February 2,2008
天拆 ha̍h ê 啟示
拙者 tio̍h 承認，有足濟七奇八怪 ê 故事、五花十色 ê 啟示，是天拆 ha̍h、tú 精神 ê 時 tsinn 來到位--ê，也 tsìn 前 mā bat m̄-nā 1 擺寫過 tsiah-ê 物件--a，tann tse 就是今 á 早起目 tsiu tú peh-kim tsông 來 tī 頭殼內 ê 想法。
Hit-ê 想法：「性是肉體的 ê 愛情，愛情是精神的 ê 性；tī oo-lú-gá-su-muh (orgasm) 退了後，就無 koh tī-leh--a。」
Hit-ê 聲 koh kā 已經臭酸 ê Schopenhauer ê 話 mā puann 出來 liū：
「Tī tsit 款 ê 世界內底，無任何 tiām-sīm ê 物件，mā 無任何 ē tòng 久 ê 物件，萬項物 lóng 直直 teh 變化 kap lām-tsham 無 hioh，萬項物 lóng ná 像 hē tiàm pinn-ân ê 索 á 頂 kuân，只有直直 hua̍h 進前，tsiah 有才調 iáu 留 tī hit 頂面－－－tī tsit 款世界--ni̍h，快樂並無像咱所想--ê hiah-ni̍h-á 濟。Tī tsit-ê 世界內底，除去 Plato 號做「無停 suah ê 變化 kap 永永 無不變 ê 存在」，無別項出現，若 tsit 款世界是 beh 按怎 khiā 起 leh。
第一，無 1 个人是快樂--ê，人只不過是 kui 世人 leh 追 jip he 真 oh 得 ē 著 ê 想像 ê 快樂 niā-tiānn，就 tsún 講有 jip--著，mā 僅僅 ē 對 i 感覺失望；m̄-koh，出尾，人總是駛入港口犁 ta 來 kā 桅 tú tsih 斷。第二，tī 1 種 kan-tann 有短暫 ê 時間相連 suà 出現來到 tī 盡尾 ê 生活--ni̍h，m̄ 管快樂 iah 無快樂，lóng 是仝款。
* * * * *
Uì 外面來看活命－－－無--者，咱 tī 生存中就得 bē 著快樂。就 tsún 是性 ê 快樂 mā 是按呢，性 ê 快樂是在 tī 直直 leh 追求，kìnn-nā 所求--ê tsiânn--a，就 suî 失去快樂--a。」〈論存在 ê 空虛〉－Arthur Schopenhauer
換 1 个講法，若 tsún 有 1 个「萬項 lóng 得著滿足，斷半項痛苦憂愁」ê 天堂，he 定著是通宇宙上 kài 驚--人 ê 地獄，因為 tsit 世間 ê 快樂是「無滿足」、「欠 khueh」kap「痛苦」所泡--出-來 ê 1 杯甜酒，koh hit-ê 甜味，mā kan-tann tī iáu-bē tam 著 kap tú lim--lueh hit 目 nih 久有 niā-tiānn，koh 來無別項，只有 tshun má-se má-se ê 空虛 kap 醉過暝 ê 艱苦。
聽 kah 一半，我 ē-tàng 理解 hit 種「追求－滿足－失望－厭 siān」 koh 「追求－滿足－失望－厭 siān」‧‧‧‧‧ê 夭壽 se̍h 來去倒，因為性 ê 衝動就是 1 个真對 tâng、koh 真活動 ê 例，我真 giâu 疑 ê 是，kah nā 是按呢，tsāi-tsuí 無 hit-lō「永遠 bē 變 ê 愛情」tsiah tio̍h，也就是久長 ê 關係（比論：婚姻），咱 thang 合理的來 tshui 測愛情 ê 死亡（有人講替換做親情；有人講婚姻是愛情 ê 墓 thióng-á，足濟人 m̄ 承認，koh 有人是目 tsiu om leh 當做無 khuàinn），tsit 點，有 juā 濟人 tī 長期的 ê 關係 beh 起鼓 tsìn 前有機會實 tú 實 kā 想 hōo 明--過？
「是 beh 行透流 iah 是 beh 行短暫--ê？」問--ê kap 聽--ê，kám 有影斟酌--a？
我 iáu bē 赴想真，啟示已經用 phì-siùnn 來 suah 尾，tsit-ê phì-siùnn 是按呢生--ê：
「Lín ê 社會足奇怪--ê，有媒體、文學、廣告、音樂 t.t. 直直 leh 鼓吹愛情 kap 性，m̄-koh，主流的 ê 價值觀 suah 踏硬支持一對一 ê 長期關係；」
「愛情 hām 性，親像蜉蝣 (hû-iû) ê 性質，根本是一對一長期關係 ê 死 khiat kám m̄ 是？」
