇無閒 teh 準備論文 ê hē 項，請有興趣 ê 人客倌 ka-tī 看海報，多謝！
 ]]> http://blog.roodo.com/senghian/archives/8655385.html http://blog.roodo.com/senghian/archives/8655385.html 文化 Tue, 07 Apr 2009 22:58:53 +0800 2 月 27 抗議國民黨刪除母語認證預算
Hō-ló 語 ê 認證考試預算，hō͘ 中國國民黨 tiàm 立法院刪除--a！ 發動者是 hit só͘ tshâ-pê 洪秀柱等人。


中國國民黨迫害台灣在地語言是實實在在 ê 歷史事實，tse 咱 lóng 真知--a，khah 意外 ê 是：tsit-ê lah-sap 政黨 m̄ 知 thang 慼變，就親像 in 食數千億 ê 黨產 kah taⁿ 猶原 m̄ 還，kan-taⁿ 知直直洗錢漂白，也 in 重 koh la̍k-tio̍h 政權了後，hit lō tseh-thuah 台灣在地語言 ê 相體 mā 原性不改。


2 月 27，阮 beh 去立法院 kā in sio 借問，請 ta̍k-ê 參考 ē-kha ê 華文傳單：

抗議活動傳單 ]]> http://blog.roodo.com/senghian/archives/8346215.html http://blog.roodo.com/senghian/archives/8346215.html 文化 Fri, 20 Feb 2009 23:01:54 +0800 【轉貼】世界母語日：台灣的反動 自由時報 自由廣場

◎ 李勤岸

二○○○年開始，聯合國教科文組織（ＵＮＥＳＣＯ）訂二月二十一日為世界母語日，並且每年佇這工公告世界各地母語存亡的現況，強烈呼籲世界各國攏有義務替人類保存共同的語言資產。二○○一年ＵＮＥＳＣＯ所公告的世界各地母語存亡報告書內底，特別提起台灣的語言除了華語以外攏瀕臨死亡。台灣的本土母語—台語、客語以及原住民語雖然程度有無仝，不過仝款攏是已經需要保護的語言。雖然是台灣人的本土母語，毋閣嘛同時是人類的共有資產，咱無權利去共傷害、蹧躂。
(繼續閱讀...) ]]> http://blog.roodo.com/senghian/archives/8320801.html http://blog.roodo.com/senghian/archives/8320801.html 文化 Tue, 17 Feb 2009 11:30:34 +0800 [轉貼] 多語言 ê 神學討論（三）
我贊成內底所有關係多語、多元主義 ê 觀點。其實，我相信有人 ē 感覺我有淡薄 á 離題--a，我所要意--ê，並 m̄ 是「多語、多元」kám 好（當然我認為多語 kap 多元是 put-tsí-á 好！），我所針對--ê，是教會對《聖經》ê 使用 kap 解讀。


希望 ta̍k-ê 諒情，因為 Tada sàng 是 tī 教會 ê 前提之下提出 tsit-ê 問題--ê，所以我就大主大意、橫行肆志，ǹg 教會對《聖經》ê 操作提出我 ê 批評，tse 實在是因為我真看 bē 做--得。（雖然我 mā 因為按呢，幾 nā 冬無 ài 去教會--a，tse ná 像我無 hit-ê 立場 koh 講--siánn-a。）


教會--ni̍h ê 基督徒，若是無 beh tsiū《聖經》論《聖經》，kan-tann beh「利用」聖經，按呢，我相信，就準有人 ē-tàng 引《聖經》來證明無上帝，來證明耶穌 m̄ 是救主，我 mā bē 感覺奇怪，因為 hit-ê 手路，咱 lóng 真熟 sāi-- a，講--起-來，to 已經舞弄去倒 2 千冬--a，kám m̄ 是？
]]> http://blog.roodo.com/senghian/archives/8271827.html http://blog.roodo.com/senghian/archives/8271827.html 文化 Mon, 09 Feb 2009 22:00:27 +0800 [轉貼] 多語言 ê 神學討論（二）
我所強調--ê，是轉來 tī「聖經」ê 內容來看待多語文化 ê 價值，也就是講，雖 bóng 無論《聖經》按怎講，咱猶原 lóng ē-tàng 有咱本身對多語文化 ê 價值觀，或者是支持，或者是看輕，咱所做 ê 判斷，kap《聖經》--ni̍h ê 內容，無一定 ài sio 黏蒂帶。
(繼續閱讀...) ]]> http://blog.roodo.com/senghian/archives/8271747.html http://blog.roodo.com/senghian/archives/8271747.html 文化 Mon, 09 Feb 2009 21:29:37 +0800 [轉貼] 多言語 ê 神學討論 Tsiū 我粗淺 ê 認 bat，雖 bóng 使徒行傳 17:26 有 án-ne 記載：「I（上帝）tuì 1 ê 人造出 ta̍k 種族 ê 人，hō͘ in khiā 起 tī 地面上 ta̍k 所在，koh 代先 kā in 定年限 kap khiā 起 ê 地界。」（現代台語譯本）總--是若翻頭看 koh-khah 早 ê 時代，人類 ē 講 tsē-tsē 無 siāng 款 ê 語言，並 m̄ 是上帝自來 ê 創造，tsit-ê 部份我有想著創世記 11:1： (繼續閱讀...) ]]> http://blog.roodo.com/senghian/archives/8265741.html http://blog.roodo.com/senghian/archives/8265741.html 文化 Sun, 08 Feb 2009 10:33:27 +0800 婚姻 khah 神聖？
若是社會的--ê、結構的--ê ê 問題，按呢，順趁極 ke 是奴才 ê 德行，m̄ 是高尚 ê 義務。

