<< 對人無向 | 回blog首頁 | 無讀冊 ê 榮光？ >>

January 27,2008

Tshiau 著 1 个台羅教學網站


Tailo kauhak bang
早起 leh 問牛五--a 代誌，無張持 suah tshiau 著 tsit-ê 教學網站，做 kah put-tsí-á lè-táu lioh，e-poo 無閒 suah 倒--來，koh 斟酌 kā giú uá 來相，tsiah 知是台中教育大學洪惟仁教授 kap 潘科元 in 做--ê，是講，親像做 kah tsiah 精工 ê 資源網站，nah ē ká-ná lóng 無人宣傳 leh（iah 是拙者失覺察？），網站內底有課文、呼音練習 hām thè-su̍h-toh ê gè-muh，若有人 beh 自修羅馬字，應該 thang 好好 á kā 利用。


過去 tsit 幾冬，政府是有補助做 tsi̍t-kuá-á 母語 ê 事工，是講，若無人 tàu 傳鑼，做 koh-khah 濟、koh-khah 好勢 mā 是 hē leh hōo pha 荒，按呢有影足拍損。


Posted by lausenghian at 樂多Roodo! │20:20 │回應(5) │引用(0) │語言
樂多分類：文字創作 工具：編輯本文
Ads by Roodo! 

引用URL

http://cgi.blog.roodo.com/trackback/5226325
回應文章
有啦，有啦! 阮攏嘛有佇偷學。^_^

進前是因為教育部猶未公佈「部頒字」，去冊店掀冊，先輩(せんばい)逐家的寫法攏無啥仝款，一時陣煞毋知欲聽啥的。(流珠淚)

自從公佈「推薦字」(我攏共號做「部頒字」，哈哈!!)了後，逐禮拜四我攏嘛會去看影片、逐禮拜五我嘛會去看台灣閩南語按呢寫佮台灣閩南語我嘛會，而且佇96年度台語文「朗誦」比賽內底，不但學了誠多「推薦字」，嘛看著足濟古早的故事的講，拄頭仔愛配音聽，後壁真緊就會通矣，因為本底我就定定講台語矣!!哈哈!!

即馬尚希望咱教育部佇520進前，會使出一本台語字典，哇!你敢知，全世界講閩南語的人，唯一kha台灣有統一用字的出現ne。哇哈哈!! 層次是到國家級發佈的，不是逐家家己寫家己的，看甲逐家攏「霧煞煞」的講。連新加坡嘛干單會曉講，無字，無學者辛苦ui閩南語本字研究出來，而且我看新加坡嘛無可能會有政府會去管這lo代誌。

除了「推薦字」之外，我嘛有看著小學台語老師寫的冊，規篇讀起來真紲喙，袂「卡到」，就掠準沒曲盤通聽，即馬嘛攏會曉唸矣!!足爽的啦!!

感謝咱的學者辛苦ui毋知當時就無去的漢字揣出來。感謝感謝教育部佇即个吵吵鬧鬧的八年予字有一个統一的標準。感謝逐家先輩共阮遮个序小牽教，予我即馬會曉用家己的母語佮文字來表達我的想法lo。

耶!!耶!!
Posted by midismilex at March 27,2008 22:00

midismilex，恭喜 ^Q^ 你 ê hit 種快樂，我會當深深了解，我相信 he 嘛是逐个學會曉母語書寫 ê 人共同 ê 心聲。
Posted by Taokara at March 27,2008 22:07
是講，從舊年出hiah-ê三百字了後，路尾敢有佫出？若是有，毋著趕緊共我偷講一下^Q^
Posted by limkianhui at March 27,2008 22:27
林桑，久仰噢。^^恁兜我有去參觀過矣，(莫驚著，我是講你的blog。^^)袂(禾+黑)唷。

阮遮這八年定定攏有人「上帝也瘋狂」(=(犭+肖)甲(⻊+百)上天)，所以彼種「表列式」的物件，著攏無矣，佳哉網路頂懸有老師佇寫文章，所以，阮著知影「部頒字」佇佗位矣。^^
Posted by midismilex at March 28,2008 14:24
midismilex, 汝的大名我taⁿ記牢（tiâu）囉！有閒chiah來坐～～
Posted by limkianhui at March 28,2008 22:37
  


回最上方