雙倒水別莊

無權無勢 ê 個人干證著項事 ê 悲慘狀態，tsāi-tsuì m̄ 是 1 種無局無 sio̍h ê 活動 (hua̍t-tōng)。Tse 有包括 Foucault 所講 ê「綿爛綿 tsinn ê 飽學」(a relentless erudition)，tshiau-tshuē koh 樣 ê 材料，發掘 am 藏 ê 文件，叫醒已經 hông 放 bē 記--得（iah 棄 sak）ê ta̍k 類歷史。Tse 有包括 1 款戲劇感 kap 起義感，好好 á 利用本身罕得有 ê 發言機會，爭取觀眾 ê 注意，比起對頭 koh-khah 有才情、ke khah gâu 辯論。M̄-nā 無職位 beh 顧守，mā 無地頭 beh 圍勢、防衛 ê 智識份子，有某 mih 款 ke hông 足 bē 穩心 ê 特質；也因為按呢，自 khau-sé (self-irony) khah 濟過自開誇，照實直講 khah 濟過 pa-lun-pa-láu。總--是，bē-īng-tit 走閃--ê 就是無 thang siau 閃 ê 現實：智識份子 ê tsit 種代表 m̄-nā bē hōo in tsiânn 做權勢者 ê 朋友，mā bē 替 in 提著官方 ê 銜頭。Tse 實 tú 實是 1 款寂寞 ê 處境，m̄-koh uan-nā khah 贏集體 thun-lún ê 現況。


－E.W. Said