October 5,2008
Siáⁿ-mih 是藝術性
Tú 過 ê hit-ê 拜五看著同學用電腦 teh 印上課簡報 ê 資料，討論 ê 主題是通俗文化 kap 小說，內容我無 khuà ka 斟酌看，m̄-koh 有眼著 1 ê khí-uà-toh：藝術性，tsit-ê 詞 hō͘ 人 the̍h 來做通俗小說 kap 純文學區別 ê 路用，也我 tsi̍t-ē siam--著就 bē-kā-kin beh 問：siáⁿ-mih 是「藝術性」？
存年 ê 某 mih 文學營 ê 款，mā 有聽著 1 節課 teh 談小說，hit-tang-tsūn 我就 gia̍h 手問講：「siáⁿ-mih 是純文學，siáⁿ-mih 是通俗文學，beh 按怎分？」To 也無聽著 1 ê 足分明 ê 回答，taⁿ ka 想--起-來，目今 hō͘ 人看做純文學、嚴肅文學 ê 作品，tī leh tú 出版 ê 年代，kám m̄ 是 mā 濟濟 hőng 當做通俗文學，koh khah 有 ê 是 hőng king-thé 做無 tsiūⁿ-kioh--ê，若照按呢來看，我真 giâu 疑 tse kiám-tshái 是權力 tī leh 後壁變鬼？
1 篇小說，除去作者 beh 表達 ê 思想（或者是無 siáⁿ-mih 特殊 ê 心念），若 m̄ 是有特別 ê 目的造成一般閱讀頂 kuân ê 困難（親像 beh 試新 ê 文學手路等等），應該是 ē 動人心 tsiâⁿ--ê，究真來講，siáⁿ-mih 是藝術，若 tsiaⁿ 實講無路來，就拙者淺腹腸來話：就是 ē tī 讀者（觀眾等等，m̄ 管人額juā 濟）ê 心內出 īn 聲 ê 項 mi̍h，koh 若 tsit-ê īn 聲，無制限 tī 單純 ê 笑詼、悲傷 tsit-khuá-á 表面的 ê 情緒--ni̍h，而且 ē 引起 ke-ke 減減 ê 思想（想有 mi̍h 想無 mi̍h 咱 lóng 不管），按呢，拙者就認為 hin 內底有藝術性！
Ing 暗 teh 揀 2007 文學選 ê 文本，讀著胡長松兄 ê〈老鼠夾仔〉，就有出 tsit 款心頭起地動 ê 感覺，he m̄ 是 1 種「故事真心適」ê 層次 niā-tiāⁿ，總講--起-來，「心適」是「做 gī-niū」--ê，是 bo͘-ná-suh，藝術性是 khah puâⁿ 過 tī tse--ê，是藝術家 beh 交代--ê 第 1 要緊。
1 篇小說，除去作者 beh 表達 ê 思想（或者是無 siáⁿ-mih 特殊 ê 心念），若 m̄ 是有特別 ê 目的造成一般閱讀頂 kuân ê 困難（親像 beh 試新 ê 文學手路等等），應該是 ē 動人心 tsiâⁿ--ê，究真來講，siáⁿ-mih 是藝術，若 tsiaⁿ 實講無路來，就拙者淺腹腸來話：就是 ē tī 讀者（觀眾等等，m̄ 管人額juā 濟）ê 心內出 īn 聲 ê 項 mi̍h，koh 若 tsit-ê īn 聲，無制限 tī 單純 ê 笑詼、悲傷 tsit-khuá-á 表面的 ê 情緒--ni̍h，而且 ē 引起 ke-ke 減減 ê 思想（想有 mi̍h 想無 mi̍h 咱 lóng 不管），按呢，拙者就認為 hin 內底有藝術性！
Ing 暗 teh 揀 2007 文學選 ê 文本，讀著胡長松兄 ê〈老鼠夾仔〉，就有出 tsit 款心頭起地動 ê 感覺，he m̄ 是 1 種「故事真心適」ê 層次 niā-tiāⁿ，總講--起-來，「心適」是「做 gī-niū」--ê，是 bo͘-ná-suh，藝術性是 khah puâⁿ 過 tī tse--ê，是藝術家 beh 交代--ê 第 1 要緊。
引用URL
http://cgi.blog.roodo.com/trackback/7296035
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