(繼續閱讀...) ]]> http://blog.roodo.com/senghian/archives/7853599.html http://blog.roodo.com/senghian/archives/7853599.html 文化 Sun, 14 Dec 2008 20:14:32 +0800 瘋英語
Teh 整理手--ni̍h ê tsi̍t-kuá 語料，看著 2007 年海翁台灣文學營鄭安住老師講 ê 1 段話：


你（iah lín 後生、tsa-bó͘-kiáⁿ）英語 koh-khah 好 mā bē 比得 New York ê 1 ê 乞食，m̄-koh，阮 kám 有過了比 hit-ê 乞食 khah bái--sìm？


Tsiah-ê 話 thang làu hō͘ hiah-ê kan-taⁿ 知瘋（hong）英語 suah 棄 sak 母語 ê m̄-tsiâⁿ sī 大聽。
]]> http://blog.roodo.com/senghian/archives/7425439.html http://blog.roodo.com/senghian/archives/7425439.html 文化 Wed, 22 Oct 2008 22:30:13 +0800 Koh 來 ê 世代 ē 按怎看--咱？
（對 hit-ê 課 to 已經無啥興趣--a，koh 分著 1 篇寫 kah tsiah-ni̍h-á 差 ê 論文 beh ài 我報告，實在真 ak-tsak，ppt 做 kah m̄ 情 m̄ 願，只好 koh 來 tsia 烏白 tsō。）
(繼續閱讀...) ]]> http://blog.roodo.com/senghian/archives/7393261.html http://blog.roodo.com/senghian/archives/7393261.html 文化 Fri, 17 Oct 2008 23:52:14 +0800 借--來 ê 感想
對戲無 siáⁿ-mih 感想，因為 uì 第 1 幕看 suah，我就已經確定我 khah 愛張文環 ê 原著小說--a，m̄-koh 按呢並 m̄ 是講 tsit 齣戲無好，是因為小說 hō͘ 我 ê 感動 khah 大，tsiah ē 去影響著我對戲 ê 感覺。
(繼續閱讀...) ]]> http://blog.roodo.com/senghian/archives/6838167.html http://blog.roodo.com/senghian/archives/6838167.html 文化 Sat, 16 Aug 2008 22:03:15 +0800 台語廣播大 kioh-siàu、歌仔戲齣真將才 【李江却台語文教基金會活動宣傳稿】

來聽石文戶講戲文！


石文戶本名石啟明，昭和九年（1934）tī 台南縣鹽水鎮出世。是台語廣播界 kap 歌仔戲界 ê sia̋n-pái，早期 tī 民本、正聲廣播電台主持講古節目，放送了後，i ê 錄音帶 tio̍h 全台灣走帶，節目非常 ka-ia̍h，非常有人氣，mā 財源滾滾，台灣錢淹 kha 目。


後--來電視台出現，i kap 劉鍾元先生遊三台，劉--先-生將歌仔戲節目 tshuā 入電視台，現此時有名 ê 歌仔戲演員楊麗花、葉青等 lóng bat 做過 in 戲團 ê 團員。


1990 年代 ê 葉青劇團歌仔戲《玉樓春》、《伍子胥過昭關》、《皇甫少華與孟麗君》、《薛平貴與王寶釧》、《陳三五娘》等 lóng 是i ê 導演作品，i mā 是宜蘭縣立蘭陽戲劇團頭 tsi̍t-ê 導演，監督《錯配姻緣》、《連昇三級》、《打城隍》、《回窯笑傳》、《樊江關》、《吉人天相》等真濟部大型舞台歌仔戲，是台灣資深 ê 歌仔戲劇作家 kap 導演，業界尊稱做「導演 pâ」；石--先-生包攬編劇、導演、演員ê khang-khuè，ē-sái 講是文武全才。


