February 26,2008
惜皮
16 歲 ê 1 个暗時，Atai uì 5 樓 phâng 1 碗公圓 á，起 lih 樓頂 kap 小弟分 leh 食，食了 beh kā 碗公 the̍h 落去樓 kha 洗，無 tiunn-tî lut 手「khiang」1 聲 siak tī thôo-kha，碗公破做幾 ā tè，代誌發生著青 tiānn 白 tiānn，Atai kha 步無 tòng，好死 m̄ 死對破片 kā hua̍h lueh，破去 ê huî-á 利劍劍， tú 好 tī 大步拇 liô 1 khang，Atai ànn 落身看，khang-tshuì tsiah 開 ê 時白粉白粉，親像 3--月ê 雨水 tú 洗--過 ê tsínn 芽，koh mā bē thiànn，tìm 紅 ê 血 tī 白 sí-sat ê 肉 nn̂g khuann-khuann-á tòo 染，親像用水筆 ùn 紅銀朱 hiù tī 棉 á 紙頂 kuân hit-tsi̍t 樣，liâu-liâu-á thuànn--開，無仝 ê 位 á 是，大步拇 ê 紅是 uì 棉 á 紙內底 sìm 倒出--來-ê，血水 tī khang-tshuì jú 積 jú tsē koh jú 積 jú tsē，是微細世界 ê 1 pái 海 tiùnn（siáng 人 m̄ 是按呢看待 ka-tī ê 細 lih「大」khang leh？），血 íng giâ kah 尾--a 做 tsi̍t-ē 「崩」落--來，tin 過 kha-tê，kui-ê「pua̍h」tī 烏 tòo 紅 ê thài-luh 頂面，血滴破--去 ê 時ka-tī bē-ài 出聲，kan-tann tiām-tiām phak tī thài-luh 頂 kuân，暗紅 ê thài-luh 配暗紅 ê 血水，1 點 1 點，日光燈 ê 白光 tshiō 著 mā 看無 kài 明。
Uì hit-tang-tsūn 開始，Atai 對「利」tsit 件代誌產生 koh 樣 ê 感覺，i 有影 kā 大步拇 ê khang-tshuì tī 心--ni̍h hùn 大了 siunn 過頭--a，kìnn-nā gia̍h 刀，明明 m̄ 是 the̍h 關刀 beh hōo lāng，to 鉛筆刀 á tsi̍t-kainn-á-kiánn niā-tiānn，i mā the̍h kah 心肝 phi̍h-pho̍k-tsháinn，bē-su 是 uì ang-keh 桌 kā 金身請落來 phâng tī 手--ni̍h beh tsiūnn 轎出巡 leh；koh i 若看人手--ni̍h 有刀 suah ná 話仙 ná 比手畫刀，心內 mā ē 起 gāi-gi̍k，he 感覺 oh，i 講是像用剃刀 mê leh khun 心肝 ínn-á kāng 款，nah ē 知 siánn-mih 時 tsūn ē koh lut 手 liô 1 khang 出--來，「血 ē 咬--人！」Atai 是按呢講--ê，「血 bùn 出來了後 tsiah 知 thiànn。」
Tsit-ê 情結，hōo Atai 對利物割--著 tsha̍k--著 suah 有足特殊 ê 心理障礙，i 自來是 gâu 吞忍 ê 人，風痛 ê thiànn，開刀退麻藥了後 ê thiànn i lóng 經過幾 ā 擺--a，m̄-koh 若心 thiànn lia̍h 外，獨獨刀傷 i 是 kan-tann 想就 kui 身軀起 ka-lún-sún，hit-lō 反應有 juā 緊，kám 無 sîng 16 歲 ê 時 tsi̍t-ē 想著 tsa-bóo gín-á 無穿衫，褲 thìnn suî 硬 tsinn-tsinn、khiā thîng-thîng hiah 緊，Atai ka-tī 是 m̄-bat 按呢暗 tsīnn-á 比 phīng。
M̄-tsiah hit 幾暗 i sàm-tām kah tah 底 ê 時，lóng 無考慮 beh suî 去 gia̍h 刀，連 i kā 果子刀 á gia̍h 來 tī 手--ni̍h ê hit 1 暗，i lóng 著盡母力 tsiah 有法度 kā 刀 mê uá 來 kah 手 ām，koh-khah 免講是割 iah tu̍h--a，手 ām 肉金滑 koh 紅粉，bē-su 幼嬰 á ê 面皮 ùi aīnn 巾露現，血筋輕力 á 浮 leh 浮 leh，看久 suah 煩惱 i ē kā 幼幼 ê 皮肉 king 破--去；結果，對皮膚開 1 縫 iah 破 1 khang ê 驚惶，suah ah 倒 Atai 向死亡走閃 ê 渴望，事實上，i hit 段時間是 khah ài 死--去 khah kui-khì--ê，總--是，i 對刀莫名 ê 情結，無意中 hōo i 活--落-來 ê 機會 tsuann-á 增加，tse 實在是 siunn gé 洗 ah。
