January 29,2008
無讀冊 ê 榮光？
因為朋友 ê 紹介，tsiah 有機會好好 á 聽阿弟仔 ê 歌。阿弟仔透過歌詞 phì-siùnn tsit-ê 社會 ê 假好、濟濟聖人殼，我想是任何有良心 ê 人 lóng ē-tàng 理解--ê，總--是，身為 1 个用音樂來捶烏豆 ê 歌手，i 本身 tī 歌詞 ê 文字，kap i 抗議上路尾 beh 達成 ê 目的 kám 有 sì-thīn，拙者 tī 聽歌了後，suah bē-khat-kin 產生懷疑。
咱 the̍h 阿弟仔 1 tè tsiann 出名，mā 真濟少年 gín-á 足 kah 意--ê：〈我無讀冊〉來做例，進一步來想看阿弟仔 ê 音樂目的是啥，koh，he kám 是無分有讀冊、無讀冊 ê 人 lóng tsiâu 想 beh ài ê 社會？
咱 the̍h 阿弟仔 1 tè tsiann 出名，mā 真濟少年 gín-á 足 kah 意--ê：〈我無讀冊〉來做例，進一步來想看阿弟仔 ê 音樂目的是啥，koh，he kám 是無分有讀冊、無讀冊 ê 人 lóng tsiâu 想 beh ài ê 社會？
〈我無讀冊〉tī 阿弟仔 ê 專輯--ni̍h ê 版本，kap i tī 外口表演--ê，有真大 ê tsing-tsha tī-leh，有 tsi̍t-kuá 現場演唱 ê 場合，歌手本人 tshiâng-tsāi 唱無幾句，kan-tann：「我 leh khàu pē、我 kiāu lah-sap 話、kàn lín 老師」tsit 幾句 leh huah kah 大細聲 niā-tiānn，若 beh 討論 hōo tsiâu-tsn̂g，uan-nā tio̍h kā i 專輯內面 ê 詞 kā the̍h 出來做伙看：
〈我無讀冊〉
我 leh khàu pē、我 kiāu lah-sap 話
〈我無讀冊〉
我 leh khàu pē、我 kiāu lah-sap 話
Lín『穿西裝、打領帶』，我咬齒 thok óo 鼻屎；lín『有禮貌』koh 兼 tuā-pān ，我烏白亂 phùi 痰；lín 啥 lóng-tsóng 名牌，我 ê lóng 是『路邊攤』，我凊凊彩彩我逍遙 khah 自在
（lī-hu-lián；重覆）我無讀冊，歹勢，歹勢
但是好佳哉，我無讀 kah 目 tsiu 青盲，看 khah ē 清 mā khah 詳細
A mā 好險，我無讀 kah 目 tsiu 青盲，khiā khah ē tsāi，mā khah 自然
Kiám -tshái ē hōo kài 濟人意外--ê，是拙者對歌詞--ni̍h tshoh-kàn-kiāu ê 部份並無啥物意見，阮語言政策 ê 先生講了真好：「地位愈 kuân ê 語言，用詞愈『thái-ko』！」先生 tsit 句話當然 bē-sái 照字面來解 sueh，請列位先想看 māi，咱看 Hollywood ê 影戲內底，不時「shit」、「bullshit」、「asshole」、「son of a bitch」、「fuck」‧‧‧‧‧kiāu 無 suah，m̄-koh，有 juā-tsē 人因為按呢感覺 in 講話「足」無衛生--無？Huān-sè m̄-nā 無濟，而且 koh 有人 lia̍h 講按呢生真 phiau-phiat，suà--lueh，ka-tī leh 講話 ê 時 mā ài-beh 學 hit-ê khuì-kháu，kám m̄ 是？
轉來看北 á 話，平平是講著「性」、「性器官」，m̄-koh suah 無 juā 濟人 ē 因為聽著『吊兒郎當』、『不想鳥你』、『好棒』、『真屌』tsiah-ê 話來 khi-moo-bái，是按怎？因為 diaglossia ê high language 本身 ê「正當性」kap「地位」，kā hiah-ê 語言內面 khah 無合 tī 一般社交期待 ê 話句 ê 地位 mā kā 提 kuân--a，也使用者 tsuann-á khah 無見忌（kiàn-khī），結果就是 tsiah-ê high language 素常 ê 使用者，相對的講話 ê 時顛倒是上無「修削」--ê。
Tsit-ê 現象 mā ē-tàng uì 台語 tī 早前 ê 社會--ni̍h ê 使用來得著證明。Khah 早有 ê 百姓人 tiānn-tiānn mā kā「kàn」、「kàn lín niâ leh」等等 tsit 款話 kânn tī 喙--ni̍h，m̄-nā siūnn 氣 ê 時，歡喜 ê 時 mā 講；m̄-nā 罵--人 ê 時，連 kā 人 o-ló mā beh sa 來做發語詞，tī hit-ê 語言環境 ē-kha，真少人 ē 感覺 in 有歹意，是按怎？Tse 若配合 hit-tang-tsūn 台語 ê 語言地位，tsham 北 á 話、英語現此時 tī 社會 ê 地位 sio 對比，kám m̄ 是真明？