Tsit 遍，咱邀請 i 來將 i tsit 段台語文化活跳跳、台語節目受百般蹧踏 ê 親身經驗講 hō͘ 咱後輩聽，hō͘ 咱後輩知，請 ta̍k-ê 來捧場，來看鬧熱。


時間：2008年8月25 (禮拜一) 17:30~19:30

地點：李江却台語文教基金會
台北市艋舺區中華路一段106號9樓 (近武昌街口「鴨肉扁」)，捷運板南線、小南門線「西門站」６號出口附近

報名請連絡：
TEL:02-2311-2199
FAX:02-2311-2210
Email :akhioh@tgb.org.tw ]]> http://blog.roodo.com/senghian/archives/6731239.html http://blog.roodo.com/senghian/archives/6731239.html 文化 Sat, 09 Aug 2008 11:57:14 +0800 人食人
恁 m̄ 知影我有 jua̋-ni̍h-á ià-siān 恁 tsit lō 鼻目 tshuì，hit e-po͘ hit kho͘ tsa-bó͘ 人三角六尖 ê khuì 口，hit 暗 kui 陣人互相叫應 leh 哭 âu，明明是食--人 ê 禮教 beh phuà 腹割肉 tsìn 前 ê 嚷鬧（jiáng-nāu）。


魯迅 ê《狂人日記》雖 bóng 主題有影 khah sîng 單純是「食人肉」ê tāi-tsì，beh hùn 大講有「禮教食--人」ê 寄意 tī hin，也直理直路，好 ê 文學作品總是按呢，有無 kâng ê 層次深淺，thìng 候讀者 ka-tī 去揣量（tshuí-liōng）。
(繼續閱讀...) ]]> http://blog.roodo.com/senghian/archives/6672113.html http://blog.roodo.com/senghian/archives/6672113.html 文化 Wed, 06 Aug 2008 18:48:54 +0800 台北霞海城煌暗訪夜巡
城煌夜巡 15
6 月 14 暗時 beh 轉厝 ê 路--ni̍h tn̄g 著霞海城隍暗訪夜巡 ê 陣頭。


頭 1 擺 tī 暗時看人鬧熱，上心適 ê 是傳統 kap 現代透濫所展現 ê 景緻，uì 現代性按怎緊緊影響台灣 ê 文化現象，mā thang 看出台灣 tsit-ê 所在對外來質素接納 ê 態度 kap 速度。
(繼續閱讀...) ]]> http://blog.roodo.com/senghian/archives/6496515.html http://blog.roodo.com/senghian/archives/6496515.html 文化 Sat, 12 Jul 2008 22:16:36 +0800 TBI 報名 beh 截止--ah-o͘h！
Hong-to Kok-tiong pinn--a
雖 bóng tsit-ê blog 無 siáⁿ 人客，koh 人客倌 mā 無定著 lóng 對台語文活動（hua̍t-tōng）有興趣，m̄-koh tī tsia 猶原通報--tsi̍t-ē：第 13 屆世界台語文化營報名期間 teh beh 截止--a（6月20為止），有趣味 ê 人 kha 手 ài 緊--o͘h！無 ē bē 赴時--o͘h！


活動內容、報名文件 kap 方式，請參考台灣羅馬字協會網站。
]]> http://blog.roodo.com/senghian/archives/6132219.html http://blog.roodo.com/senghian/archives/6132219.html 文化 Wed, 04 Jun 2008 21:57:03 +0800 王明哲 - 美麗 FORMOSA
Ong Bing-tiat 080531

上尾 hit 段影片霧霧無明我知，因為是用 DSC hip--ê，he 究真 m̄ 是錄影機，影像 ê 品質 bē 要求--得，m̄-koh 聲真清，i ê gí-tah 聲、歌聲 kap khoo-si-á 聲 lóng ē-thang 聽 kah 足斟酌。
(繼續閱讀...) ]]> http://blog.roodo.com/senghian/archives/6119217.html http://blog.roodo.com/senghian/archives/6119217.html 文化 Sun, 01 Jun 2008 21:28:57 +0800 有白話字 ê 歌仔戲博士貼
Kok-seng-ia Phok-su-tah
Tiàm 路邊 siam 著 tsit 張博士貼，演員的實是一 tòo 一--ê，而且，戲齣 ê 名竟然有白話字！！！斟酌 kā 看，he 白話字 m̄ 是 teh 替漢字標音--ooh，漢字 ê 戲名是「鄭成功」，白話字 ê 戲名是寫「KOK-SÈNG-IÂ」（國姓爺），koh i 佔 ê 位是一般 人用來 khǹg 外文翻譯 ê 所在，uì tsia thang 知設計者 ê 思考有影 m̄ 是粗平直 á ê 有概念。（是講拙者對鄭成功並無好感  tō-sī）