「Kāng-tsi̍t-ê 人，liam-mi leh 欣羨愛情、頌讚愛情，liam-mi koh 堅心支持用一對一永世人無改移 ê 關係做基礎 ê 社會制度，甚至甘願做 hit-ê 制度 ê hóo-á，看--起-來有影足 gê 洗的--ê。」
Hit-ê 聲 koh kā 已經臭酸 ê Schopenhauer ê 話 mā puann 出來 liū：
「Tī tsit 款 ê 世界內底，無任何 tiām-sīm ê 物件，mā 無任何 ē tòng 久 ê 物件，萬項物 lóng 直直 teh 變化 kap lām-tsham 無 hioh，萬項物 lóng ná 像 hē tiàm pinn-ân ê 索 á 頂 kuân，只有直直 hua̍h 進前，tsiah 有才調 iáu 留 tī hit 頂面－－－tī tsit 款世界--ni̍h，快樂並無像咱所想--ê hiah-ni̍h-á 濟。Tī tsit-ê 世界內底，除去 Plato 號做「無停 suah ê 變化 kap 永永 無不變 ê 存在」，無別項出現，若 tsit 款世界是 beh 按怎 khiā 起 leh。
第一，無 1 个人是快樂--ê，人只不過是 kui 世人 leh 追 jip he 真 oh 得 ē 著 ê 想像 ê 快樂 niā-tiānn，就 tsún 講有 jip--著，mā 僅僅 ē 對 i 感覺失望；m̄-koh，出尾，人總是駛入港口犁 ta 來 kā 桅 tú tsih 斷。第二，tī 1 種 kan-tann 有短暫 ê 時間相連 suà 出現來到 tī 盡尾 ê 生活--ni̍h，m̄ 管快樂 iah 無快樂，lóng 是仝款。
* * * * *
Uì 外面來看活命－－－無--者，咱 tī 生存中就得 bē 著快樂。就 tsún 是性 ê 快樂 mā 是按呢，性 ê 快樂是在 tī 直直 leh 追求，kìnn-nā 所求--ê tsiânn--a，就 suî 失去快樂--a。」〈論存在 ê 空虛〉－Arthur Schopenhauer
換 1 个講法，若 tsún 有 1 个「萬項 lóng 得著滿足，斷半項痛苦憂愁」ê 天堂，he 定著是通宇宙上 kài 驚--人 ê 地獄，因為 tsit 世間 ê 快樂是「無滿足」、「欠 khueh」kap「痛苦」所泡--出-來 ê 1 杯甜酒，koh hit-ê 甜味，mā kan-tann tī iáu-bē tam 著 kap tú lim--lueh hit 目 nih 久有 niā-tiānn，koh 來無別項，只有 tshun má-se má-se ê 空虛 kap 醉過暝 ê 艱苦。
聽 kah 一半，我 ē-tàng 理解 hit 種「追求－滿足－失望－厭 siān」 koh 「追求－滿足－失望－厭 siān」‧‧‧‧‧ê 夭壽 se̍h 來去倒，因為性 ê 衝動就是 1 个真對 tâng、koh 真活動 ê 例，我真 giâu 疑 ê 是，kah nā 是按呢，tsāi-tsuí 無 hit-lō「永遠 bē 變 ê 愛情」tsiah tio̍h，也就是久長 ê 關係（比論：婚姻），咱 thang 合理的來 tshui 測愛情 ê 死亡（有人講替換做親情；有人講婚姻是愛情 ê 墓 thióng-á，足濟人 m̄ 承認，koh 有人是目 tsiu om leh 當做無 khuàinn），tsit 點，有 juā 濟人 tī 長期的 ê 關係 beh 起鼓 tsìn 前有機會實 tú 實 kā 想 hōo 明--過？
「是 beh 行透流 iah 是 beh 行短暫--ê？」問--ê kap 聽--ê，kám 有影斟酌--a？
我 iáu bē 赴想真，啟示已經用 phì-siùnn 來 suah 尾，tsit-ê phì-siùnn 是按呢生--ê：
「Lín ê 社會足奇怪--ê，有媒體、文學、廣告、音樂 t.t. 直直 leh 鼓吹愛情 kap 性，m̄-koh，主流的 ê 價值觀 suah 踏硬支持一對一 ê 長期關係；」
「愛情 hām 性，親像蜉蝣 (hû-iû) ê 性質，根本是一對一長期關係 ê 死 khiat kám m̄ 是？」
「Kāng-tsi̍t-ê 人，liam-mi leh 欣羨愛情、頌讚愛情，liam-mi koh 堅心支持用一對一永世人無改移 ê 關係做基礎 ê 社會制度，甚至甘願做 hit-ê 制度 ê hóo-á，看--起-來有影足 gê 洗的--ê。」
引用URL
http://cgi.blog.roodo.com/trackback/5492097
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
