January 25,2008
仇恨 kap 偉大
是 toh-tsi̍t 本冊有寫講 tsit 世間上大 ê 力量是「恨」m̄ 是「愛」ah？我已經想 bē 起--來。恨確實真有力量無 m̄ 著，tī 短短 ê 時間就 ē-tàng 粒積像山崩地裂 ê 氣力，做 tsiânn tsē-tsē-tsē ê khang-khuè，m̄-koh 恨 ê 力量 lóng 有病尾 neh，he 病尾 ē tuè leh 造成 juā 大 ê 傷礙、koh ē 相連 suà juā 久，咱 kám 有影真知？
講按呢，ná-tshan-tshiūnn 拙者相信「愛」，其實 m̄ 是，我 tsi̍t 點 á 就無確定「愛」有 juā 濟氣力，mā 無確定「愛」ê 力量有 puânn 過「恨」--無，m̄-koh，我知影愛是 bē tài bái 尾 ê 好方頭，若 beh 揀藥，bē-īng 得無考慮 tsit 點 kám m̄ 是？
有 bē 少人透過激起「仇恨」ê 方式來爭取支持、粒積力量，in ê 目標 kiám-tshái 是 tio̍h--ê，m̄-koh hit 款見烏著 tak ê 思考是搶面前光 niā-tiānn，就準終其尾目標達成--a，he 屎尾是 siánn 人有才調收 suah？He 目標以外 ê 損 tn̄g kám 有人 ài 擔領？
我堅心支持台灣建立正常 ê 國家，m̄-koh，我反對用無分無會 kā 中國醜化、激起仇恨 ê 手路，中國 m̄ 是 1 塊 nuá kah tsiâu-ûn、kan-tann 1 款成份 ê 麵粉糊，中國就親像 tsit 世間任何 ê 國家 kāng 款，有好--ê mā 有 bái ê 部份；中國 ê 人 mā m̄ 是 suî-ê lóng uì 工場生產出--來、用模 á 印--ê、全無走 tsua̍h 一模一樣 ê 尪 á，若 beh 1 枝竹篙押倒 tsi̍t 船載，按呢做法 kap 惡質 ê 中國共產黨、中國國民黨有 siánn-mih 無仝？
用飛彈 kā 台灣對 tshian、hánn-heh beh 用兵 phah 我 ê 祖家台灣--ê，我定著 beh 用 tsit 條命 kap in 配！ M̄-koh hiah-ê 人 m̄ 是攏總 ê 中國人，咱 beh 起國，tio̍h 用愛 kap 希望：愛疼咱親愛 ê 土地、ǹg 望 ka-tī huānn 家做主、決定 lán ka-tī ê 運命，m̄ 是因為咱恨 hiah-ê 咱無法度 1 个 1 个熟似 kah 了 ê 1 陣人，hit 款做法行 bē 久長，mā 行無好尾。
講「久長」，就講著偉大，列位 mài 誤會，lia̍h-tsún 我頂 kuân 講--ê 是啥物「偉大」ê「理想」，無 tsiânn 就人生無價值、萬項平平沉，無 lah，久長來看、hē 千百冬 ê 長度來看，咱所 tì 意 ê 事事項項，有 toh-tsi̍t 項是偉大 kah 有夠額--ê？ 國家？母語？ 咱 phe 命 beh 維護--ê，tī 人類 ê 歷史、世界 ê 歲壽來看，到底有幾斤幾兩，beh 算做啥貨 leh？
