心內話分類文章　顯示方式：簡文 | 列表

April 8,2008

Sau 心


M̄ 知 teh 心 hong siánn-huè，tsa 暗連 1 粒 stilnox（kui 粒好好--ê oh） to 無法度 kā ka-tī KO。


ps.按呢 kám iáu 無夠 twitter？無夠 buboo？ Aih...猶原無法度了解 hit 當中 ê 趣味 lah！！！


無 Beh 來去 the--a‧‧‧

Posted by lausenghian at 樂多Roodo!│ 0:16 │ 回應(2) │ 引用(0)

April 4,2008

半桶水 ê 煩惱


Tsit 幾工寫足濟字--ê，m̄-nā 害 ka-tī 睏 睏無飽、冊 讀無了，koh 真煩惱  tse 半桶水直直 sìm，m̄ 知笑破 juā 濟人 ê tshuì。


是講按呢 ê 寫法，有合 tī 當原初寫 blog ê 初心 lah，「練寫」、「粒積網路頂 ê 母語語料」，若列位了解 tsit 兩項 tsiah 淺薄 ê 動機，無的確就 bē siunn 過計較 tsit 內底濟濟 tîng-tânn。


請 ta̍k-ê 上無 ài 相信拙者百百个欠點內底 ê 孤 1 个優點：「我真有心 beh 聽人按怎講」，只要若人講了有理，我 tsāi-tsuí 拜服來改變 ka-tī ê 想法，究真我 m̄ 是 siánn-mih 大粒 lu，koh 真無 kah 意人激空氣，ē 不時 kā ka-tī tiau--tsi̍t-ē，tsiah bē 變做 hit 款「ka-tī 驚羅馬字，自來 kan-tann 慣勢用注音符號，就無顧歷史事實、現在事實 kap 學術事實，吐大話講注音符號 khah 好過羅馬字 ê 大 kioh-siàu」。


失禮 lah，我 koh 話踏 thut--a lah。線

Posted by lausenghian at 樂多Roodo!│ 23:21 │ 回應(2) │ 引用(0)

March 20,2008

臨時 ê 1 篇


Hit 工 e-poo tī 圖書館看 The Wind That Shakes the Barley，心內有 tsi̍t-kuá ka-tī 想講 tsham 別人足無 kâng ê 感想，kap 進前聽人講--過-ê lóng 無 sio-siâng，也足想 beh kā 寫--出-來，m̄-koh suah 無啥有 hit-lō 寫論說文 ê 氣力 Orz
...繼續閱讀

Posted by lausenghian at 樂多Roodo!│ 23:42 │ 回應(0) │ 引用(0)

February 23,2008

？


問講是按怎、nah 無 ài

I 注神直 tshuē

Tshuē 無疑問符--ni̍h 自底 ka-la̍uh ê 意義
 ...繼續閱讀

Posted by lausenghian at 樂多Roodo!│ 20:28 │ 回應(0) │ 引用(0)

February 14,2008

Thàn guá iáu siong-sìn


Tī siā-huē kiânn-ta̍h iok-kî-lio̍k mā ū 10 tang--a, tō tsún jîn-tsîng sè-sū bô bat thàu-thàu, lâng-bīn sè-bīn uân-nā ū o̍h--kuá leh, guá sîng-jīn ka-tī m̄-sī uì sim-kuann-ínn-á lâi sioh-tsîng ê lâng, m̄-koh ū-iánn ū put-tsí-á nńg-sim ê kò-sìng, sī kóng nńg-sim bóng nńg-sim, suah siōng tsheh "hōo i tsiūnn ta̍h-pang, suah beh tsiūnn bîn-tshn̂g" ê pe̍h-ba̍k-bâi-á.
 ...繼續閱讀

Posted by lausenghian at 樂多Roodo!│ 22:19 │ 回應(0) │ 引用(0)

February 4,2008

大人 ê 世界


La Petit Prince and the foxTsa-hng tī Gmail ê IM kap 1 个朋友 sio-tú，話仙 beh suah ê 時，i 講 1 句：「(lín) 大人 ê 世界真複雜。」


