March 16,2008
肉體 kám̄ 是妖邪？
1 種普遍的 ê 矛盾，1 ê 濟濟人無斟酌分 thiah ê 問題：肉體 kám 是良善--ê？Koh，hōo 肉體足意 kám tio̍h 感覺歹勢？
若 m̄ 是 tn̄g 著刀兵水火刧，啥人 m̄ 是想辦法食飽穿燒？食穿，況兼是活 leh ê 頭項條件 leh，m̄-koh，食穿窮真是屬 tī 肉體 ê hē 項，咱若無法度真老實、真爽心來看待咱 ê 肉體，m̄-nā 食穿 ē tiû-tû，koh bē 免得 ē 去 tú 著 ē-kha ê tsit 2 ê 問題。
第一，相信上帝創造萬項物 ê 人，kám 無信肉體 - 萬項物--ni̍h ê 1 項、咱人 ê tsi̍t 部份（而且獨獨 tsit 部份看有、摸有），是出 tī 上帝 ê 創造？上帝 kah 若創造肉體 kap 肉體 ê 需要（A-tong kap Hā-oa tī Ai-tiân mā tio̍h 食 leh），咱按怎樣 kā 看做歹--ê leh？Kám 講咱 beh lia̍h 講上帝所創造--ê 有好有歹，iah 者是講，咱 beh lia̍h 講上帝所創造--ê 有「khah 好--ê」kap「khah 無 hiah 好--ê」？有任何 tsit-lō 想法 ê 人，kám 無犯疑 hōo 人想 i 有 phí-siùnn 上帝 ê 創造，「上帝看伊一切所造--ê，看 ah，真好。」（創 1:31；Barclay），是啥人講 i 信上帝，suah 用 i ka-tī ê 主張 beh 對 ke̍h 創造主 leh？
當然有人因為按呢 ē 出聲講：「tsit-lō 講法無 ka-nn̂g，理路無 tsiūnn 算。」In beh 講：「A-tong kap Hā-oa 反背上帝了後，咱人有犯罪，萬項物 hām 當原初創造--ê 已經各樣--a。」Tsit-ê 主張真簡單就 thang tshuē 著經文支持，比論：
「因為受造物 bē-tàng 達到 in ê 目的 m̄ 是自願--ê，是上主 ê 旨意 hōo in 按呢--ê。但是受造物 iáu-kú 抱 tsit-ê 希望：就是有 1 日 in 也 ē 受釋放脫離敗壞 ê 拘束，分享上帝 ê 囝兒榮耀 ê 自由。」（羅 8:20-21；紅皮）
總--是 tsit-ê 主張，suah 無法度解決第 2 ê 問題：若 tsún 是按呢，咱 beh 怎樣知影 tann 萬項物內底，toh-tsi̍t 部份猶原「良善」，koh toh-tsi̍t-kuá-á 已經 uè lah-sap--去？咱 kám beh 頂真 kā 分曉，無--tsiá，beh thài-thó 有才調「怨恨歹，親近好」（羅 12:9；Barclay）leh？
Kiám-tshái 有人 beh 因為 kuân 頂 ê 起致，kā 肉體看做歹--ê，m̄-koh 若問 in 有啥證據，in kám 舉 ē 出？顛倒是 in 無應該 kā ē 面 tsit 節經文失主意，若 beh 比啥物 khah 歹，肉體 huān-sè iáu 輸咱 ê 心輸 kah thiám-thiám tī-leh：「人 ê 心比萬物 khah 詭 khiat，歹到極頭，tsī-tsuī ē 知 i ah？」（耶 17:9；Barclay）。
我 ê 朋友--a，m̄ 管你是認為現此時 tse 項項物物有--ê 受 tòo-uè 有 ê 無，或者是你認為人 ê 罪是臭柑 tòo 籠，世間一切已經無 1 項保持 in tī 天地初 ê 清氣--a，你 lóng 無應該逃閃 tsit-ê 問題：「你按怎看待 tsit-má ê tsit-ê 世界，你按怎看待你 tsit 世人 kap 仝時 teh 活 ê tsit 幾 ā 十億世間人。」