註：Kiám-tshái 有人想 beh 問：是按怎我 beh kā poster 講做「博士貼」，有問題 ê 人請代先 kā 我回答：「是按怎華語 beh ka 叫做『海報』？」，kám 講 tsit-ê 項 mi̍h kap 海有 siánn 款牽連 tī-tāi ？？？貓
]]> http://blog.roodo.com/senghian/archives/6110795.html http://blog.roodo.com/senghian/archives/6110795.html 文化 Fri, 30 May 2008 15:00:21 +0800 10 冬後 koh 張 tî
（Ē-kha ê 引用說明：《Le Petit Prince》- 原作者 Antoine Saint Exupery；翻譯：Lim Kianhui；漢字 kap 羅馬字有經過引用者替換）


第11部


　　第二粒行星頂面 tuà 一个愛風龜 ê 人，咱暫時著叫伊「風龜神--ê」、抑是「謗風水 ke」著好--ah。
(繼續閱讀...) ]]> http://blog.roodo.com/senghian/archives/5991631.html http://blog.roodo.com/senghian/archives/5991631.html 文化 Thu, 08 May 2008 00:27:57 +0800 第 13 屆世界台語文化營
世界台語文化營，趕緊相招來報名，khah 免滿員搶 bē 贏！
(繼續閱讀...) ]]> http://blog.roodo.com/senghian/archives/5929489.html http://blog.roodo.com/senghian/archives/5929489.html 文化 Sun, 27 Apr 2008 18:41:16 +0800 請期待「2008 母語詩人大會」
族群 ê 傳承 ná 像彎彎 uat-uat ê phak-sūn 亭、土地 ê 歷史是長 ló tshun 長 ê 舊巷路，母語，是看 bē thàng ê hin 內底 khûn-se̍h 深沉 ê 運聲。


話句 ê 音聲不時 pué 會世間無 ta 無 uâ ê 情理、文字 ê 重聲 lāu-siap 性命交 tsham tshap-tsa̍p ê 色水，詩句，tsāi-tsuí khah 贏 gàn 過、khîng 過足分 ê 赤金。


瀝金 ê po͘-lí-lóng 就 tsún iā kah 滿四界，mā bē 掩 khàm 得 pi-pi-po̍k-po̍k 淺薄 ê phàⁿ 聲，詩句 teh thìng 候母語 uì 久長 ê 睏眠--ni̍h hiàm 醒記 tî ê 靈魂，詩人 kap 母語 sio-tú，咱 hām 萬世代 saⁿ-kap 斟酌聽！
]]> http://blog.roodo.com/senghian/archives/5917831.html http://blog.roodo.com/senghian/archives/5917831.html 文化 Fri, 25 Apr 2008 00:03:17 +0800 Khioh 著大水柴
淡水 3
Ing 暗去滬尾砲台看金枝演社景觀劇場《山海經》，是按怎 ē 去看--leh？究真拙者對劇場 kap 戲劇是完完全全巷 á 外--ê，免講當然是因為 tsit 齣戲 ê 語言用 Hō-ló ê 起致，自然的引起我 ê 興趣。


自底就是按算單人獨馬來去，坐電車 ná 看小說 ná kho̍k 去到淡水，落車出驛頭就順老街直直過，半中 tsām 食 1 碗 hàm-hàm--a 無講 kài 好食 ê tshuah 冰，靠 11 路--ê 無 puânn「車」來 tī 半山頂 ê 地場，路--ni̍h 有 hip 3 張相，hip 相 ê 所在是大路 beh uat 起 lih 砲台 ê hit khoo-uî-á。
(繼續閱讀...) ]]> http://blog.roodo.com/senghian/archives/5888429.html http://blog.roodo.com/senghian/archives/5888429.html 文化 Sun, 20 Apr 2008 00:23:07 +0800 低路 ê 國際觀
Tī 奇摩新聞看著 tsit 篇《聯合報》ê 報導：外國背包客 被台鐵整慘了，心內感覺怪奇，tsiah-ê 記者 kap 提出建議 ê 專家，是 m̄-bat 出過國、或者是無去過 juā 濟國家 ê 款？！
(繼續閱讀...) ]]> http://blog.roodo.com/senghian/archives/5623841.html http://blog.roodo.com/senghian/archives/5623841.html 文化 Sun, 02 Mar 2008 22:16:45 +0800 因為鎮魂曲安 hioh ê 韓國人
廣告 lóng 是用『德意志安魂曲』做主題，m̄-koh 我根本是因為 in beh 加奏蕭泰然 ê 1947 序曲 tsiah 去聽 tsit 場音樂會--ê，雖 bóng 兩位音樂家 ê 樂派、風格無仝，兩 tè 樂曲 ê 曲式 mā 無 siâng，beh 直接比 phīng 是真無公平，m̄-koh 我猶原 beh 講：有影 1947 序曲 khah 好聽！好聽 kah 超過 1 萬倍！！！