Mài 誤會，誤會我是 1 个冷笑者、悲觀者（cynicist），我 kan-tann 是 beh kā ka-tī ê 眼光 khǹg tī 合 tī ka-tī 制限 ê khoo-á 內，我愛我 ê 祖家土地、我愛我 ê 母語文化，m̄-koh he 實在 bē 算做是啥款 thôo 皮起三尺 ê 係項，僅僅是因為我 uì 心內感覺著 hit 份感情、價值 kap 需要 niā-tiānn，koh 我相信任何人若 ē-thang 接受平濟 ê 資訊、經過 kāng 款 ê 思考，lóng ē 承認保護 ka-tī ê 母土、建立 ka-tī ê 國家、復振 ka-tī ê 母語有 juā-ni̍h-á 重要，總--是，tse bē-īng 得講是 siánn-mih 「偉大 ê 事業」，因為 tsi̍t-ē 超過 1 代、2 代、3 代 ê 人，tsiah-ê 就變做鳥 á 相咬 ê m̄-tsiânn 代--a，若用人類幾十萬冬 ê 歷史來看 leh、koh 人類 tsiah tī 宇宙（空間、時間）佔無千萬、億萬分一 kám m̄ 是？按呢想--起-來，tsiah-ê 代誌 kám 無像 báng-á 跤 that--著，有啥物「偉大」 thang 講？有啥物 thang 好 phín-phóng？
為著 beh 阻止敵人 lîng-tī 我 ê 親 tsiânn 朋友、兄弟姊妹，我甘願 ām 頸割斷、血水流 ta，he mā kan-tann 是因為 hit 當時目前 ê 情感 kap 正義，kap 因為我甘願、我感覺真價值。
Tī 曠闊無 kînn、久長無尾 ê 空間時間--ni̍h，拙者短短 ê tsit 世人、親像 tī 九降風--ni̍h 點蠟條 hiah 虛 lám ê 活命，kan-tann ài-beh 做目今自心肝 ínn-á 感覺「想 beh 做」、「有價值」iah「有意義」ê 代誌 niā-tiānn，beh 講 kah 啥物歷史留名、偉大理想，he lóng siunn 過 hau-siâu--a lah！
做 1 个例講 khah 歹聽 leh，賴和 sian--ê 死 beh 半世紀--a，tsiah hōo 人對重、紀念，請問 tse kap 賴和 sian 「i 本人」「tsit-má」kám 有 tī-tāi？（咱 hòng 兼 m̄ 知 i 現此時按怎、狀況如何 leh）Koh 再講，賴和 sian--ê 按怎進步 kap 付出，對 tann 大多數愚圖無知 ê 台灣百姓，kám 有啥物不得了 ê 啟發 kap 影響？程度 juā 大？Mài 騙鬼 bē 食水--a lah！！！
M̄-thang 誤會 oh！拙者 m̄ 是 leh 否定賴和 sian ê 貢獻，拙者單純是 beh 講：hit 款「久長」ê 偉大，在拙者來看，是 tsi̍t 點 á 就 bē siânn--人，khah 輸現此時、tsit-tia̍p-á ê 感覺 kap 理路。
所以，若人 ê 刀銃 tu 來 tī 你 ê 面頭前--a，為著無愛 tuè 尾加 tī ka-tī kap 同胞身上 ê 侮辱 kap 艱苦，當然甘願赴死；若其他 ê 理想 leh！？Heh，拙者 beh 講：「he 是公家 ê--ê lah！」母語是公家 ê，m̄ 是我 ka-tī-ê，若通台灣一千外萬母語 ê 主人無 juā 濟人 beh ti̍h tsit-ê 母語，我 suah beh 為母語放 sak 性命，按呢，我在水是 a-tá-mah khōng-ku-lí，無，就是 1 个 siáu--ê！
所以，母語運動 m̄ 是 beh phe 命 ê 「偉大理想」，mā m̄ 是 beh 求名聲（m̄ 管是在生 iah 往生了後）ê ke-si，做母語運動，足單純足單純 kan-tann 是因為我真愛真愛我 ê 母語，感覺因為 i ê 價值，有責任來保護--i、復振--i niā-tiānn，tse kap 別項拙者感覺「真 kah 意」、「想 beh 做」、「有價值」ê 代誌 sio-siâng，無本質的 ê tsing 差 tī-leh。
