雙倒水別莊

捷運電車--ni̍h，有 1 ê 車廂內，窗 á kap 天房中間光 khu̍t-khu̍t， 1 張廣告紙 to 無，「原來有 tsit-lō 車廂，」王抱撤 oan-nā 看 oan-nā 想，「無人huah 賣 ê 擔 á，無有交關 ê 市場，無色無芳 ê 花蕊，無意無意 ê 蜜 phang。」

伊講：「你 lia̍h-tsún 你愛 tio̍h 天使，窮實你是 teh 崇拜 1 隻猴 san-á。」

Said, "You think you love an angel; It's a monkey you adore."

（《El Ingenioso Hidalgo Don Quijote de la Mancha》；第 1 部第 11 章〈Antonio ê 情歌〉；V.T. Lâu 台譯 ；John Ormsby 英譯）

想講 tsit 幾工 kah tann，應該是偷點 tú kah put-tsí 明--a，tsing 差無 kā tsa-bóo gín-á siōng 尾 he tsi̍t-sut-sut-á ê pì-sù mā kā teh--lueh，nah 知 pha̍k kah 烏 mà-mà ê 面馬 ē-kha，1 粒心是白 sih-sih ê 海面堅 tāng，做風 koh 吹 kah án-tsuánn tshenn 狂，mā oh 得起 íng，hòng-kiam，lia̍p-sī 29 度 ê 暗暝，tī 流汗 kap CK one 透 lām ê 氣味--ni̍h，柑 á 色 ê bué-ia̍h-á，用 6 ki ná 頭 mn̂g hiah iù ê 長 kha，tiàm 冰角 kuân 頂 khuann-khuann-á、ûn-ûn-á 跳舞。

屬 tī tòo-sàng ê 日子到--a，我明明知 iánn i 並無欠--siánn，koh 我 mā m̄ 知 tio̍h 送--siánn tsiah bē 親像 the̍h 豆干孝媽祖，想來去倒，尾--a 猶原是買 1 ê 6 吋 ê 雞蛋糕 tńg--去（我 kap a-pah a-bú 3 ê 人食 iáu 嫌 siunn 大--leh）。

I 開 tshùi 就是暗暝 ê 大車路邊，烏 huánn ê 雨亭 á 跤，無等人搖頭吐大氣，liam-pinn 佔講：「mài 感覺奇怪，mā mài 來 jû 講：iū-koh 是 án-ne ê 場景。因為 tio̍h-ài tsit-lō 時 tsūn tsiah 會想東想西想 m̄ 知好停。」