January 4,2009
(轉貼) 50 外冬前 ê 散文
五十外冬前 ê 文章，雖 bóng 有部份思想傳統反動，m̄-koh 字詞用了 tsiok 媠。
佈道
人的祕密
《臺灣教會公報》1954.03 783號 p.26-27
Chhoà Tiông-gī 著
秘密是甚物？「秘密是毋愛予人知，反轉人愛知，有時是咱所袂會知，抑是猶未知--的。」最近常常聽見一句「原子彈 ê 秘密；」這个秘密，美國毋愛對敵知，德國愛知；十外年前，人猶毋知，猶有別項秘密，現代人毋知，也袂會知。
人 ê 秘密是甚物？人有分男性、女性，男性 ê 秘密佮女性 ê 秘密無拄拄 saⁿ-tâng。男性 ê 丈夫有時有秘密；女性 ê 太太有時也有秘密。有時爸爸有秘密，有時媽媽有秘密；有時後生有秘密，有時查某囝有秘密。
社會各界--政治，外交，經濟，教育，科學，藝術，醫學。宗教各方面常常有秘密存在：俗語講：「江湖一點訣，妻子不敢說，」這是人有秘密 ê 憑據，不過這號秘密無一盡是歹 ê 意思。獨獨佇男女 ê 祕密，翁某 ê 祕密，爸母 ê 秘密，子女 ê 秘密；佇 tsiah-ê 相對性 ê 對沖所存在 ê 秘密，較常有歹--ê。所以保羅佇羅馬1章24節到32節。所記這段，攏是人所愛囥密--ê。
請咱對男女 ê 秘密來看；有戀愛，也有亂愛，三角、四角、多角的亂愛。也有同性愛，也有人有伊 ê 老爸 ê 某 (I哥5:1)。舊約，上帝欲降硫磺火燒所多瑪城 ê 時，兩个天使到所多瑪羅得 ê 厝，彼城 ê 人對生份 ê 人客彼款 ê 無禮。羅得為著欲解救這兩个人，答應欲將伊兩个未出嫁 ê 查某囝出在 in pa-lē (創世記19:4-8)。這兩段聖經所記，毋是限定古早的事，現時也有這號 ê 秘密。
論丈夫 ê 秘密，佇外面 ê 事情，伊 ê 婦 jîn 人 oh 得知；有時丈夫逐日出勤是teh 丈路、數街路石，抑是佇戲院、酒館。雖然有正當 ê 事業，有時是 teh 舞弊，抑是行到自殺，婦 jîn 人也毋知影。婦 jîn 人的秘密，濟濟出去跋繳、牽話、抽籤、卜卦、攝錢、趁錢私奇，伊 ê 丈夫嘛毋知 tsiah-ê 秘密。
老爸 ê 秘密，家族 hiah 濟人也看袂出。無拍算年歲過到半百的人，娶細姨佇邊仔，抑是金屋藏嬌飼查某，予人料袂出。有的老母比老爸加少年真濟，看老爸無著，提錢予較少年--ê 用。有 ê 老母毒殺老爸，也有老母煞死幾若个丈夫，內中有時也有秘密。秘密在佇 tó 位，少少人猜會著。
最後來想子女的秘密；有濟濟子女 ê 歹 ê 習慣，損壞家己 ê 身體，神經紲衰弱，父母娶去就近醫生，醫生也無法度治療。有時子女有歹 ê 思想，交陪歹友，到予官廳發覺，in ê 父母也毋知 in ê 秘密。捌有學校先生去囡仔 ê 厝叫學生去讀冊，厝--裡 ê 人講，囡仔都逐日帶便當，揹書包去學校，敢無去學校？彼時才知學生已經變 lo̍k-tô。俗語講：「會生囝身，袂生囝心，」囝心就是子女 ê 秘密。有時父母欲共後生娶家後，後生毋同意，彼時才知伊有家己中意的對象。有時欲共查某囝配親，彼時才發見查某囡仔已經有身孕。人欲做親攏真 gâu 探聽，總是娶新婦常常掛 kuī 來。逐日佇市內 teh 見面 ê 子女都毋知 in ê 秘密，設使 in 若出外，對 tá-lo̍h 知影？
總而言--之，人的秘密大半是人 ê 罪惡，這个罪惡，連講都見笑。人 ê 罪惡，對教育，政治，法律是袂通解除-得。只有著靠耶穌 ê 寶血通得著洗清，紲得著氣力通脫離。高山族得著基督，袂閣刣人頭，連薰酒都無食，反轉贏過平地兄弟。
