April 6,2008
half nelson
春假 beh suah--a，明年 bē koh 再有--a（校務會議 ê 決議）。
若是講因為 piànn-sè kā 進前讀無了 ê 冊緊讀，koh 兼做 kuá 步平無閒 thang 好好 á liú-la̍k ê sit 頭，致使有感覺壓力 sió 得著 tháu-pàng，按呢就準 kā tsit-ê 上尾 ê 春假 say saionala，mā bē siunn tsheh 心 tsiah tio̍h。
若是講因為 piànn-sè kā 進前讀無了 ê 冊緊讀，koh 兼做 kuá 步平無閒 thang 好好 á liú-la̍k ê sit 頭，致使有感覺壓力 sió 得著 tháu-pàng，按呢就準 kā tsit-ê 上尾 ê 春假 say saionala，mā bē siunn tsheh 心 tsiah tio̍h。
問題是人 ē kut 力--得，suah bē mî-tsinn--得，sio 連 suà phe 命 3 工了後，tsa-hng kui-ê 人就親像 ke-kui-á 消風，beh 讀讀 bē 落、beh 作作 bē--去；暗頭 á tshìn-tshái 食食 leh，出門向北據在 kha 步去 hua̍h，1 面心內 ná kiāu ka-tī koh 行 tse kāng 款 ê 路線，南京中山路口倒 uat，無 juā 久就是光點，aih！是 lah，想 beh sió 喘--tsi̍t-ē，koh 想無步，來看 tsit 間 kap 人 koh 樣 ê 戲園 leh puann siánn mā 好，m̄-tsiah tsa-hng ē 去看 tsit 齣 half nelson。
Tsit 齣電影 ê 中文翻譯是 koh 1 个譀 kî-kua ê 例：我的左派老師？怪奇--a，kui 齣電影除去做主角 ê 先生 tī 教室 kā 13、4 歲 ê 學生 gín-á 講著辯證法（dialectic），m̄ 知是 toh 位去 kha̍p 著「左派」--a，是好 ka-tsài 我有去 sannh 著 i ê 預告片，無--tsiá 定著 say saionala，bē 去赴 tsit-lō 中宵場--ê。
電影 ê 主題是「人 ê 軟 tsiánn」（frailty），kap 左派、右派無 siánn tī-tāi，tsit-ê「人 ê 軟 tsiánn」是 siánn-mih 意思 leh？簡單的講，就是：觀影者若是「照繩行路」、「一板一眼」ê 模範學生、照 khí-kang 人，絕對 ē kā 當做 1 齣「無聊」ê 影戲（電影 suah ê 時，有兩、三个坐 tī 我倒手爿--ê tsiann 實睏--去 ah），ah 若像拙者 tsit 款「歹人」，看了感想就有 khah 深。
影戲內底有 tsi̍t 半位 á thang 特別 the̍h 來講--ê，1 位是主角 leh kap i 新交 ê 睏伴 á（窮實就是 i ê 同事）話 sian，怨嘆講美國出兵去攻 Afghanistan，了後明明有人寫報告講 hia 並無 WMD，m̄-koh 民調 ê 結果猶原有 72% ê 美國人相信 hia 有 WMD，koh tse 72% ê 人 kāng 款 leh 信 Afghanistan 有 kā al qaeda tàu 贊手；tsiah-ê 話句，hōo 拙者 bē-khat-kin 去想著大選 ê 結果：顧面桶 koh khah 按怎罪惡貫滿，mā 是有七百萬票、過半 ê 人民支持--in，koh ○毅、費○泰 in 按怎 hau-la̍k-hau-ta̍k，mā 是有濟濟人信--in，hah！「人民 ê 智慧」的實 ē iah「民主政治」ê khang neh，莫怪有人看 bē 做--得，直直 beh 用革命來解決問題，m̄-koh：暴力 kám 有影有才調解決一切 ê 問題、創造大同世界？Koh，欠點看現現 ê 民主政治 lia̍h 外，咱 kám tsiann 實有比 i ê 成本 koh-khah 低、koh-khah 免流血、無枉屈 ê 制度，thang 提出來 kā 替換？
Tsit 齣電影 ê 中文翻譯是 koh 1 个譀 kî-kua ê 例：我的左派老師？怪奇--a，kui 齣電影除去做主角 ê 先生 tī 教室 kā 13、4 歲 ê 學生 gín-á 講著辯證法（dialectic），m̄ 知是 toh 位去 kha̍p 著「左派」--a，是好 ka-tsài 我有去 sannh 著 i ê 預告片，無--tsiá 定著 say saionala，bē 去赴 tsit-lō 中宵場--ê。