M̄ 知是按怎 sì-khoo-lìn-tńg 坐足濟韓國人，倒手爿 hit-ê 韓國 tsa-poo 人氣質足 bái 無打緊，演奏 ê 中間 suah 不時 leh 出聲講話 鬼 總--是 Ein deutsches Requiem 尾--a kiânn 靈，i m̄-nā 睏--去，koh 睏 kah 起 kônn，有影 hàm kah 出水 線
]]> http://blog.roodo.com/senghian/archives/5605081.html http://blog.roodo.com/senghian/archives/5605081.html 文化 Wed, 27 Feb 2008 22:58:27 +0800 《Revizor》改編 ê 歌 á 戲
羅西亞作家 Gogol (『果戈里』) ê 戲劇《Revizor》(『欽差大臣』)所改編 ê 歌á 戲，3 月初 1、初 2 beh tī 城市舞台演出！

河洛歌仔戲團 欽差大臣
(繼續閱讀...) ]]> http://blog.roodo.com/senghian/archives/5580903.html http://blog.roodo.com/senghian/archives/5580903.html 文化 Sat, 23 Feb 2008 00:15:54 +0800 金枝演社《山海經》
Sanhaiking
金枝演社 4--月 beh tī 滬尾砲台演 Holo 話新劇《山海經》，tsit 齣劇 pān-phue ē kap in tsìn 前 bat tī kāng 地場出演 ê 《Troy》（特洛依）sio-siâng：服裝 kap ke-si 頭真 tshuàng-tiám，m̄-koh 講 ê 話句 ē khah 文，khah m̄ 是咱平素時 á 用 ê 白話。


4 月天 ê 溫度應該是足爽神--ê，kan-tann 向望 mài 落雨 niā-tiānn，有心適 beh 看戲 ê 人 ài 緊去訂票 oh！因為 2--月 20 了後就無 75 折 ê 割引--a，緊！眨
]]> http://blog.roodo.com/senghian/archives/5550971.html http://blog.roodo.com/senghian/archives/5550971.html 文化 Sat, 16 Feb 2008 23:00:43 +0800 若 beh koh tshiû
廣興宮石枋 2
Tsa-hng tī 網路頂 bóng tshuē 看平埔族信仰 ê 漢化有啥資料，tann 看--起-來，Tshîng-á-kha 山神土地公 kap 戴代王公 ê 身份若 beh koh 進一步 tshiû 根元，kiám-tshái kan-tann tshun 看「福德正神」ê 石牌 á 後 piah 面，kap 究 khàm 王公廟是按怎無用 ang-keh 桌，suah ùi thôo-kha kui-ê khōng kuân 來 tshāi 王公 ê ang-á tsit 兩項--a。
 (繼續閱讀...) ]]> http://blog.roodo.com/senghian/archives/5528329.html http://blog.roodo.com/senghian/archives/5528329.html 文化 Mon, 11 Feb 2008 23:20:15 +0800 社會制度--ni̍h ê 準亂倫心理
接 suà tsìn 前關係婚姻 kap 愛情 ê 討論，拙者無 tiunn-tî 想著：親像現此時 ê 主流社會制度設計，根本就有 Oedipus kap 亂倫心理 ê 必然性，設使咱承認婚姻 ê 本質 iah 是現實 m̄ 是久長 ê 愛情，翁 á 某出尾是 ná 像親情 (quasi love of kinship) ê 關係，tsit 款 ê 關係 suah 睏 kāng 頂眠床，而且有性關係，tse m̄ 是 ná 親像亂倫（quasi Oedipus complex; quasi incest）無是 siánn-mi̍h？