無想講 tī ing 暗，i 雄雄致覺 ka-tī 對刀 ê 感覺早就 ta̍uh-tua̍h-á 變化，雖 bóng 無 koh 親像 1 冬前 hit 款 peh 腹失志，極 ke 是睏 bē 落眠，有時 tsūn 心內起淡薄 á 酸苦 niā-tiānn，i 全無認為 ka-tī 是內症 koh giâ--起-來，tio̍h 轉去 tshuē 先生參詳，「我是得著醫治--a，」Atai tī 心內按呢想，i leh 想光 sih-sih ê 刀 mê tu̍h 入去手 ām ê 光景，tu̍h 入去了後 tio̍h nǹg 入去骨 kap 骨中間，kā 筋 ngiàu hōo 斷，hit 時，血水在水 bē 親像 16 歲 uì 正 kha 大步拇 ûn-ûn-á sìm--出-來 hiah-ni̍h-á 溫柔，ē 親像 kui 大陣兵 á 聽哨角 uì 坑溝 peh 起起 tsông，kap 白 tshang-tshang ê 天羅板 sio lòng，koh ná 親像紅雨 suah 落來身軀頂，tī tann 水色 ê 地板 kuân 頂 mā ē 真 hiánn 真明。
Tsit-ê 情結，hōo Atai 對利物割--著 tsha̍k--著 suah 有足特殊 ê 心理障礙，i 自來是 gâu 吞忍 ê 人，風痛 ê thiànn，開刀退麻藥了後 ê thiànn i lóng 經過幾 ā 擺--a，m̄-koh 若心 thiànn lia̍h 外，獨獨刀傷 i 是 kan-tann 想就 kui 身軀起 ka-lún-sún，hit-lō 反應有 juā 緊，kám 無 sîng 16 歲 ê 時 tsi̍t-ē 想著 tsa-bóo gín-á 無穿衫，褲 thìnn suî 硬 tsinn-tsinn、khiā thîng-thîng hiah 緊，Atai ka-tī 是 m̄-bat 按呢暗 tsīnn-á 比 phīng。
M̄-tsiah hit 幾暗 i sàm-tām kah tah 底 ê 時，lóng 無考慮 beh suî 去 gia̍h 刀，連 i kā 果子刀 á gia̍h 來 tī 手--ni̍h ê hit 1 暗，i lóng 著盡母力 tsiah 有法度 kā 刀 mê uá 來 kah 手 ām，koh-khah 免講是割 iah tu̍h--a，手 ām 肉金滑 koh 紅粉，bē-su 幼嬰 á ê 面皮 ùi aīnn 巾露現，血筋輕力 á 浮 leh 浮 leh，看久 suah 煩惱 i ē kā 幼幼 ê 皮肉 king 破--去；結果，對皮膚開 1 縫 iah 破 1 khang ê 驚惶，suah ah 倒 Atai 向死亡走閃 ê 渴望，事實上，i hit 段時間是 khah ài 死--去 khah kui-khì--ê，總--是，i 對刀莫名 ê 情結，無意中 hōo i 活--落-來 ê 機會 tsuann-á 增加，tse 實在是 siunn gé 洗 ah。
無想講 tī ing 暗，i 雄雄致覺 ka-tī 對刀 ê 感覺早就 ta̍uh-tua̍h-á 變化，雖 bóng 無 koh 親像 1 冬前 hit 款 peh 腹失志，極 ke 是睏 bē 落眠，有時 tsūn 心內起淡薄 á 酸苦 niā-tiānn，i 全無認為 ka-tī 是內症 koh giâ--起-來，tio̍h 轉去 tshuē 先生參詳，「我是得著醫治--a，」Atai tī 心內按呢想，i leh 想光 sih-sih ê 刀 mê tu̍h 入去手 ām ê 光景，tu̍h 入去了後 tio̍h nǹg 入去骨 kap 骨中間，kā 筋 ngiàu hōo 斷，hit 時，血水在水 bē 親像 16 歲 uì 正 kha 大步拇 ûn-ûn-á sìm--出-來 hiah-ni̍h-á 溫柔，ē 親像 kui 大陣兵 á 聽哨角 uì 坑溝 peh 起起 tsông，kap 白 tshang-tshang ê 天羅板 sio lòng，koh ná 親像紅雨 suah 落來身軀頂，tī tann 水色 ê 地板 kuân 頂 mā ē 真 hiánn 真明。
引用URL
http://cgi.blog.roodo.com/trackback/5601085
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
