February 11,2008
若 beh koh tshiû
Tsa-hng tī 網路頂 bóng tshuē 看平埔族信仰 ê 漢化有啥資料，tann 看--起-來，Tshîng-á-kha 山神土地公 kap 戴代王公 ê 身份若 beh koh 進一步 tshiû 根元，kiám-tshái kan-tann tshun 看「福德正神」ê 石牌 á 後 piah 面，kap 究 khàm 王公廟是按怎無用 ang-keh 桌，suah ùi thôo-kha kui-ê khōng kuân 來 tshāi 王公 ê ang-á tsit 兩項--a。
Ē 按呢想，是因為有資料寫講 Ketagalan ê 神明 tī 族人漢化了後，真濟 hông 改做土地公，無雕 ang-á，是做 1 tè 石牌 á，頭前面寫福德正神 t.t. 漢人 ê 神明名，後 piah tsiah 寫番王公 iah 是原底 ê 平埔神明銜頭，真 tú 好，Tshîng-á-kha ê 山神土地公，雖 bóng 無可能 kap Ketagalan 有關係，m̄-koh mā 無雕 ang-á neh，是做 1 塊石牌 á niā-tiānn，hōo 我真好奇 tī-leh。
若戴代王公 ê 廟--ni̍h，tshāi 主神 ê 位 á 是 khōng 石 á 起來做 1 个平台，無用 ang-keh 桌，尾--a 有 hōo 我聯想著 tsìn 前看著 Siraya 公廨 ê 相片，內底 mā 無用 an-keh 桌，是 tī 1 座 khah kuân--起-來 ê 台 á 頂，hē 阿立祖 ê 矸 á 等等，m̄ 知 tsit 兩項中間 kám 有交枝連？
因為 tsiah-ê 記錄，是拙者 ka-tī 土想 bóng 寫--ê，一直無解 sueh in ê 日舊年 12--月轉去打貓，到底是 ùi 莊--ni̍h ê sī-tuā hia 聽著 siánn-mih 故事，所以 tann tsenn-pōng 白 pōng 講頂面 hiah-ê 代誌，有耐心看 kah tsia ê 人 huān-sè ē 真疑 ngā，「是 leh 講 siánn 按呢！無頭無尾！」我想 ia̍h 是 sió 交 tài--tsi̍t-ē khah 妥當。
莊後 piah hit 間細細間 á ê 山神土地公，根據 sī-tuā ê 講法，是日本時代尾期開始 tshāi--ê，tsi̍t 起 khiàn 是莊--ni̍h 有幾 ā 个人去剉原底生 tī hia ê 1 欉親像牛車 lián hiah 粗、koh kuân kah 連 ùi 北港 mā 看 ē 著 ê 大欉樹，樹 tsiah 剉倒 niā-tiānn，剉樹 ê tsa-poo 人 tī 厝--ni̍h ê tsa-bóo 人 suah sio 連 suà 倒倒 lueh，問神 ê 結果，是 hit 欉大樹有山神土地公 tī 內底，著起廟 kā ho̍k-sāi tsiah ē 直，m̄-tsiah 起上開始 ê hit 間廟 á（現此時--ê 已經有翻--過）。
Tsit 擺新正 tò--去，koh 聽細漢 a 叔講日本時代物資管制，a 媽若 beh 藏親像豬肉 lah hiah-ê 物件，lóng ē the̍h-the̍h 去 hia 暫囥，因為 hit 位真 iap-thiap。
除去起廟因端 ê 傳說，莊--ni̍h koh 有 m̄-nā 1 个人做干證，講有聽過土地公行過埕--ni̍h「khi-khi-kho̍k-kho̍k」ê 聲、iah 是看著紅紅 ê 土地公火 suá--過（叔輩小妹講內埕 hia 有 1 ê 風水的 ê 虎穴？），或者是知見講起廟 hit 位暗時 ē 出紅紅 ê 大火「hông」tsi̍t-ē tshìng tsiūnn 天頂。
戴代王公 ê 部份 koh khah 奇，是自古早古早目今起廟 ê 位 á 就有 1 ê khah 無半个人 kuân--ê，用 4 tè 石枋 tah--起-來 ê 廟 á，a 叔 in 講細漢 ê 時不時 mā peh 起 lih 頂 kuân 挽樹頂 ê 果子，he 廟 á 原底無名，mā 無聽 sī-tuā 講內底自來有 tshāi ang-á，想看 māi，tsit 款形體 ê 廟 á nah ē bē hông 想著 kap 平埔族 ê 信仰有干涉 leh？
Ē 起廟 koh 雕 ang-á 是因為經過 hit 位 ê 人 tiānn hōo「神明」「tshòng-tī」，問神了後知影是 hit-ê 神明 beh 人起廟 hōo i 有香火，經過祖厝 ê 觀音佛祖同意了後，tsiah 起廟 kā ho̍k-sāi，tsit-má ê 廟已經是重翻第 3 擺--ê-a。
現此時 hit 位神明 ē hông 叫做「戴代王公」，當然是問神了後神明自我紹介--ê，一來二去，tshuan 民根據 tsit-ê 戴姓，phah 算 i 應該是清國時代造反 ê 戴萬生（戴潮春），ē 按呢 tshui 想是因為戴萬生 ê 糧倉就 tī tann 打貓 ê 火燒莊，koh 有傳說講 i 出尾是 hōo 清軍 tī tann 起廟 hit khoo-ûi-á tsang--著 kā 刣頭--ê（tsit 部份 ká-ná 無合 tī 歷史記載），橫直，tsín 廟--ni̍h 是有掛 1 張戴萬生 ê 簡介 kap i 起兵 ê 概略，是 tio̍h iah m̄-tio̍h，有影 oh 稽考 ah！