想真咱 ê 社會，窮實（khîng-si̍t）mā 無 kā「愛情」kap「性」kap 做伙來想（tse 聽講是大多數女性 ê 價值觀）kám m̄ 是？Tsiâu-ûn ê 性行為 tio̍h tī「某 1 个人」kap「1 个 tàu 陣 kah 兩人之間 ê 關係差不多無 koh 有愛情 ê 成份 ê 對象」（婚姻對象）中間發生，tsiah 有上 kuân ê「正當性」，按呢，人對 hit-ê 關係 ê 演變（變 kah ná 像親人）kap 仝時 kā hit-ê 對象看做、mā 實際上當做性行為 ê 正當 koh tong-ûn ê 對象，kám m̄ 是某 1 種程度 leh 造成 Oedipus / 亂倫心理 ê 產生？
(繼續閱讀...) ]]> http://blog.roodo.com/senghian/archives/5523005.html http://blog.roodo.com/senghian/archives/5523005.html 文化 Sun, 10 Feb 2008 23:38:52 +0800 喜豬橋
Hi-ti Kio
基隆人應該 lóng 知市區東 pîng khuà tī 河頂 kuân kā 信一路 kap 仁一路 tiò 做伙 ê hit 12 條用 12 生相號名 ê 橋 honnh，倒爿 tsit 條是相豬--ê 眨


Hip tsit 張相已經是半冬外前 ê 代誌--a，tann koh 斟酌 kā 看，tsiah 發現 tsit 隻豬 頭 khiàn 天真 tshàu-iāng neh，iā hōo 人 bē-khat 得想著 tsit-tsām-á「榮 íng 戴雞 moo-tshíng」ê 顧面 tshoo 桶，aih！有影咱 tsiâu 去 hōo 用鼻空「gîn」--著-a lah。

半冬，講長有長講短 mā 講有話門，半冬無法度改變  ê  代誌 kāng 款原原照舊、舊位 tún 囥，若半冬 mā 有夠 hōo 人反起反倒反 hiau beh 幾若擺--a。


心是肉做--ê，用石磨 á 心來比 phīng kám 無看 i siunn 過 tsiūnn 目？Tann 磨 kah 碎 iâm-iâm--ê，早就 m̄-nā 是對某 mih 某 ê 心念--a。連心 to 磨做肉絨 á tsham 血水流--去了後，看 hōo 真，胸坎--ni̍h 早就斷半項 mi̍h，僅僅是「青」。
]]> http://blog.roodo.com/senghian/archives/5424739.html http://blog.roodo.com/senghian/archives/5424739.html 文化 Wed, 30 Jan 2008 22:58:53 +0800 無讀冊 ê 榮光？
因為朋友 ê 紹介，tsiah 有機會好好 á 聽阿弟仔 ê 歌。阿弟仔透過歌詞 phì-siùnn tsit-ê 社會 ê 假好、濟濟聖人殼，我想是任何有良心 ê 人 lóng ē-tàng 理解--ê，總--是，身為 1 个用音樂來捶烏豆 ê 歌手，i 本身 tī 歌詞 ê 文字，kap i 抗議上路尾 beh 達成 ê 目的 kám 有 sì-thīn，拙者 tī 聽歌了後，suah bē-khat-kin 產生懷疑。


咱 the̍h 阿弟仔  1 tè tsiann 出名，mā 真濟少年 gín-á 足 kah 意--ê：〈我無讀冊〉來做例，進一步來想看阿弟仔 ê 音樂目的是啥，koh，he kám 是無分有讀冊、無讀冊 ê 人 lóng tsiâu 想 beh ài ê 社會？
(繼續閱讀...) ]]> http://blog.roodo.com/senghian/archives/5268953.html http://blog.roodo.com/senghian/archives/5268953.html 文化 Tue, 29 Jan 2008 00:46:03 +0800 蕭泰然 sia̋n-sé，生日快樂 ^___^
今 á 日 in ê 日正--月初 1，是咱台灣偉大 ê 音樂家，台灣 ê Rachmaninov - 上尾 1 ê 浪漫主義鋼琴詩人，蕭泰然 ê 生日 oh！(wikipedia 華、Min-nan)。
(繼續閱讀...) ]]> http://blog.roodo.com/senghian/archives/4755989.html http://blog.roodo.com/senghian/archives/4755989.html 文化 Tue, 01 Jan 2008 15:38:50 +0800 兩條 kap 性別有關係 ê 新聞
1 个 tsa-poo gín-á 生成陰莖彎曲，等國中進入青春期，發陽 ê 時 suah penn-penn ē 疼（新聞），in pâ tshuā i 去 hōo 先生看，手術 ê 時，先生無先問--in，就大主大意 kā 尿管 kui-ê 割除，tann tsa-poo gín-á 只好 tī 陰莖 kap 陰囊中央開尿喙，in pâ 告 hit-ê 先生，無想講 ē 倒案。
(繼續閱讀...) ]]> http://blog.roodo.com/senghian/archives/4748387.html http://blog.roodo.com/senghian/archives/4748387.html 文化 Sun, 30 Dec 2007 20:50:22 +0800 少主娘 ê 夢
M̄ 是頭 tsi̍t-pài 聽著 tsa-bóo gín-á 講 in 心內 ê tsit-ê 願--a：「希望嫁入去頭面頂百--ê，thang 好做少主娘．．．」


