雙倒水別莊

＞睏伴 á
這個比砲友含蓄很多沒錯.... XD

我感覺「露水情」比「露水愛」較好。因為「愛」較深，「情」較薄，這是個人主觀的認定~_~

華語的「砲友」正經有夠歹聽！毋捌聽過台語按怎講，「睏伴 á」會通，無醜呢。我宛那有認真想一个，呃...是講嘛無介好聽啦...阿ㄋㄡ，he，就是，「sio-tàu--ê」(相湊的)。男女朋友是有人講「鬥陣--ê」，啊若猶未「做陣」成一組，純然干礁「動詞」的關係，應該會當取這字「tàu」來用，而且，「sio」是較互相平等，較無sio-phinn啦~~

真正有夠雅的，這種詞我就想不出來，看來我實在很粗俗啊啊啊啊~~~

A 姊：

有影，露水情較好，我嘛贊成情 kap 愛有增差，是講，毋管是英語 iah 華語，leh 講性行為 ê 時，煞攏取愛無取情（make love；『做愛』），我是無啥相信睏做伙 ê 人就 ē 有情，閣較免談有愛。


Tiat：

毋是 thiau-kang beh 講予 hiah 雅--ê，我 ê 原則 kan-tann 是 beh 予台語有創詞 ê 獨立性 niā-tiānn，若是民間早就有別種講法，我嘛真歡喜接受 ^^

無張持閣想著 1 个詞：「做空榫--ê」。

例句：

A:拄才 hit 个 kám 是 in 女朋友？
B:女朋友？無 lah！He 叫做「做空榫--ê」，兩个人根本無啥熟似，是不三時約 tī hotheluh 見面 niā-tiānn。


無論如何，感謝 a 姊提供「露水情」kap「sio-tàu--ê」ê 意見 ^^

我可能會用匪類佮船過水無痕。(字典猶未查e，毋知影字是毋是有拍毋著。^_^)

匪類的意思，可能猶無遐正確，等佗一天我看連續劇的時陣，若有發現，才閣來通報。

「我那個砲友」，照理是講阮彼个活帖仔(猶未查字典，毋知影有正確無)

「他倆昨晚發生一夜情」=>自從彼工in二个發生代誌了後，就船過水無痕矣。=>in二个昨晚發生代誌了後，就船過水無痕矣。

露水情是新詞，聽起來袂(禾+黑)噢，猶未閣若將頂懸那句北京話直翻in二个昨晚發生露水情，猶是感覺有點仔Chinese翻Taiwanese的講。

歹勢，有的字可能我會拍毋著，請逐家見諒。嘛過，會曉用台語本字拍字開講，誠實歡喜甲欲強流珠淚的講。

閣想著一个，師公仔壽筊。哈! (猶未查字典，字可能會拍毋著。^_^)

初初見面 midismilex，歡迎新朋友 ^^

「匪類」ê 意思真闊 lioh，會當做名詞、閣嘛會當做形容詞，一來二去，khah tsia̍p 是用來講人「真惡、真歹、真無品」。

「船過水無痕」嘛有足濟意思 oh ^^ 包括：「忘恩背義」、「勢面無仝--a」、「橋過枴抽」等等。

「司公仔 tshiūnn-pue」，sù-siông 是講 1 ê 桌頭、1 ê 童乩，互相鬥空、互相配合。

「In 兩个昨暗發生代誌了後，就船過水無痕--a」，tsit 句話有足濟有可能 ê 解說：

1.『他們兩個昨晚出了事情後，就各走各路，互不干涉了。』

2.『他們兩人昨晚發生事情以後，整個情勢已大不同前了。』

等等‧‧‧當然，若頂下文有配合，mā ē-tàng 解說講：「In 兩人 tsa 暗睏--過了後，就 sûi 人行 sûi 路--a。」


1 个詞 iah 1 个概念，咱當然 ē-tàng 透過幾 ā 个詞來講出 i ê 意思，或者是用 khah 闊面 ê 詞句，配合頂 ē 文來表達 ^^ 若拙者提出討論 ê 意向，是希望 tshuē 看有 khah 對 thīn ê 詞彙--無；tsit-ê lô-tsip，就親像華語『一夜情』對應英語「one night stand」sio-siâng；咱當然嘛會使用華語原底有 ê 詞句來講，比論：