人 ê 秘密若漸漸減少，就是漸漸近佇天國。人若反悔認罪，就是漏出家己 ê 秘密。咱愛得著救，著反悔認罪。耶穌講：「恁著反悔，因為天國近--lah」 (馬太4:17)。
社會各界--政治，外交，經濟，教育，科學，藝術，醫學。宗教各方面常常有秘密存在：俗語講：「江湖一點訣，妻子不敢說，」這是人有秘密 ê 憑據，不過這號秘密無一盡是歹 ê 意思。獨獨佇男女 ê 祕密，翁某 ê 祕密，爸母 ê 秘密，子女 ê 秘密；佇 tsiah-ê 相對性 ê 對沖所存在 ê 秘密，較常有歹--ê。所以保羅佇羅馬1章24節到32節。所記這段，攏是人所愛囥密--ê。
請咱對男女 ê 秘密來看；有戀愛，也有亂愛，三角、四角、多角的亂愛。也有同性愛，也有人有伊 ê 老爸 ê 某 (I哥5:1)。舊約，上帝欲降硫磺火燒所多瑪城 ê 時，兩个天使到所多瑪羅得 ê 厝，彼城 ê 人對生份 ê 人客彼款 ê 無禮。羅得為著欲解救這兩个人，答應欲將伊兩个未出嫁 ê 查某囝出在 in pa-lē (創世記19:4-8)。這兩段聖經所記，毋是限定古早的事，現時也有這號 ê 秘密。
論丈夫 ê 秘密，佇外面 ê 事情，伊 ê 婦 jîn 人 oh 得知；有時丈夫逐日出勤是teh 丈路、數街路石，抑是佇戲院、酒館。雖然有正當 ê 事業，有時是 teh 舞弊，抑是行到自殺，婦 jîn 人也毋知影。婦 jîn 人的秘密，濟濟出去跋繳、牽話、抽籤、卜卦、攝錢、趁錢私奇，伊 ê 丈夫嘛毋知 tsiah-ê 秘密。
老爸 ê 秘密，家族 hiah 濟人也看袂出。無拍算年歲過到半百的人，娶細姨佇邊仔，抑是金屋藏嬌飼查某，予人料袂出。有的老母比老爸加少年真濟，看老爸無著，提錢予較少年--ê 用。有 ê 老母毒殺老爸，也有老母煞死幾若个丈夫，內中有時也有秘密。秘密在佇 tó 位，少少人猜會著。
最後來想子女的秘密；有濟濟子女 ê 歹 ê 習慣，損壞家己 ê 身體，神經紲衰弱，父母娶去就近醫生，醫生也無法度治療。有時子女有歹 ê 思想，交陪歹友，到予官廳發覺，in ê 父母也毋知 in ê 秘密。捌有學校先生去囡仔 ê 厝叫學生去讀冊，厝--裡 ê 人講，囡仔都逐日帶便當，揹書包去學校，敢無去學校？彼時才知學生已經變 lo̍k-tô。俗語講：「會生囝身，袂生囝心，」囝心就是子女 ê 秘密。有時父母欲共後生娶家後，後生毋同意，彼時才知伊有家己中意的對象。有時欲共查某囝配親，彼時才發見查某囡仔已經有身孕。人欲做親攏真 gâu 探聽，總是娶新婦常常掛 kuī 來。逐日佇市內 teh 見面 ê 子女都毋知 in ê 秘密，設使 in 若出外，對 tá-lo̍h 知影？
總而言--之，人的秘密大半是人 ê 罪惡，這个罪惡，連講都見笑。人 ê 罪惡，對教育，政治，法律是袂通解除-得。只有著靠耶穌 ê 寶血通得著洗清，紲得著氣力通脫離。高山族得著基督，袂閣刣人頭，連薰酒都無食，反轉贏過平地兄弟。
人 ê 秘密若漸漸減少，就是漸漸近佇天國。人若反悔認罪，就是漏出家己 ê 秘密。咱愛得著救，著反悔認罪。耶穌講：「恁著反悔，因為天國近--lah」 (馬太4:17)。
引用URL
http://cgi.blog.roodo.com/trackback/8016141
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