朋友--a，想看 māi，咱若用 1 種二篩 á 貨 ê 眼光來看 tann 攏總 ê 一切，獨獨欣慕 thìng 候天地像衫捲--起-來了後 ê 結果（來 1:12），按呢你是按怎 beh 食飽穿燒？是按怎 leh 賑濟散 hiong？是按怎 beh 反對國 kap 國相戰？是按怎驚溫室效果 koh 支持做環保？是按怎 ē 向望新藥發明 thang 治人 ê 死症？是按怎疼惜母語 kap 文化 beh 做運動 kā 復振？你 kám 無信 tse tsiâu-tsiâu lóng beh 廢無，有新--ê ē 來替換？你 kám 無真 ài 新 ê 天 kap 新 ê 地緊緊得著 tsiânn，上好 liâm-mi 就到？咱是按怎無 ài 誠心誠意去面對 tsit 世間 ê 萬百姓、萬項物、萬項事，明明 tī 肉體 teh 活，明明修善 teh 幫贊人，明明心內有希望 tsit 世間變 koh-khah 好，suah 另外 tī 心內相信講：tsiah-ê 事事項項有妖邪、有破 phà、緊 tsua̍h 慢 beh 滅無，自按呢咱「所做」--ê kap「所信」--ê sio 踏 thut，無法度虔心虔意來享受 tse 自然的 ê 存在 kap 賞賜，tio̍h 三不五--時帶 ku 怪--ê giâu 疑 iah 罪惡感。
咱 ê 信仰，kap 咱 ê 生活哲學，若無才調 hōo 咱不管時、無分都合 lóng ē-tàng 誠懇、一致的來生活、思考，koh 害咱所做--ê kap 所受著 ê 教示都無法度完全對 pān，請咱 ài 重來了解咱所信--ê 是啥物，kám 是出 tī 神，或者是出 tī 人 ê 假造？
朋友--a，你開濟濟錢食 tshenn-tshau、穿 suí-suí、歡歡喜喜去 tshit-thô ê 時 kám ē 無張無持感覺 ak-tsak、淡薄 á 礙 gi̍k？請先想真：肉體 kám 是妖邪？是啥人 leh 講仙鑼、phah 歪理，hōo 咱進也 m̄ 是，退也 m̄ 是，按怎過都 bē 好 sì？He，kám 是真理？He，kám 有值得咱堅心固意？
第一，相信上帝創造萬項物 ê 人，kám 無信肉體 - 萬項物--ni̍h ê 1 項、咱人 ê tsi̍t 部份（而且獨獨 tsit 部份看有、摸有），是出 tī 上帝 ê 創造？上帝 kah 若創造肉體 kap 肉體 ê 需要（A-tong kap Hā-oa tī Ai-tiân mā tio̍h 食 leh），咱按怎樣 kā 看做歹--ê leh？Kám 講咱 beh lia̍h 講上帝所創造--ê 有好有歹，iah 者是講，咱 beh lia̍h 講上帝所創造--ê 有「khah 好--ê」kap「khah 無 hiah 好--ê」？有任何 tsit-lō 想法 ê 人，kám 無犯疑 hōo 人想 i 有 phí-siùnn 上帝 ê 創造，「上帝看伊一切所造--ê，看 ah，真好。」（創 1:31；Barclay），是啥人講 i 信上帝，suah 用 i ka-tī ê 主張 beh 對 ke̍h 創造主 leh？
當然有人因為按呢 ē 出聲講：「tsit-lō 講法無 ka-nn̂g，理路無 tsiūnn 算。」In beh 講：「A-tong kap Hā-oa 反背上帝了後，咱人有犯罪，萬項物 hām 當原初創造--ê 已經各樣--a。」Tsit-ê 主張真簡單就 thang tshuē 著經文支持，比論：
「因為受造物 bē-tàng 達到 in ê 目的 m̄ 是自願--ê，是上主 ê 旨意 hōo in 按呢--ê。但是受造物 iáu-kú 抱 tsit-ê 希望：就是有 1 日 in 也 ē 受釋放脫離敗壞 ê 拘束，分享上帝 ê 囝兒榮耀 ê 自由。」（羅 8:20-21；紅皮）
總--是 tsit-ê 主張，suah 無法度解決第 2 ê 問題：若 tsún 是按呢，咱 beh 怎樣知影 tann 萬項物內底，toh-tsi̍t 部份猶原「良善」，koh toh-tsi̍t-kuá-á 已經 uè lah-sap--去？咱 kám beh 頂真 kā 分曉，無--tsiá，beh thài-thó 有才調「怨恨歹，親近好」（羅 12:9；Barclay）leh？