也拙者無按算 beh 為著「母語」兩字創 kah 弄家散宅、phah 歹身體、或者是氣身惱命，koh-khah 無應該是因為「仇恨」人無 kā 母語看 tī 目地，所以 beh the̍h 命 kap in 配。（自然的 ē 有我私人「感覺」值得弄家散宅 ê 起致，免人來教，mā 教無路來）
傳道書寫講：
「天下萬般 lóng 有伊 ê 期，萬項事 lóng 有伊 ê 時。有出世 ê 時，有死 ê 時；有栽種 ê 時，有拔出所栽種--ê ê 時；有 thâi 死 ê 時，有醫好 ê 時；有拆毀 ê 時，有起造 ê 時；有啼哭 ê 時，有好笑 ê 時；‧‧‧‧‧我知從中無 1 項 khah 好 tī 一生快樂，koh 行好‧‧‧」
拙者 tsit-ê 有 mā 好、無 tō thài ê kioh-siàu，tsit-ê 全無按算 beh 變做「偉大」 ê 人，tī 宇宙萬物、從古以來、從 tann 了後親像 1 粒 ing-ia ê 存在，tī 目今 iáu 活 leh teh 喘氣 ê tsit-ê 歇寒，除去做母語運動，koh 想 beh 好好 á 讀句法學 ê 冊來準備後學期 ê 課；想 beh 讀日文小說、練習日語聽力、兼學 tsi̍t-kuá-á 法語；tsiah-ê lia̍h 外，mā 想 beh ke 做 kuá thán-phak sak 起（push-up），看身軀 ē khah sok-kiat--無；想 beh 行足濟路，想 beh sì-kuè 看看 lau-lau leh‧‧‧‧‧‧tse 1 項 1 項，無有 toh-tsi̍t 項比 toh-tsi̍t 項 khah 重要，tī 拙者 ê 心內，窮實是欠任何 1 項 lóng ē 不止 á 遺憾，mā 絕對無想 beh 為著 toh-tsi̍t 項去付出 tsuann-á 犧牲別項，因為，hiah-ê lóng 平平是自身感覺「想 beh 做」、「歡喜做」iah「有價值」ê 事，m̄ 是相欠、mā m̄ 是義務。
Beh 收 suah heh 筆--a，kui-ê 來講，仇恨 kap 偉大，1 个是 mài kha̍p khah 好，1 个是有影好笑，m̄ 免舞來去倒，舞 kah hue-kô-kô。
有 bē 少人透過激起「仇恨」ê 方式來爭取支持、粒積力量，in ê 目標 kiám-tshái 是 tio̍h--ê，m̄-koh hit 款見烏著 tak ê 思考是搶面前光 niā-tiānn，就準終其尾目標達成--a，he 屎尾是 siánn 人有才調收 suah？He 目標以外 ê 損 tn̄g kám 有人 ài 擔領？
我堅心支持台灣建立正常 ê 國家，m̄-koh，我反對用無分無會 kā 中國醜化、激起仇恨 ê 手路，中國 m̄ 是 1 塊 nuá kah tsiâu-ûn、kan-tann 1 款成份 ê 麵粉糊，中國就親像 tsit 世間任何 ê 國家 kāng 款，有好--ê mā 有 bái ê 部份；中國 ê 人 mā m̄ 是 suî-ê lóng uì 工場生產出--來、用模 á 印--ê、全無走 tsua̍h 一模一樣 ê 尪 á，若 beh 1 枝竹篙押倒 tsi̍t 船載，按呢做法 kap 惡質 ê 中國共產黨、中國國民黨有 siánn-mih 無仝？
用飛彈 kā 台灣對 tshian、hánn-heh beh 用兵 phah 我 ê 祖家台灣--ê，我定著 beh 用 tsit 條命 kap in 配！ M̄-koh hiah-ê 人 m̄ 是攏總 ê 中國人，咱 beh 起國，tio̍h 用愛 kap 希望：愛疼咱親愛 ê 土地、ǹg 望 ka-tī huānn 家做主、決定 lán ka-tī ê 運命，m̄ 是因為咱恨 hiah-ê 咱無法度 1 个 1 个熟似 kah 了 ê 1 陣人，hit 款做法行 bē 久長，mā 行無好尾。