Tann 手--ni̍h ê khang-khuè 作 kah tsi̍t-ê khám-tsām，停 khùn sió hioh，無 tiunn-tî suah leh 想：「到底啥物是大人 ê 世界」？


大人 ê 倒 píng kám m̄ 是 gín-á？在拙者來看，tsit-ê 世間無有比小王子 (le Petit Prince) koh-khah「gín-á 心」--ê ah，咱 kám 無 beh 用 i 來對比，知影啥物是大人 ê 世界？


( 本文所引--ê，lóng 是直接用 Lîm Kiàn-hui ê 譯文，kan-tann 漢字 kap 羅馬字因為拙者 ê 慣勢有 kā 替換 )
...繼續閱讀

Posted by lausenghian at 樂多Roodo!│ 18:21 │ 回應(5) │ 引用(0)

聖佛 mā 驚 tú 著 khong-am 子弟


「聖佛 tú 著 khong-am 子弟」，若了解 tsit 句俗語話，無 beh 成佛 mā tio̍h 成佛！


按怎講？Ah 就拙者 bē-tsîng 做佛，mā 無想 beh 成佛，庸庸（iông-iông）1 khoo 散散，tú 著 khong-am--ê 講 bē tshun 車、變無轎輦 ê 時，尾--a mā kan-tann ē-tàng 據在 i 去，做 i 去 siáu 去 khong 去 am，想--起-來，離聖佛（siànn-pu̍t）ê 境界 kám 無 ke 進 1 步，獨獨請諒情我世俗人 bē 免得五毒，iáu tio̍h tī tsia 講 hōo tháu 氣，是 ka-tsài 我無信輪迴，就準五毒 koh 生十惡，過往應該 mā 是 hit 1 擺死後 ê 審判 niā-tiānn。Aih！我信上帝終其尾 beh 罰惡獎善，m̄-koh 無可能 kā khong-am--ê 變巧，Amen～　瘋

Posted by lausenghian at 樂多Roodo!│ 0:45 │ 回應(0) │ 引用(0)

January 25,2008

仇恨 kap 偉大


是 toh-tsi̍t 本冊有寫講 tsit 世間上大 ê 力量是「恨」m̄ 是「愛」ah？我已經想 bē 起--來。恨確實真有力量無 m̄ 著，tī 短短 ê 時間就 ē-tàng 粒積像山崩地裂 ê 氣力，做 tsiânn tsē-tsē-tsē ê khang-khuè，m̄-koh 恨 ê 力量 lóng 有病尾 neh，he 病尾 ē tuè leh 造成 juā 大 ê 傷礙、koh ē 相連 suà juā 久，咱 kám 有影真知？
...繼續閱讀

Posted by lausenghian at 樂多Roodo!│ 22:41 │ 回應(0) │ 引用(0)

December 20,2007

無量


M̄ 知是第幾擺聽 T leh 罵 A--a，若 m̄ 是 tsìn 前看過 in ê 論文，知影 in bat tī 學術上有 khê-khang，有影 ē sa 無 T 是 leh 變 siánn báng。

...繼續閱讀

Posted by lausenghian at 樂多Roodo!│ 21:25 │ 回應(0) │ 引用(0)

October 10,2007

Beh tshuē hit 尾黃蛇

 

He 是 1 ê 掛目鏡，koo-tsui koo-tsui ê tsa-bóo gín-á，因為怪病著磨，kui 身軀直直生瘤，醫生除去開刀，mā kan-tann 開刀 tsit-ê 治療方式，電視頂，i 講著病 giâ--起-來 ê 時，是 thiànn kah，尾--a bē-khat-kin 獨獨知影 huah：「我無 ài koh 活--a！我甘願死！我無 ài koh 活--a！」

 ...繼續閱讀

Posted by lausenghian at 樂多Roodo!│ 21:07 │ 回應(0) │ 引用(0)
 [第一頁]  [4]  [5]  [6]  [7]  [8]  [9]  [10]  [11]  [12]  [13]  [最終頁] 
回頁首▲