電影 ê 主題是「人 ê 軟 tsiánn」（frailty），kap 左派、右派無 siánn tī-tāi，tsit-ê「人 ê 軟 tsiánn」是 siánn-mih 意思 leh？簡單的講，就是：觀影者若是「照繩行路」、「一板一眼」ê 模範學生、照 khí-kang 人，絕對 ē kā 當做 1 齣「無聊」ê 影戲（電影 suah ê 時，有兩、三个坐 tī 我倒手爿--ê tsiann 實睏--去 ah），ah 若像拙者 tsit 款「歹人」，看了感想就有 khah 深。
英文 ê 片名 half nelson 雄雄看--著，ē 誤會主角 ê 名是 Nelson，m̄ 是 leh，是電影看了 tī 網路頂看人寫 ê 評論，tsiah 知影 he 原來是 sio-ián（wrestle）ê 用語，意思是 full nelson 做 tsi̍t 半--a，若無 tú 手就的確 beh 敗--a。（full nelson 是 1 種 sio-ián ê khu̍t 頭步），製片 ê 人用 tsit-ê 名來比論人生 ê 現實，咱濟濟人 lóng 已經 hông half nelson--a（客觀 ê 條件、本身 ê 軟 tsiánn），beh píng 真 oh，無 píng koh bē 直，hah！總--是拙者 ê 感觸 m̄-nā 按呢，hông half nelson kiám-tshái iáu 有回手 ê 機會，m̄-koh khah 濟是咱連按怎回手就想無步，真 m̄ 甘願 mā kan-tann ē-tàng thèng 割 thèng hâ kám m̄ 是？（Koh 想著經文--a，「伊親像羊 á 牽到受刣 ê 地，koh 親像羊 tī 剪毛 ê 人面前無出聲，伊也按呢無開 tshuì。」（賽 53:7），tsing 差 tī 上帝 ê 羊羔是有法度 tú 手 suah 甘願 m̄ tú 手，我是無法度 tú 手 tsuann-á bē 用得 m̄ 甘願 
）
）影戲內底有 tsi̍t 半位 á thang 特別 the̍h 來講--ê，1 位是主角 leh kap i 新交 ê 睏伴 á（窮實就是 i ê 同事）話 sian，怨嘆講美國出兵去攻 Afghanistan，了後明明有人寫報告講 hia 並無 WMD，m̄-koh 民調 ê 結果猶原有 72% ê 美國人相信 hia 有 WMD，koh tse 72% ê 人 kāng 款 leh 信 Afghanistan 有 kā al qaeda tàu 贊手；tsiah-ê 話句，hōo 拙者 bē-khat-kin 去想著大選 ê 結果：顧面桶 koh khah 按怎罪惡貫滿，mā 是有七百萬票、過半 ê 人民支持--in，koh ○毅、費○泰 in 按怎 hau-la̍k-hau-ta̍k，mā 是有濟濟人信--in，hah！「人民 ê 智慧」的實 ē iah「民主政治」ê khang neh，莫怪有人看 bē 做--得，直直 beh 用革命來解決問題，m̄-koh：暴力 kám 有影有才調解決一切 ê 問題、創造大同世界？Koh，欠點看現現 ê 民主政治 lia̍h 外，咱 kám tsiann 實有比 i ê 成本 koh-khah 低、koh-khah 免流血、無枉屈 ê 制度，thang 提出來 kā 替換？
除去 frailty，half nelson mā 翻頭檢討 in 美國本身 ê 歷史，美國雖然有人 kā 號做世界民主、人權 ê 模範，事實上美國政府以早 tī 國內外做 ê 濟濟代誌，beh 講 he 惡質 ê 程度無輸顧面桶，mā 是 ē 成立--得，若按呢，美國人 kap 美國政府按怎看待 tsiah-ê 歷史，kap in ê 心理、潛意識--ni̍h 按怎 tsih-tsiap，huān-sè thang 用來 kap 咱台灣相對照。
上尾，beh 來 thuh-tshàu，主角 Dan tī 教室 kā 學生 á 上課，有講著東方 ê 哲學足早就有「一切 tsiâu teh 變化」、「變化是唯一 ê 現實」ê 論說，m̄-koh 西方哲學無 tsit 款想法，tsit-ê 講法怪怪 oh，若無，Heraclitus ê 哲學是啥？Kám 講希臘 ê 哲學無屬 tī 西方 ê 傳統？Hah！若 beh 用地理位置來講希臘是不西不東，按呢我 mā 無反對 lah！
引用URL
http://cgi.blog.roodo.com/trackback/5819235
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
