雙倒水別莊

浮沙--ni̍h

Phi 白 huan-mua ê 大水 káu-hiā

長篙圓 青 ê U-ZET zeppelin

Lóng 拖我 bē 贏

起--來！起--來！

吊 tī 活 kúi-á ē-kha ê pōng-tsí

Iau-kúi-kúi 浮沙 ê tsia̍h-mi̍h

有老人老步定 ê 萬年修行

大水 káu-hiā 無 hiah tio̍h 急

帶 khí-thoo-sàng¹khōng--ê hit kāng-tsi̍t-lō 表情

我 sìm--leh sìm--leh

Phah-khoo-á 馬² ê slow motion

聽無樂暢 ê 歌聲

Nah 知 ûn-ûn-á suh--入-去 ê 沙 ē 出聲

親像太平洋--ni̍h ê tsiâm 水艇

車葉 á 緊轉

Khuà 幾 ā 百公尺厚 ê tshùi-am

話句 hue-kô

Lop-lop 無明

「手借--你，kha tsih 力踏--lueh！Thang liòng 出死 ê 掌心！」

話句 hue-kô

Lop-lop 無明

出力 tsàm tsi̍t-ê

Suah 沉著 jú 緊

是沙底 hip-tiâu--leh

Hit-ê 往擺 ê 我

Hiàm 我去做伴

Ah！Nā 沙淹過鼻 khang

實實是因為反背 ka-tī

Tio̍h 去做堆 kap 做 1 ê

Tshùi kâm kah 全沙

話句 hue-kô

Lop-lop 無明

「Nóng-jóng úi-ê？」³

¹ chitosan

² merry-go-round

³ Lóng-tsóng 幾 ê？