『男女在一夜之間發生關係，天亮後互不相涉。』


毋閣 tsit-ê 表達方式，kap 『一夜情』詞 kap 詞(組) ê 對應，是 khah 無仝款--ê。


另外 tsi̍t 方面，「one night stand」khah bē 用來講「人 kap 人 ê 具體行為」，khah 四常是講「非特定人 kap 人 ê 關係」、「社會 ê 現象」，比論：


華語：現代的男女性觀念開放，許多人對一夜情不僅不以為意，甚至引以為樂。

Hō-ló：現此時 ê 男女性觀念 tháu 放，濟濟人對露水愛毋若無要無緊，koh-khah 有--ê 是做來樂暢--ê。


Koh 比論：


華語：阿德每晚都混 pub，我看大概是電視看多了，才會幻想著一夜情的情節會發生在自己身上。

Hō-ló：A 德--a 逐暗攏 tsàm phabu，我看伊 kiám-tshái 是電視看了傷超過--a，tsiah ē siàu 想露水愛 ê 情節 ē 來發生 tī ka-tī ê 身軀頂。


罔參考 ^_____^

「露水情」(「露」愛讀第二聲)並袂有Chinese翻Taiwanese的感覺呢！這个詞的語感誠「台」，台語原本就有「露水鴛鴦」的講法，佮華語仝。

「匪類」、「船過水無痕」、「司公仔 tshiūnn-pue」，應該無人用佇「性」的代誌，雖然「船過水無痕」有用佇咧講愛情。「性」是一个非常特殊的範圍，所用的詞攏是一聽就知的(當然，未成年的、巷仔外的純真男女就算了)，袂閣用對別項去，因為這類个詞通常攏誠直路、誠「不雅」，袂佮其他像「匪類」、「船過水無痕」、「司公仔 tsiūnn-pue」遮个會使光明正大講出嘴的詞來公家。

這毋是辭典寫的，這是阿姐講的~~

歹勢歹勢，補充，應該講，「袂佮其他像...遮个『女性嘛』會使光明正大講出嘴的詞來公家。」

阿姐講的無一定是著的~~

1.我有 1 位可能寫毋著--去-a，「司公仔 tshiūnn-pue」，我原底 tshiūnn 無寫送氣 (h)，頭拄仔有偷偷仔改--轉-來。（毋閣這个詞假若呼音綴腔口有幾若種 ê 款）。


2.阿姊講：「露水情」(「露」愛讀第二聲)


毋閣我一直攏掠講是本調第七調，變調第三聲 neh @______@"


3.社會 leh 維新，女性嘛袂用得佇話語 iah 行放頂懸受著比男性閣較濟 ê 束縛，所以阿姊免煩惱，tsa-poo、tsa-bóo ē-tàng 講 ê 代誌是「平平濟」--ê，無應該限定佇「遮 ê 女性」niā-tiānn　　^^

嗚....去予「加價」^^誤會矣，人家呔有說露水情無成台語，人家是講若直接ui彼句北京話「他倆昨晚發生一夜情」翻做台語，攏總嘛遮ui「一夜情」彼三字換做露水情爾爾，賰个就一字換一字，感覺按呢翻起來較無成咱講的話啦。毋閣，Taokara後壁舉的例，「妳有明白我的瞭解」啦。^^

看來這个「砲友」需要一寡仔「通關密語」噢。我昨昏想的，攏嘛大丈夫^^佇講的話，呔會知影原來是指阮佇講的另外一個意思，害我自頭到尾攏講毋著，掠準是阮講的另外一個意思，按呢鬥陣个就會當矣講。^^....猶未閣lausenghian敢是佇指「援交妹」? 按呢呔會當叫做鬥陣个咧? 意思無仝噢。

露水情誠好聽，哈，掠準是阮查圃，可能著會ui「一夜情」翻做濫糝愛(=濫糝的愛情^^)吧?!

足好的! 開講閣會使得到台語知識，感謝逐家。