講「久長」，就講著偉大，列位 mài 誤會，lia̍h-tsún 我頂 kuân 講--ê 是啥物「偉大」ê「理想」，無 tsiânn 就人生無價值、萬項平平沉，無 lah，久長來看、hē 千百冬 ê 長度來看，咱所 tì 意 ê 事事項項，有 toh-tsi̍t 項是偉大 kah 有夠額--ê？ 國家？母語？ 咱 phe 命 beh 維護--ê，tī 人類 ê 歷史、世界 ê 歲壽來看，到底有幾斤幾兩，beh 算做啥貨 leh？
Mài 誤會，誤會我是 1 个冷笑者、悲觀者（cynicist），我 kan-tann 是 beh kā ka-tī ê 眼光 khǹg tī 合 tī ka-tī 制限 ê khoo-á 內，我愛我 ê 祖家土地、我愛我 ê 母語文化，m̄-koh he 實在 bē 算做是啥款 thôo 皮起三尺 ê 係項，僅僅是因為我 uì 心內感覺著 hit 份感情、價值 kap 需要 niā-tiānn，koh 我相信任何人若 ē-thang 接受平濟 ê 資訊、經過 kāng 款 ê 思考，lóng ē 承認保護 ka-tī ê 母土、建立 ka-tī ê 國家、復振 ka-tī ê 母語有 juā-ni̍h-á 重要，總--是，tse bē-īng 得講是 siánn-mih 「偉大 ê 事業」，因為 tsi̍t-ē 超過 1 代、2 代、3 代 ê 人，tsiah-ê 就變做鳥 á 相咬 ê m̄-tsiânn 代--a，若用人類幾十萬冬 ê 歷史來看 leh、koh 人類 tsiah tī 宇宙（空間、時間）佔無千萬、億萬分一 kám m̄ 是？按呢想--起-來，tsiah-ê 代誌 kám 無像 báng-á 跤 that--著，有啥物「偉大」 thang 講？有啥物 thang 好 phín-phóng？
為著 beh 阻止敵人 lîng-tī 我 ê 親 tsiânn 朋友、兄弟姊妹，我甘願 ām 頸割斷、血水流 ta，he mā kan-tann 是因為 hit 當時目前 ê 情感 kap 正義，kap 因為我甘願、我感覺真價值。
Tī 曠闊無 kînn、久長無尾 ê 空間時間--ni̍h，拙者短短 ê tsit 世人、親像 tī 九降風--ni̍h 點蠟條 hiah 虛 lám ê 活命，kan-tann ài-beh 做目今自心肝 ínn-á 感覺「想 beh 做」、「有價值」iah「有意義」ê 代誌 niā-tiānn，beh 講 kah 啥物歷史留名、偉大理想，he lóng siunn 過 hau-siâu--a lah！
做 1 个例講 khah 歹聽 leh，賴和 sian--ê 死 beh 半世紀--a，tsiah hōo 人對重、紀念，請問 tse kap 賴和 sian 「i 本人」「tsit-má」kám 有 tī-tāi？（咱 hòng 兼 m̄ 知 i 現此時按怎、狀況如何 leh）Koh 再講，賴和 sian--ê 按怎進步 kap 付出，對 tann 大多數愚圖無知 ê 台灣百姓，kám 有啥物不得了 ê 啟發 kap 影響？程度 juā 大？Mài 騙鬼 bē 食水--a lah！！！
M̄-thang 誤會 oh！拙者 m̄ 是 leh 否定賴和 sian ê 貢獻，拙者單純是 beh 講：hit 款「久長」ê 偉大，在拙者來看，是 tsi̍t 點 á 就 bē siânn--人，khah 輸現此時、tsit-tia̍p-á ê 感覺 kap 理路。