也拙者用 tsit-ê 層面來看待阿弟仔 kā tshoh-kàn-kiāu 用 tī 歌詞 tsit-ê 做法，暫且按下 tse 對「改善」台語 ê 地位有應效--無，上無，咱 tshui 測 i 後 piah ê 動機是 ē-thang kā 支持--ê。
取 sio-siâng ê 思考來看，tsit tè 歌 ê 歌詞--ni̍h，包括行 pàng 穿 tshah 是「咬齒 thok óo 鼻屎」、「衫 á 褲 lóng 『路邊攤』」，或者是生活態度「凊凊彩彩逍遙 khah 自在」，拙者 lóng 無意見，事實上，拙者 leh 過日，某 tsi̍t-ê 程度 mā 合 tī 頭前 tsit 幾句 ê 「標準」，對無干涉公共利益（無包括想了久長過頭、哲學性 ê 利益）ê 社會「規範」kap「價值觀」，拙者 kāng 款真 tu̍h-lān tī-leh，m̄-koh，拙者對阿弟仔 the̍h「lín『有禮貌』koh 兼 tuā-pān ，我烏白亂 phùi 痰」來做對比，拙者就無法度納同--a。
想 beh kā 阿弟仔借問--tsi̍t-ē，i kā tsit-ê 社會捶烏豆 ê 目標，是 beh ài 1 个啥物款 ê 社會，iah 是阿弟仔是根本以「反社會」、「反統治」做目的？若咱 beh「逍遙 khah 自在」ê 手路，tio̍h 建立 tī「犧牲別人 ê 自由 kap 利益」tsit-ê 前提頂 kuân，並且 beh kap 維護「自由 ê 制限」ê 管理體制 pinn-pui̍h，suà--落-來，就是「大魚食小魚，小魚食蝦 pi」，到出尾，就是「ta̍k-ê 落水平平沉」，拙者看 bē 出，tsit 種「目標」有啥物價值 tī-leh？
1 月 29 早起，1 个中年人行過台北市承德路 ê 亭 á 跤，「khuâ」1 聲 phuì 1 糊痰 tī 亭 á 跤 ê 塗 kha，結果，hit 糊痰是 m̄ 是 tio̍h 等人店面開門了後，顧店 ê 人 gia̍h 掃手 kap 拖布來清？ Koh 若無清 leh，kám m̄ 免問 hit-ê 中年人 ê 痰「有清無清」，若無清來講，等痰 ta，細菌 kap 病毒飛入去某 mi̍h-ê 過路人 ê 鼻空內底，開始四界 uè，請問，tsit 款阿弟仔 kā 分類做「我無讀冊」ê 光榮行為，是有啥款偉大 ê 目的 beh tsiânn，啥人 beh 講來鼻芳看 māi？
Phuì 痰當然 mā thang kā 當做 1 件雞母相踏 ê 無要緊代，拙者舉 tsit-ê 例，kan-tann 是 beh 表現「無經過 khah 深層 ê 思考來行向完全”自私”（逍遙 khah 自在？）ê 結果，真有可能不知不覺就來 puânn 過抗議 ê 領域，結果，捶烏豆 ê 理想，不過是 teh tsiù-tsuā ta̍k-ê 死。」
人當然無定著有讀冊 ê 必要，m̄-koh 人 thài-thò ē-sái 無思考 ê 責任 leh（上低 ê 標準：m̄ 是 ka-tī 好就好），阿弟仔，你做 1 个「非主流」ê 抗議音樂工作者，是 m̄ 是有時 tsūn 為著 beh 煽動你 ê 聽眾（tse kap huān-sè 你所討厭 ê 商業音樂 ê 本質無啥無仝？），mā 暗 tsīnn-á leh am-khàm 你 ê 良心？你 kám m̄ 知，單純 ê 白賊並無 hiah 恐怖，是 hit 款 kā 好 kap bái、真 kap 假 thàu-lām ê 半真假 tsiah 有影不止驚--人（而且 ē 害--人），你 抗議 ê 話句若無 beh 三思（sàm-su），按呢，是 toh 位比鑽錢唯是 ê 商業音樂界 khah「自然」--a？Kiám-tshài tsit-lō thàu-lām 是 koh-khah 可惡 kám m̄ 是？
轉來看北 á 話，平平是講著「性」、「性器官」，m̄-koh suah 無 juā 濟人 ē 因為聽著『吊兒郎當』、『不想鳥你』、『好棒』、『真屌』tsiah-ê 話來 khi-moo-bái，是按怎？因為 diaglossia ê high language 本身 ê「正當性」kap「地位」，kā hiah-ê 語言內面 khah 無合 tī 一般社交期待 ê 話句 ê 地位 mā kā 提 kuân--a，也使用者 tsuann-á khah 無見忌（kiàn-khī），結果就是 tsiah-ê high language 素常 ê 使用者，相對的講話 ê 時顛倒是上無「修削」--ê。
