<< 若 beh koh tshiû | 回blog首頁 | 金枝演社《山海經》 >>

February 14,2008

Thàn guá iáu siong-sìn


Tī siā-huē kiânn-ta̍h iok-kî-lio̍k mā ū 10 tang--a, tō tsún jîn-tsîng sè-sū bô bat thàu-thàu, lâng-bīn sè-bīn uân-nā ū o̍h--kuá leh, guá sîng-jīn ka-tī m̄-sī uì sim-kuann-ínn-á lâi sioh-tsîng ê lâng, m̄-koh ū-iánn ū put-tsí-á nńg-sim ê kò-sìng, sī kóng nńg-sim bóng nńg-sim, suah siōng tsheh "hōo i tsiūnn ta̍h-pang, suah beh tsiūnn bîn-tshn̂g" ê pe̍h-ba̍k-bâi-á.



Kiám-tshái guá khuànn--khí-lâi ū tiong-hōo lah, m̄-koh tshian-bān m̄-thang kā gōo-huē tsò lān-sîn, m̄-thang in-uī bô ki-huē khuànn-tio̍h guá khí-phuì-bīn kiāu tài tshoh, tō lia̍h-kóng guá tiānn-tio̍h bē bāu bīn lua̍h--lo̍h-lâi kài tsua̍t-tsîng ê hì lâi tsò, kánn m̄-tsai hái koh-khah khuah mā ū kînn--sìm.


"Bô lí tsìn-tsîng sī án-tsuánn píng--kuè?" Ū lâng àm-tsīnn-á mn̄g.


Beh án-tsuánn pí-phīng leh? He tik-si̍t m̄-sī gû khí-huan sut m̄ kiânn niā-tiānn, he tsāi-tsuí sī khí-kau-lîng khiā tsuí khah ngē tâng-tshiûnn thih-piah,  kàu hit tsūn tsiah siūnn-thè-hué tō bián--a, tō-tsún khì tshiànn thinn-kong-peh--a lâi, kāng-khuán mā sái guá bē iânn.


Tsóng--sī, kah tann guá iáu siong-sìn, siong-sìn lí m̄-sī teh thui-nńg-á, m̄-sī leh tshím-khuànn tsit kôo thôo kám ū thang koh tshim ku̍t--bô. Aih! M̄-thang tshì, tshiánn kā hó ê ìn-siōng lâu hōo--guá, hōo guá kè-sio̍k àn pa̍t-lâng ê o-ló lâi jīn-bat--lí, kā lí tòng-tsuè ū ta̍t-tit lâi-óng ê pîng-iú, kám hó?

Posted by lausenghian at 樂多Roodo! │22:19 │回應(0) │引用(0) │心內話
樂多分類：文字創作 工具：編輯本文
Ads by Roodo! 

引用URL

http://cgi.blog.roodo.com/trackback/5543205
  


回最上方