September 27,2006 12:08

扑人喝救人


因為消息是 tī 《聯合報》 ê 頭頁,所以我無法度即時確定 che 是 m̄ 是事實(M̄ 是我有偏見,是 chit 份報紙往過 ê 記錄去損蕩 in ka-tī ê 信用),nā 準 chit-ê 消息 是事實,án-ne 我有影真不滿段宜康等人 ê 言論。

簡捷講,報紙頂 koân 所寫段--先-生 ê 意見是:「面浸桶主席游錫堃發表『中國人糟蹋台灣人』等言論,伊 beh tī 面浸桶中執會提案,要求黨 ê 政治人物發言 bē-sái 對逆『族群決議文』ê 精神。伊 koh 講面浸桶是 tī 無考驗 ê 情況來通過族群決議文,現此時是考驗 ê 時陣,外界 ē-tàng 檢驗 che 到底是面浸桶 ê 策略運作或者是真心 ê 信仰。」


Ku 怪--ah,原來咱台灣 ê 族群是分做「中國人」kap「台灣人」--oh,我 nah 一直掠準咱 ê 族群是「Hō-ló」、「客家」、「新住民」、「Pangcah」、「Cou」、「Puyuma」、「Paiwan」、「Atayal」.....等等--leh?


「中國人」kap「台灣人」kám m̄ 是「國家認同」ê 層次?Nā 觀看咱四箍輪轉 ê 親晟朋友,咱 koh ē-tàng 真清楚看著:「國家認同 kap 族群身份 是相透濫,無一定 ê 關係--ê」,有足儕 「Hō-ló 人」講 ka-tī 是「中國人」,mā 有「新住民」kan-taⁿ 講 ka-tī 是「台灣人」,chiah-ni̍h 簡單 ê 代誌,段--先-生 soah 看 bē 曉?


Tī 面浸桶 《族群多元國家一體決議文》 內底,確實是有講著「中華民國認同」ê 部份,m̄-koh 我無啥愛信講,段--先-生 ē m̄ 知「中華民國」kap「中國」tī 語言上有啥物精差;tī 國際法 ia̍h 法律上是一件代誌,nā mài kā 「中國」hām 「中華文化」 chit 款文化意義 sio 濫來 thiau-tî tìⁿ 戇,實際上,有出過國 ê 人,有國際觀 ê 人,無可能 m̄ 知「中國 / China」tō 是「中華人民共和國 / PROC」ê 基本語意。


Tī 《族群多元國家一體決議文》--ni̍h,現現寫講:「國家認同應建立在公民意識基礎上:經由民主化建立國家主權後,台灣已無外來統治問題,只有如何共同抵抗外來併吞的挑戰。國家認同應建立在並肩保衛民主成果、攜手開創台灣經驗的『公民意識』上,超越『省籍意識』。本黨深切體認並承擔此一典範移轉的歷史責任。」我相信連 gín-á mā 看 ē 出--來,決議文 ê 本義 tō 是強調「國家認同」khah koân 過「族群各樣」,mài koh kā 「往過 ê 歷史罪行」kap「國家認同」hām 「族群分 phēⁿ」koè 做夥,koh nā beh 「共同抵抗外來併吞的挑戰」,「國家認同」是絕對 bē-ēng-tit 閃辟 ê 議題,是定著 ài 去討論 kap liú-la̍k ê 大代誌。


進一步來講,游錫堃明明是 teh 強調「國家認同」kap「外敵介入」已經變做 chit-chām-á 政治運動 ê 重要因端--ah,是 án-choáⁿ 段--先-生 beh kā 硬拗做「族群議題」,m̄ 知段--先-生是「先」扑人才來喝救人,ia̍h 是頭殼 gông-gông 想了無真?


當然任何人攏 ē-sái 去批評游錫堃 tī chit 時陣去 lā 「國家認同」ê 問題,hō· 代誌 koh khah 複雜,策略 m̄-tio̍h,m̄-koh nā 有人講「國家認同」bē-sái 討論 bē-sái 去講,koh 硬 beh kā 「國家認同」議題花做「族群問題」,án-ne chit 款人有影真無良心!

  • 您可能有興趣:

    Chávez kap 莊國榮 - 無 tī-tāi XD
    lausenghian 發表於樂多回應(3)引用(0)政治編輯本文
    樂多分類:文字創作切換閱讀版型 │昨日人次:0 │累計人次:525

    引用URL

    http://cgi.blog.roodo.com/trackback/2200655

    回應文章
    究真講,面浸桶確實無 kā che 決議文 ê 精神 kiâⁿ--chhut-來,無才,今 á 日 lán ê 母語 bē iáu teh 做新婦仔,《語言平等法》mā bē iáu hông 囥 tī 冰庫。

    總--是有人嫌欠一味猶無夠,koh beh 順紲 kā 國家認同精神 mā kā bú hō·爛,che 有影 hō· 人真 tu̍h-lān ="=
    | 檢舉 | Posted by Taokara at September 27,2006 14:03
    我一點都不懷疑段宜康會講這種鬼話啊.........
    | 檢舉 | Posted by bigburger at September 27,2006 17:37
    為何無米樂的崑濱伯要 ( 修行 ) 到老 ?
    有人四五十就月退俸領終生 ?

    發生於1949年的「澎湖七一三山東煙台聯合中學校長及學生白色恐怖事件
    台灣人別傻了, 那些受害者後來還有補償金. 也被平反.
    後來也當了軍公教, 變國民黨的加害者.
    多少台灣228 白色恐怖的受害者連找工作念書都不行!! ( 連政治迫害族群待遇都差很多 ! )
    高俊明牧師女兒因為高牧師美麗島事件被判刑, 竟然被學校開除!!

    中國黨E 上兆E 錢坑法案欲過LO!
    恭喜中國人, 過年後就有三百萬紅包可領!!
    民進黨再壞, 也不會亂開支票, 只照顧單一族群.

    為何有人還在講中國人( 外省人 ) 也是台灣人 ?
    但是中國黨每擺只照顧中國人 ?
    本底排華就是世界攏發生e .
    台灣人自己莫明其妙包容中國仔( 外省人 ) 幾十年.
    韓國本來也是有真多中國人, 因為過去e排華措施大部份被趕到台灣來.(台灣人加衰e, 替韓國養中國人)
    台灣人如果無早一日認清台灣只有族群問題, 無政黨問題, 台灣只有繼續作中國兮殖民地.
    謝長廷如果擱落選, 河文客文網站可能有一日e 變作非法網站.

    台灣人如果欲探討族群問題, 應該先去看外國E作法.
    台灣E中國人尚愛講韓國經驗, 其實韓國就是排華尚厲害E國家. 二次大戰爆發, 美國加拿大懷疑日本移民是間諜. 將日本移民全部關起來. ( 雖然日本移民全部是合法申請 ) 結果確實無發生任何日本間諜事件.
    照中國人( 外省人 ) E 紀錄看來, ( 屈兆康威脅用刺刀殺阿扁, 軍人參加紅杉軍, 319 買槍作槍E ), 加上中國對台灣E 武力威脅 ) 台灣人是唔是應該放棄過去E天真想法, 參考外國E經驗 ?
    | 檢舉 | Posted by TAIWAN at January 19,2008 10:39