Tsit-ê 現象 mā ē-tàng uì 台語 tī 早前 ê 社會--ni̍h ê 使用來得著證明。Khah 早有 ê 百姓人 tiānn-tiānn mā kā「kàn」、「kàn lín niâ leh」等等 tsit 款話 kânn tī 喙--ni̍h，m̄-nā siūnn 氣 ê 時，歡喜 ê 時 mā 講；m̄-nā 罵--人 ê 時，連 kā 人 o-ló mā beh sa 來做發語詞，tī hit-ê 語言環境 ē-kha，真少人 ē 感覺 in 有歹意，是按怎？Tse 若配合 hit-tang-tsūn 台語 ê 語言地位，tsham 北 á 話、英語現此時 tī 社會 ê 地位 sio 對比，kám m̄ 是真明？
也拙者用 tsit-ê 層面來看待阿弟仔 kā tshoh-kàn-kiāu 用 tī 歌詞 tsit-ê 做法，暫且按下 tse 對「改善」台語 ê 地位有應效--無，上無，咱 tshui 測 i 後 piah ê 動機是 ē-thang kā 支持--ê。
取 sio-siâng ê 思考來看，tsit tè 歌 ê 歌詞--ni̍h，包括行 pàng 穿 tshah 是「咬齒 thok óo 鼻屎」、「衫 á 褲 lóng 『路邊攤』」，或者是生活態度「凊凊彩彩逍遙 khah 自在」，拙者 lóng 無意見，事實上，拙者 leh 過日，某 tsi̍t-ê 程度 mā 合 tī 頭前 tsit 幾句 ê 「標準」，對無干涉公共利益（無包括想了久長過頭、哲學性 ê 利益）ê 社會「規範」kap「價值觀」，拙者 kāng 款真 tu̍h-lān tī-leh，m̄-koh，拙者對阿弟仔 the̍h「lín『有禮貌』koh 兼 tuā-pān ，我烏白亂 phùi 痰」來做對比，拙者就無法度納同--a。
想 beh kā 阿弟仔借問--tsi̍t-ē，i kā tsit-ê 社會捶烏豆 ê 目標，是 beh ài 1 个啥物款 ê 社會，iah 是阿弟仔是根本以「反社會」、「反統治」做目的？若咱 beh「逍遙 khah 自在」ê 手路，tio̍h 建立 tī「犧牲別人 ê 自由 kap 利益」tsit-ê 前提頂 kuân，並且 beh kap 維護「自由 ê 制限」ê 管理體制 pinn-pui̍h，suà--落-來，就是「大魚食小魚，小魚食蝦 pi」，到出尾，就是「ta̍k-ê 落水平平沉」，拙者看 bē 出，tsit 種「目標」有啥物價值 tī-leh？
1 月 29 早起，1 个中年人行過台北市承德路 ê 亭 á 跤，「khuâ」1 聲 phuì 1 糊痰 tī 亭 á 跤 ê 塗 kha，結果，hit 糊痰是 m̄ 是 tio̍h 等人店面開門了後，顧店 ê 人 gia̍h 掃手 kap 拖布來清？ Koh 若無清 leh，kám m̄ 免問 hit-ê 中年人 ê 痰「有清無清」，若無清來講，等痰 ta，細菌 kap 病毒飛入去某 mi̍h-ê 過路人 ê 鼻空內底，開始四界 uè，請問，tsit 款阿弟仔 kā 分類做「我無讀冊」ê 光榮行為，是有啥款偉大 ê 目的 beh tsiânn，啥人 beh 講來鼻芳看 māi？
Phuì 痰當然 mā thang kā 當做 1 件雞母相踏 ê 無要緊代，拙者舉 tsit-ê 例，kan-tann 是 beh 表現「無經過 khah 深層 ê 思考來行向完全”自私”（逍遙 khah 自在？）ê 結果，真有可能不知不覺就來 puânn 過抗議 ê 領域，結果，捶烏豆 ê 理想，不過是 teh tsiù-tsuā ta̍k-ê 死。」
人當然無定著有讀冊 ê 必要，m̄-koh 人 thài-thò ē-sái 無思考 ê 責任 leh（上低 ê 標準：m̄ 是 ka-tī 好就好），阿弟仔，你做 1 个「非主流」ê 抗議音樂工作者，是 m̄ 是有時 tsūn 為著 beh 煽動你 ê 聽眾（tse kap huān-sè 你所討厭 ê 商業音樂 ê 本質無啥無仝？），mā 暗 tsīnn-á leh am-khàm 你 ê 良心？你 kám m̄ 知，單純 ê 白賊並無 hiah 恐怖，是 hit 款 kā 好 kap bái、真 kap 假 thàu-lām ê 半真假 tsiah 有影不止驚--人（而且 ē 害--人），你 抗議 ê 話句若無 beh 三思（sàm-su），按呢，是 toh 位比鑽錢唯是 ê 商業音樂界 khah「自然」--a？Kiám-tshài tsit-lō thàu-lām 是 koh-khah 可惡 kám m̄ 是？
引用URL
http://cgi.blog.roodo.com/trackback/5268953
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
