2007-2 月份文章 顯示方式:簡文 | 列表

February 28,2007

Koo-tuann


孤單 親像車輪 ē-kha ê 餅 iù-á Tshi-tshi tsho̍k-tsho̍k  有 kauh kah 碎 kôo-kôo ê 聲
...繼續閱讀

Posted by lausenghian at 23:15回應(3)引用(0)心內話

Candide 摘讀 (二)


(志文 1998-4 華文版 koh 台譯)


【p.167-168】

經過 ta̍k 款 ê 災 eh 了後,Candide kap i ê 愛人結婚,hām Pangloss、Martin tsit 兩 ê 哲學家、以及 精工 sè-jī ê Cacambo、老 tsa-bóo-lâng sann-kap 生活,ta̍k-ê tiānn-tio̍h ē 想講 i ùi 古早 Inca 族 ê 國家 tsah hiah-ni̍h tsē suān 石轉--來,日子一定暢樂無 tè 比。窮實 i hōo 猶太人 tsi̍t 擺 koh tsi̍t 擺 hóo-sai 了後,tshun--ê kan-tann 是 tsit-tè 細細 tè-á ê 土地 niā-tiānn。Tsi̍t-kang tsi̍t-kang ná bái ê 牽手 jú 來 jú 雜唸躁暴,老 tsa-bóo-lâng 因為行動無方便,性地 koh khah pháinn 過 Cunégonde。Cacambo 作田,去 Konstantinople 街-ni̍h 賣菜,oan-nā 不時為著 sit 頭重氣 tshuah-tshuah。Pangloss beh tī 德國大學出名 to 無望--ah。Nā Martin--leh,i 知影 m̄ 管去到 toh,歹運 lóng ná 司公 á tshiūnn-pue tuè-tiâu-tiâu,m̄-tsiah i 萬事 thun-lún。Candide、Martin kap Pangloss 3-ê 人三不五時為哲學 kap 道德問題車盤無 suah。
...繼續閱讀

Posted by lausenghian at 11:54回應(10000)引用(0)哲學

February 27,2007

轉貼《母語中國》


Ioksin 的公民議事廳 看 tio̍h tsit 篇,無意外,因為拙者 mā bat 去中國出張,親身行 tī in 人 ê 中間聽 in tsih-tsiap,tsūn in ê 電視台看 in ê 節目,kah 尾--ah suah ē 欣羨 in ê 母語環境;進前暗光鳥 mā 有 tshuē-tio̍h 中國國務院批准 ê 1 份調查,調查結果:「中國 kan-tann 一半 ê 人 ē-hiáu 講普通話。」


雖然 uan-nā 有中國朋友埋怨 in ê 母語 hōo 華語洗--去,一來二去,我猶原 beh 講:「中國國民黨真正是寄生 tī 台灣 ê 糞埽!」母語 tsit 方面來講,國民黨造業有影無人 ē 比 phīng。


Ke 話 mài 講,請 ta̍k-ê 讀 ioksin ê 文章:
...繼續閱讀

Posted by lausenghian at 23:55回應(0)引用(0)語言


重要 ê 日子,我 suah 關 tī 私領域 ê 內籬 á,筆無才調 uá 去 kap 土地、人民 tàu-tīn。
...繼續閱讀

Posted by lausenghian at 23:04回應(0)引用(0)心內話

冰刻 ê 玫瑰


Tsi̍t-ē 看
是用冰雕刻 ê 玫瑰
驚愛情 ê 熱氣
畏相攬 ê 溫度
愛戀 ê 手 nā tshun
Tio̍h thun-lún 冷風來 liô
親像 kuânn--人 ê 半暝
雄雄開門 tsih-tsiap ê 艱苦
...繼續閱讀

Posted by lausenghian at 22:00回應(0)引用(0)心內話

February 25,2007

茹唸


Íng-kuè,我無法度了解,是 án-tsuánn 人 tio̍h ka-tī lām 入去 kui 大陣人內底,hōo 耳 khang 內全是人聲、音樂,我 ài tiām,ài kap khah 親 ê 人做夥 tō 好,無,mā beh ka-tī 1-ê tsīng-tsīng-á 看冊、寫 mi̍h-kiānn、想代誌。
...繼續閱讀

Posted by lausenghian at 20:50回應(1)引用(0)心內話

勇敢壯膽莫得驚


tsang ok-jin
自來,阻擋 hōo tsi̍t-kuá 人 lik-tánn,m̄-koh 顛倒 hōo 另外 tsi̍t-kuá 人氣力粒積;in ná áu-bân-áu-tak,我 ná beh kap in 抵敵到出尾!


勇敢壯膽莫得驚!
...繼續閱讀

Posted by lausenghian at 15:27回應(0)引用(0)心內話

Candide 摘讀 (一)


(志文 1998-4 華文版 koh 台譯)


【p.68】

老 tsa-bóo-lâng:我有 bat 有 100 擺想 beh 自殺,總--是 m̄ 管 án-tsuánn,我猶原 kā 性命疼心心,無的確 tsit 款離經 ê nńg-tsiánn,tō tú-tú 是 lán 人類上慘悲 ê 1 種慣勢!Kám iáu 有比 tse koh khah 愚圖 ê 代誌--leh?原底應該歡歡喜喜 kā hìnn-sak ê 重擔,suah 用熱性 kā 繼續 pháinn tī 身軀頂,原底應該討厭 ê 性命,suah la̍k-tiâu-tiâu;1 隻 beh 敗害--人 ê 毒蛇,suah kan-kan-á beh kā 疼惜,一直 kah 上尾,tsuann-á 連心 mā 去 hōo i 食--去。
...繼續閱讀

Posted by lausenghian at 14:52回應(0)引用(0)哲學

February 24,2007

Candide 讀冊感想 (一)


Beh 講 Siōng-tè 為 tio̍h mài sûi 做平正、徹底 ê 審判,tsiah hōo 罪惡 kap 苦痛存在,繼續發生,tse kiám-tshái iáu ē 通,m̄-koh nā beh 支持 ka-tī ê 話 tú ka-tī ê tshùi ê kàu-huē、kàu-tiâu phah 第一 ê kàu-huē、用 hi-ké 當水洗浴、用 pe̍h-tsha̍t 做油抹頭殼 ê kàu-huē,he 是穢惡 Siōng-tè。
...繼續閱讀

Posted by lausenghian at 22:52回應(0)引用(0)哲學

核爆了後 ê 照る照る坊主


I 吊 tī 窗 á 門 tsheh-khùi
The-lu-the-lu-boo-tsu
心是碎 kôo-kôo ê 棉 á
...繼續閱讀

Posted by lausenghian at 17:18心內話
 [1]  [2]  [3]  [最終頁]