有 1 件代誌 tsám-jiân-á 心適，目今戴代王公 ê 廟邊 á，iáu 有留源起頭 tah 廟 4 tè 石枋內底 ê 2 tè（請看 tsit 篇附--ê 2 張相），石枋若是親像 a 叔講--ê 正港是 hit 時 tsūn 留 kah tann--ê，就真正是 put-tsí-á 重要 ê 歷史文物--a。
若戴代王公 ê 廟--ni̍h，tshāi 主神 ê 位 á 是 khōng 石 á 起來做 1 个平台，無用 ang-keh 桌，尾--a 有 hōo 我聯想著 tsìn 前看著 Siraya 公廨 ê 相片，內底 mā 無用 an-keh 桌，是 tī 1 座 khah kuân--起-來 ê 台 á 頂，hē 阿立祖 ê 矸 á 等等，m̄ 知 tsit 兩項中間 kám 有交枝連？
因為 tsiah-ê 記錄，是拙者 ka-tī 土想 bóng 寫--ê，一直無解 sueh in ê 日舊年 12--月轉去打貓，到底是 ùi 莊--ni̍h ê sī-tuā hia 聽著 siánn-mih 故事，所以 tann tsenn-pōng 白 pōng 講頂面 hiah-ê 代誌，有耐心看 kah tsia ê 人 huān-sè ē 真疑 ngā，「是 leh 講 siánn 按呢！無頭無尾！」我想 ia̍h 是 sió 交 tài--tsi̍t-ē khah 妥當。
莊後 piah hit 間細細間 á ê 山神土地公，根據 sī-tuā ê 講法，是日本時代尾期開始 tshāi--ê，tsi̍t 起 khiàn 是莊--ni̍h 有幾 ā 个人去剉原底生 tī hia ê 1 欉親像牛車 lián hiah 粗、koh kuân kah 連 ùi 北港 mā 看 ē 著 ê 大欉樹，樹 tsiah 剉倒 niā-tiānn，剉樹 ê tsa-poo 人 tī 厝--ni̍h ê tsa-bóo 人 suah sio 連 suà 倒倒 lueh，問神 ê 結果，是 hit 欉大樹有山神土地公 tī 內底，著起廟 kā ho̍k-sāi tsiah ē 直，m̄-tsiah 起上開始 ê hit 間廟 á（現此時--ê 已經有翻--過）。
Tsit 擺新正 tò--去，koh 聽細漢 a 叔講日本時代物資管制，a 媽若 beh 藏親像豬肉 lah hiah-ê 物件，lóng ē the̍h-the̍h 去 hia 暫囥，因為 hit 位真 iap-thiap。
除去起廟因端 ê 傳說，莊--ni̍h koh 有 m̄-nā 1 个人做干證，講有聽過土地公行過埕--ni̍h「khi-khi-kho̍k-kho̍k」ê 聲、iah 是看著紅紅 ê 土地公火 suá--過（叔輩小妹講內埕 hia 有 1 ê 風水的 ê 虎穴？），或者是知見講起廟 hit 位暗時 ē 出紅紅 ê 大火「hông」tsi̍t-ē tshìng tsiūnn 天頂。
戴代王公 ê 部份 koh khah 奇，是自古早古早目今起廟 ê 位 á 就有 1 ê khah 無半个人 kuân--ê，用 4 tè 石枋 tah--起-來 ê 廟 á，a 叔 in 講細漢 ê 時不時 mā peh 起 lih 頂 kuân 挽樹頂 ê 果子，he 廟 á 原底無名，mā 無聽 sī-tuā 講內底自來有 tshāi ang-á，想看 māi，tsit 款形體 ê 廟 á nah ē bē hông 想著 kap 平埔族 ê 信仰有干涉 leh？
Ē 起廟 koh 雕 ang-á 是因為經過 hit 位 ê 人 tiānn hōo「神明」「tshòng-tī」，問神了後知影是 hit-ê 神明 beh 人起廟 hōo i 有香火，經過祖厝 ê 觀音佛祖同意了後，tsiah 起廟 kā ho̍k-sāi，tsit-má ê 廟已經是重翻第 3 擺--ê-a。
現此時 hit 位神明 ē hông 叫做「戴代王公」，當然是問神了後神明自我紹介--ê，一來二去，tshuan 民根據 tsit-ê 戴姓，phah 算 i 應該是清國時代造反 ê 戴萬生（戴潮春），ē 按呢 tshui 想是因為戴萬生 ê 糧倉就 tī tann 打貓 ê 火燒莊，koh 有傳說講 i 出尾是 hōo 清軍 tī tann 起廟 hit khoo-ûi-á tsang--著 kā 刣頭--ê（tsit 部份 ká-ná 無合 tī 歷史記載），橫直，tsín 廟--ni̍h 是有掛 1 張戴萬生 ê 簡介 kap i 起兵 ê 概略，是 tio̍h iah m̄-tio̍h，有影 oh 稽考 ah！
有 1 件代誌 tsám-jiân-á 心適，目今戴代王公 ê 廟邊 á，iáu 有留源起頭 tah 廟 4 tè 石枋內底 ê 2 tè（請看 tsit 篇附--ê 2 張相），石枋若是親像 a 叔講--ê 正港是 hit 時 tsūn 留 kah tann--ê，就真正是 put-tsí-á 重要 ê 歷史文物--a。
引用URL
http://cgi.blog.roodo.com/trackback/5528329
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