原來 tsit-ê 時代，tī tsi̍t-kuá 女性 ê 心--ni̍h，愛情 kap 理想 tsiah-ni̍h-á 無價值 lioh！？Án-ne mā 好．．．mā 好 lah．．．
]]> http://blog.roodo.com/senghian/archives/4723199.html http://blog.roodo.com/senghian/archives/4723199.html 文化 Tue, 25 Dec 2007 19:58:37 +0800 三角湧紀行
071221三角湧所遊 8
三角湧，若 tshuē 資料百面 ē 讀著 tse 地名是因為 3 條河溪 tī hit khoo-ûi-á kap 水，án-tsuánn tú án-tsuánn，事實上，tse 僅僅是漢字 chauvinism ê koh 1 个 hàm 古， tsit-ê tī 日本時代 hōo 日本殖民政府 kā 地號名改做「三峽」ê 所在，kap 「三、角、湧、峽」全無 tī-tāi，「三角湧」kan-tann 是 Atayal (華：『泰雅』) ê 語音，hām 台灣大多數 ê 地號名一樣，有原住民 ê 「記認」tī hin 內底。

頭頂 tsit 張相--ni̍h ê 人是在地「李梅樹紀念館」ê 董事長，也就是李梅樹 ê 大囝：李景晹，i khiā tī in a-pah ê 自畫像頭前真 phah-piànn leh 做解 sueh，koh 問阮 i kap 圖--ni̍h ê 人有 sîng--無？人客倌你看 leh？
(繼續閱讀...) ]]> http://blog.roodo.com/senghian/archives/4711287.html http://blog.roodo.com/senghian/archives/4711287.html 文化 Sun, 23 Dec 2007 07:08:05 +0800 我猶原無贊成‧‧‧
「Hooh！25 歲 ê tsa-poo 人 kap 大學 tú 出業 ê 女同事下班了後，雙人手相牽 tī 東區 siàu 街路石，我想 in 定著是雙性戀！」


「Uah！講到 hia，行到 hia！漢草 ko-tshiâng， 1 石新粟起手 sûi beh giâ！『好娘 oh』！」
(繼續閱讀...) ]]> http://blog.roodo.com/senghian/archives/4649191.html http://blog.roodo.com/senghian/archives/4649191.html 文化 Fri, 14 Dec 2007 21:54:51 +0800 (講稿) 我所了解 ê 台灣文化 列位評審、在場 ê 兄姊 ta̍k-ê 好，我今仔日 beh 講 ê 題目是：我所了解 ê 台灣文化。

今年元宵射文虎，有一條燈猜文不止 á 心適，i 寫講：「Tann 真無文化，萬千年後 tsiah 是文化」，beh hōo ta̍k-ê ioh 1 位所在、1 款地場，m̄ 知 ta̍k-ê ē ioh 啥。

 

 (繼續閱讀...) ]]> http://blog.roodo.com/senghian/archives/4411705.html http://blog.roodo.com/senghian/archives/4411705.html 文化 Sat, 03 Nov 2007 15:00:29 +0800 吳念真監督新劇 - 《人間條件 3》

廣告詞是按呢寫--ê： 

 

2001年~2003年《人間條件1》3 度熱烈加演
阿媽重回人間 ，吩咐咱定著 ài 幸福 oh！

 

2006年~2007年《人間條件2》幸福 suà 接湠--開
阿媽 koh khah 艱苦，mā beh ài 天公伯--a 笑出聲！

 

《人間條件3》粒積感動 koh 起行！

 

真遺憾，in 原底是用華語寫--ê，koh tio̍h 拙者 kā 翻做 Hō-ló。

(繼續閱讀...) ]]> http://blog.roodo.com/senghian/archives/4305195.html http://blog.roodo.com/senghian/archives/4305195.html 文化 Sun, 14 Oct 2007 22:35:15 +0800 "戲戲" huā-huā  

拜日暗時，tī 臭頭埔戲劇院 ê 實驗劇場看台南人劇團 puann Macbeth，劇本改編 kap 簡省 ê 部份比原底按算--ê iáu-koh khah tsē，m̄-koh ùi 1 ê 外人 ê 眼光來看，演員 ê 表現是真 tsiūnn-kioh。

(繼續閱讀...) ]]> http://blog.roodo.com/senghian/archives/4189149.html http://blog.roodo.com/senghian/archives/4189149.html 文化 Tue, 25 Sep 2007 05:14:27 +0800 一 tsūn 落跤聲、一本新詩集

◎一 tsūn 落跤聲

 