Kiám-tshái 有人 beh 因為 kuân 頂 ê 起致，kā 肉體看做歹--ê，m̄-koh 若問 in 有啥證據，in kám 舉 ē 出？顛倒是 in 無應該 kā ē 面 tsit 節經文失主意，若 beh 比啥物 khah 歹，肉體 huān-sè iáu 輸咱 ê 心輸 kah thiám-thiám tī-leh：「人 ê 心比萬物 khah 詭 khiat，歹到極頭，tsī-tsuī ē 知 i ah？」（耶 17:9；Barclay）。
我 ê 朋友--a，m̄ 管你是認為現此時 tse 項項物物有--ê 受 tòo-uè 有 ê 無，或者是你認為人 ê 罪是臭柑 tòo 籠，世間一切已經無 1 項保持 in tī 天地初 ê 清氣--a，你 lóng 無應該逃閃 tsit-ê 問題：「你按怎看待 tsit-má ê tsit-ê 世界，你按怎看待你 tsit 世人 kap 仝時 teh 活 ê tsit 幾 ā 十億世間人。」
朋友--a，想看 māi，咱若用 1 種二篩 á 貨 ê 眼光來看 tann 攏總 ê 一切，獨獨欣慕 thìng 候天地像衫捲--起-來了後 ê 結果（來 1:12），按呢你是按怎 beh 食飽穿燒？是按怎 leh 賑濟散 hiong？是按怎 beh 反對國 kap 國相戰？是按怎驚溫室效果 koh 支持做環保？是按怎 ē 向望新藥發明 thang 治人 ê 死症？是按怎疼惜母語 kap 文化 beh 做運動 kā 復振？你 kám 無信 tse tsiâu-tsiâu lóng beh 廢無，有新--ê ē 來替換？你 kám 無真 ài 新 ê 天 kap 新 ê 地緊緊得著 tsiânn，上好 liâm-mi 就到？咱是按怎無 ài 誠心誠意去面對 tsit 世間 ê 萬百姓、萬項物、萬項事，明明 tī 肉體 teh 活，明明修善 teh 幫贊人，明明心內有希望 tsit 世間變 koh-khah 好，suah 另外 tī 心內相信講：tsiah-ê 事事項項有妖邪、有破 phà、緊 tsua̍h 慢 beh 滅無，自按呢咱「所做」--ê kap「所信」--ê sio 踏 thut，無法度虔心虔意來享受 tse 自然的 ê 存在 kap 賞賜，tio̍h 三不五--時帶 ku 怪--ê giâu 疑 iah 罪惡感。
咱 ê 信仰，kap 咱 ê 生活哲學，若無才調 hōo 咱不管時、無分都合 lóng ē-tàng 誠懇、一致的來生活、思考，koh 害咱所做--ê kap 所受著 ê 教示都無法度完全對 pān，請咱 ài 重來了解咱所信--ê 是啥物，kám 是出 tī 神，或者是出 tī 人 ê 假造？
朋友--a，你開濟濟錢食 tshenn-tshau、穿 suí-suí、歡歡喜喜去 tshit-thô ê 時 kám ē 無張無持感覺 ak-tsak、淡薄 á 礙 gi̍k？請先想真：肉體 kám 是妖邪？是啥人 leh 講仙鑼、phah 歪理，hōo 咱進也 m̄ 是，退也 m̄ 是，按怎過都 bē 好 sì？He，kám 是真理？He，kám 有值得咱堅心固意？
引用URL
http://cgi.blog.roodo.com/trackback/5703295
![[Syndicate this site]](http://blog.roodo.com/_img/rss.gif "Syndicate RSS feed"){kind=small}
![[Syndicate this site]](http://blog.roodo.com/_img/atom.gif "Syndicate ATOM feed"){kind=small}
