雙倒水別莊

讀冊讀兩點鐘，中 tàu tú 過，看天烏陰烏陰，離考試 khah 無兩禮拜--ah，會煩惱--無？Bē--leh，若是 beh 去考 hit-lō 代先 tō 知 iáⁿ ē tiâu tī 壁頂--ê，心--ni̍h tsāi-tsúi 是放外外，全無 tshioh 皮--tio̍h。

Hah! Guá khí-huan--ah, guá kìⁿ-nā khí-huan, 10 tâi gû-tshia mā thua guá bē iâⁿ.

Ū-tang-sî-á tō-sī "khi-móo-tsih" ê būn-tê, "khi-móo-tsih" ê āu-piah, ū guá ka-tī ê lí-lōo tī-leh, it tō-sī it, jī tō-sī jī, 100 tâi hué-tshia-bóo mā khiú guá bē kiâⁿ.

Voyu khí-gōng-bīn ê sî-tsūn, iáu tài Atai ê khuán-sek, m̄-koh Voyu sī guā nńg lāi ngē, kap Mentos tú-hó tò-píng！  XD

講--起-來我是 án-ne 想--ê：有 tsi̍t-kuá 作家 ê 冊根本 m̄ 免 tshui 薦，tsit 款作品，阮 tsit-lō hōo-puè tshap-tshùi ài 人緊去買，有淡薄 á 三八假親 tshiang。

拙者相信顛倒是 ta̍k-ê 對母語文學有心 tàu ê 人，ē ka-tī 不時注意出版 ê 消息。比論：陳明仁、清文、陳雷 t.t 作家 nā 有出冊，tse kám tio̍h 我 tsit 款 kioh-siàu 來鼓吹 @_____@"  Tō-tsún 放伴 mā 無我 ê 額 kám m̄ 是‧‧‧‧‧Tsiah-ê 人 ê 作品 m̄ 讀，nah 有可能？

樓 kha 大門頂禮拜貼 1 張知單--出-來，意思真簡單：「tuà tī 4、5 階 ê 人 tio̍h khah 有 tsām-tsat--leh，because the Big Brother is watching you！」

第一句 ê「夜間 10 後」是我看 suah ê 頭 1 ê 問題，北 á 話來讀：kiám-tshái 是「表音文字」，也就是「夜間時候」ê「koh 樣表達」，m̄-koh 我相信寫 ê 人無 tsiah-ni̍h tuè 時行，khah 大面是「點」tsit 字漏勾，án-ne 來講，「暗時 10 點進前做 lín 吵無要緊，暗時 10 點過，你 kā 『lín 祖媽』／『lín pē』吵看 māi--leh，我食 tshìn 飯等--你！」  Ngh，我足驚--ê。

A. Hōo 立法委員林益世

今 á 日食暗飽看 tsi̍t-ē-á 電視新聞，看 tio̍h 你 the̍h 教育部 tsit-chām-á 公告 ê 「台灣閩南語常用漢字 (一)」leh 譬相教育部長，台灣有 tsi̍t-kuá 立法委員 phàⁿ 蟳無膏、講話 phīng 大聲早 tō m̄ 是「新聞」--a，m̄ 知是按怎媒體 kāng 款 beh 報，轉來 kah 厝了後，我 kan-taⁿ 想 tio̍h 1 件 tāi-tsì：ē 記得進前準備考試 ê 時，有讀黃宣範教授 ê 1 本冊，hit 本冊內底 siōng-kài 心適--ê，除去別國 ê 語言現象 kap 政治，koh 來 tō 是黃教授引 bē 少 khah 早「a-tá-mah khōng-ku-lí」ê 立法委員 leh 審查法案 iah 質詢 ê 時講 ê 「hâu-siâu 話」。

人 siān-siān，無 beh ke lô-so，好 khang 報 ta̍k-ê 知，有興趣--ê thang ka-tī tsiūⁿ 網、寫電子批 iah 是 khà 電話問 hōo詳細。

【金枝演社新戲】
 

2007年首演《浮浪貢開花 part 2》