周定邦老師翻譯 ê 【台南人劇團西方經典台語翻譯演出計劃】第 4 phō 作品，Samuel Beckett ê 〈落跤聲〉（Footfalls）beh koh 演出--a！

(繼續閱讀...) ]]> http://blog.roodo.com/senghian/archives/4139211.html http://blog.roodo.com/senghian/archives/4139211.html 文化 Fri, 14 Sep 2007 22:27:15 +0800 Khóng-kiánn ê 囝孫 tio̍h 姓 siánn？

昨 hng tī 自由時報看著 1 篇 phí-jîn 真無 kah 意 ê 文章，the̍h 來考銃，無 gī-niū ê 人 thang bóng 看：回應〈孔子後人不姓孔〉 

]]> http://blog.roodo.com/senghian/archives/4126149.html http://blog.roodo.com/senghian/archives/4126149.html 文化 Wed, 12 Sep 2007 08:00:32 +0800 《Macbeth》重出江湖！保安宮好戲連台！

【保安宮布袋戲大會演！】 

 

Kui 年上大型 ê 布袋戲大出演，起鼓--a！！！

 

Po-an King
8月31日（拜五）一直 kah 9月初 9（禮拜）ta̍k 暗 7 時 30 分 tī 二級古蹟台北市保安宮頭前 ê 廟埕連 puann 10 kang sio 拚台，khah 早去佔位--leh-oh！

 

 

 

 

【台南人劇團《Macbeth》beh puann--a！】 

 

台南人劇團原底年中 beh 出演 ê《Macbeth》（華文翻譯：馬克白）因為演員 tio̍h 傷緩期，tann 確定 9 月底 beh puann--a！

(繼續閱讀...) ]]> http://blog.roodo.com/senghian/archives/4016047.html http://blog.roodo.com/senghian/archives/4016047.html 文化 Sat, 25 Aug 2007 22:52:18 +0800 七十三、八十四  

某網路電視台替 1 間 hōo 小人 (siáu-jîn) tī 店門口 kap 牆圍噴油漆 tsháu-ta̍h ê 店來路見不平 (lōo kiàn put pîng)，採訪頭家 ê 影片內底，頭家 khai 真濟時間闡明 lán tio̍h-ài 尊 tshûn 台灣「多元」ê 族群 kap 文化 ê 觀念。

(繼續閱讀...) ]]> http://blog.roodo.com/senghian/archives/3848971.html http://blog.roodo.com/senghian/archives/3848971.html 文化 Wed, 01 Aug 2007 23:46:13 +0800 無報 bē 用得 ê 消息  

Tsit-tsām-á 無閒 kah kiōng-beh tshia-pua̍h-píng，khah 無才調 tsia̍p tī tsia 吐連 siân，m̄-koh 有兩項消息無報 ta̍k-ê 知，實在 bē 用得。

(繼續閱讀...) ]]> http://blog.roodo.com/senghian/archives/3695533.html http://blog.roodo.com/senghian/archives/3695533.html 文化 Sat, 21 Jul 2007 16:46:26 +0800 寫真　滬尾  

有 bat hōo a-pah a 母唸過，講我 hip 相 lóng 無 tāi-sing 講，ta̍k-pái lóng 暗 tsīnn-á lia̍p。

(繼續閱讀...) ]]> http://blog.roodo.com/senghian/archives/3634243.html http://blog.roodo.com/senghian/archives/3634243.html 文化 Tue, 10 Jul 2007 13:49:30 +0800 金枝演社 2007 年戲齣  

人 siān-siān，無 beh ke lô-so，好 khang 報 ta̍k-ê 知，有興趣--ê thang ka-tī tsiūⁿ 網、寫電子批 iah 是 khà 電話問 hōo詳細。

 

 

【金枝演社新戲】
 


2007年首演《浮浪貢開花 part 2》

(繼續閱讀...) ]]> http://blog.roodo.com/senghian/archives/3382577.html http://blog.roodo.com/senghian/archives/3382577.html 文化 Fri, 01 Jun 2007 16:47:17 +0800 音樂劇《四月望雨》  

永齡教育慈善基金會委託創作，大風劇團出演 ê 台語音樂劇《四月望雨》，全劇用 Hō-lō、Hak-kâ kap 日語演出，主題是台灣音樂家鄧雨賢 ê 故事，台灣真罕得有母語表演 ê 無台劇 thang 看，tī tsia 邀請 ta̍k-ê 來欣賞、來捧場！

(繼續閱讀...) ]]> http://blog.roodo.com/senghian/archives/3276579.html http://blog.roodo.com/senghian/archives/3276579.html 文化 Sat, 19 May 2007 23:56:30 +0800