雙倒水別莊

Tsa-poo gín-á 穿短衫短褲做頭前 tsông--入-來，褲是烏 kap 白 kau-tshap ê 花草，衫 ńg-á 是紅--ê，hit-lō 紅，是過年時 á teh 年 té lui ê lok-á ê 色水，真 hiánn 目 tī-leh。 

I tsông 去 kah hē 雞蛋糕 ê 冰櫃頭前，手 kí--leh kí--leh，用北 á 話 hiàm 講：「我 beh 食 tse！我 beh 食 tse！」腔口怪怪，m̄-koh 聽 bē 出來是 toh 位 ê 腔口。

In a 母 tuè 來到位，sûi 出 tshùi kā tòng，「食飯飽 tsiah ē-sái 食！」

Gín-á 無 tshap in 母--a，無張 tî 走來坐 tī khàun-tah 頭前 ê 我 tsit 桌。

「Tsó sí sò-moh？」（這是什麼？） Gín-á 手 kí 我已經 lim ta ê ka-pi au-á 問--我。

「Ka-pi--a！」我 sûi kā ìn，gín-á 鴨 á 聽雷，he 表情 bē-su 頭 tsi̍t-pái tī 台灣聽著台灣話，i tshùi peh ha-ha 出聲：「Hânn？？？」

「Tse ka-pi--a！」我面 á 笑笑，猶原好禮 kā ìn。 

我想，若 tsún i khah 大漢--淡-薄-a，kiám-tshái ē 想講去 tú 著「怪 sū-sû」，有影我真怪孽，對人無所求 ê 時，全無按算 beh 放棄我講我 ka-tī 母語 ê 權，對 gín-á koh-khah 是 án-ne，對 ka-tī ê tsa-bóo-kiánn koh-khah 在水 tio̍h án-ne。

Tshenn-hūn koh 無家教 ê gín-á，nah 有可能順 i ê 話 ìn 話？！ 

Koh-tsài 講，直直看 ka-tī 寫 ê mi̍h-kiānn，看 kah siān kah．．．心情無 leh juā giang，koh khah bē-giàn 去 koo-tsiânn siánn-lâng。

「Tse ka-pi--a！　你 kám beh koh 請我 lim--1-杯？」

（真無家教，tann hiu koh ai，kui 間店 ê 厝 kuà kiōng-beh 掀--去 ="=）