所以，若人 ê 刀銃 tu 來 tī 你 ê 面頭前--a，為著無愛 tuè 尾加 tī ka-tī kap 同胞身上 ê 侮辱 kap 艱苦，當然甘願赴死；若其他 ê 理想 leh！？Heh，拙者 beh 講：「he 是公家 ê--ê lah！」母語是公家 ê，m̄ 是我 ka-tī-ê，若通台灣一千外萬母語 ê 主人無 juā 濟人 beh ti̍h tsit-ê 母語，我 suah beh 為母語放 sak 性命，按呢，我在水是 a-tá-mah khōng-ku-lí，無，就是 1 个 siáu--ê！
所以，母語運動 m̄ 是 beh phe 命 ê 「偉大理想」，mā m̄ 是 beh 求名聲（m̄ 管是在生 iah 往生了後）ê ke-si，做母語運動，足單純足單純 kan-tann 是因為我真愛真愛我 ê 母語，感覺因為 i ê 價值，有責任來保護--i、復振--i niā-tiānn，tse kap 別項拙者感覺「真 kah 意」、「想 beh 做」、「有價值」ê 代誌 sio-siâng，無本質的 ê tsing 差 tī-leh。
也拙者無按算 beh 為著「母語」兩字創 kah 弄家散宅、phah 歹身體、或者是氣身惱命，koh-khah 無應該是因為「仇恨」人無 kā 母語看 tī 目地，所以 beh the̍h 命 kap in 配。（自然的 ē 有我私人「感覺」值得弄家散宅 ê 起致，免人來教，mā 教無路來）
傳道書寫講：
「天下萬般 lóng 有伊 ê 期，萬項事 lóng 有伊 ê 時。有出世 ê 時，有死 ê 時；有栽種 ê 時，有拔出所栽種--ê ê 時；有 thâi 死 ê 時，有醫好 ê 時；有拆毀 ê 時，有起造 ê 時；有啼哭 ê 時，有好笑 ê 時；‧‧‧‧‧我知從中無 1 項 khah 好 tī 一生快樂，koh 行好‧‧‧」
拙者 tsit-ê 有 mā 好、無 tō thài ê kioh-siàu，tsit-ê 全無按算 beh 變做「偉大」 ê 人，tī 宇宙萬物、從古以來、從 tann 了後親像 1 粒 ing-ia ê 存在，tī 目今 iáu 活 leh teh 喘氣 ê tsit-ê 歇寒，除去做母語運動，koh 想 beh 好好 á 讀句法學 ê 冊來準備後學期 ê 課；想 beh 讀日文小說、練習日語聽力、兼學 tsi̍t-kuá-á 法語；tsiah-ê lia̍h 外，mā 想 beh ke 做 kuá thán-phak sak 起（push-up），看身軀 ē khah sok-kiat--無；想 beh 行足濟路，想 beh sì-kuè 看看 lau-lau leh‧‧‧‧‧‧tse 1 項 1 項，無有 toh-tsi̍t 項比 toh-tsi̍t 項 khah 重要，tī 拙者 ê 心內，窮實是欠任何 1 項 lóng ē 不止 á 遺憾，mā 絕對無想 beh 為著 toh-tsi̍t 項去付出 tsuann-á 犧牲別項，因為，hiah-ê lóng 平平是自身感覺「想 beh 做」、「歡喜做」iah「有價值」ê 事，m̄ 是相欠、mā m̄ 是義務。
Beh 收 suah heh 筆--a，kui-ê 來講，仇恨 kap 偉大，1 个是 mài kha̍p khah 好，1 个是有影好笑，m̄ 免舞來去倒，舞 kah hue-kô-kô。
引用URL
http://cgi.blog.roodo.com/trackback/5156825
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
