雙倒水別莊

Tsa-boó gín-á 雄雄 ùi 邊 á khîⁿ 來 kā tsa-poo gín-á 攬--leh，對老師講：「Mái kā 罵--lah，人心 ē 疼--neh。」

老師 sīm tī hia，過一 khùn-á tsiah 知應：「無，你 bē-hiáu 等--leh 陪 i 留 tī 內底，無乖，bē-sái 出去 tshit-thô。」

2-ê 4 歲 gín-á tsiah 無 leh kā 老師 sìn-táu，ē-poo 時間，gín-á 兄 gín-á 姊 kui 陣 tī 外口 tshu-tsio̍h-liu、坐 khōng-khiàu-pang、hàiⁿ-kong-tshiu、騎 lo̍k-kho̍k 馬，in oān-nā tuè leh 走--出-去。tsa-poo gín-á kin-á-ji̍t m̄-tsai toh 位 ê 神經線 sio-phua̍h，liâm-mi tō koh kiān 乖，老師氣 phut-phut 走來到位，對頭 kā jiáng。

Tsa-boó gín-á 無張無 tî khiā 來 tī 老師面頭前，直直 kā 相，相足久，講：「你 mài hiah-ni̍h 歹--好-無，你 kám m̄ 知 án-ne ē 去 kā i 驚--著？」

Tsa-boó gín-á 對 tsa-poo gín-á ê 心意如何，lán thang 看另外 1 件，he 是有一工，tsiah 4 歲 tō 愛 kah 轟轟烈烈 ê tsa-boó gín-á in a 姑來看--i，phah 笑 khue 假 iàⁿ kā khoó 勸：「你 hit-ê 男朋友無通--lah，食飯攏 ài 人飼，你後擺 kám beh 飼 i 食飯？　我看，換--1-ê khah 好勢--lah！」

Tsa-boó gín-á 面--ni̍h 是鐵板不移 ê 款式，目 tsiu 對直看 in a 姑，āng 聲kā 應：「我 bô-ài！」

Tse 攏總 ê 故事，hoō 我想著 1 條歌 ê 歌詞，sió 改--tsi̍t-ē tō ē 真 bā-sà：

～愛情 ê 力量，細漢囝 á mā ē 變英雄～     -_______-"