2006-3 月份文章 顯示方式:簡文 | 列表

March 30,2006

He 咁是咱 ê 田園?


In hoah-kóng: iau-siū--oh! Taⁿ koh ū lâng bô beh seh lán kah-ì ê bûi-tan--ah, thiⁿ-tē-boé--ah-oh!
Mā ū lâng ai-kóng: nah ē-sái pàng-goā-goā, in án-ne chò chin put-bêng! Lán tio̍h kín lâi kā tûi-o·-tāu.


怹喝講:夭壽--oh!今閣有人無欲撒咱 kah 意 ê 肥丹--ah,天地尾--ah-oh!
嘛有人哀講:nah 會使放外外,怹按呢做真不明!咱著緊來 kā 捶烏豆

...繼續閱讀

Posted by lausenghian at 13:25回應(0)引用(0)語言

心思掠袂定--ê!


Án-ne lán chiū í-keng m̄-sī gín-á, bē koh siū khi-phiàn-chiá ê kàu-gī éng-hióng, chhin-chhiūⁿ hō· hong chhoe-lâi chhoe-khì, toè pho-lōng phiau-liû. Chiah-ê khi-phiàn-chiá ēng in khó-àn chhut--lâi ê khúi-kè lâi ín-iú lâng hoān chhò-gō·.
按呢咱就已經毋是囡仔,袂閣受欺騙者 ê 教義影響,親像予風吹來吹去,綴波浪飄流。Chiah-ê 欺騙者用怹考案出--來 ê 詭計來引誘人犯錯誤。
--Pó-lô kià hō· Í-hut-só·-lâng ê Phe 4:14--保羅寄予以弗所人 ê 批 4:14
...繼續閱讀

Posted by lausenghian at 11:16回應(5)引用(0)政治

March 28,2006

暗時七點外兮一齣戲


Àm-kong-chiáu ê Chhù khoàⁿ-tio̍h Tainanjen Kio̍k-thoân beh koh ēng Tâi-gí chò-hì ê siau-sit, sûi àn-sn̍g beh koàⁿ khì Tâi-lâm khoàⁿ.
暗光鳥 ê 厝看著台南人劇團 beh koh 用台語做戲 ê 消息,隨按算 beh 趕去台南看。
...繼續閱讀

Posted by lausenghian at 0:01回應(3)引用(0)文化

March 26,2006

我 ê 空冇 kap 驚惶



Eng 暗,又 koh 是 hit 款空冇(khang-phàⁿ) kap 驚惶,對心內直直 chhèng 倒出--來,tō 親像 1 ê 墨水 ê 水泉,烏色 ê 水湧 kā 我 ê 心肝 íⁿ-á 注 kah 滿墘。
...繼續閱讀

Posted by lausenghian at 22:03回應(4)引用(0)心內話

March 23,2006

人已經知反省 咱猶 teh 顧烏人

Cha-hng tī pò-choá téng-koân khoàⁿ-tio̍h chit-ê siau-sit, kóng Hân-kok í-keng kā Chheon To·-hoan (全斗煥) kap No The-u (盧泰愚) 2-ê chêng chóng-thóng chāi-lāi ê 176 ê lâng phoàⁿ-hêng, koh koat-tēng kā chìn-chêng hō· in ê hun-chiong cháu-siau, in hō· hoat-īⁿ phoàⁿ kóng ū choē ê in-toaⁿ sī: 1980-nî Kong-chiu (光州) sū-kiāⁿ, ēng kun-tūi tùi jîn-bîn chò bú-le̍k tân-ap.
昨昏佇報紙頂峘看著即兮消息,講韓國已經共全斗煥佮盧泰愚兩兮前總統在內兮一七六兮人判刑,閣決定共進前予怹兮勳章走消,怹予法院判講有罪兮因端是:一九八○年光州事件,用軍隊對人民做武力彈壓。
...繼續閱讀

Posted by lausenghian at 23:43回應(6)引用(0)政治

March 18,2006

抵手 (稿二-3)


法院有去 hām 無去實在無精差,Hang-kho· in pâ tī 被告席,看 he 法官目睭 he-he,m̄-bat gia̍h 目看伊一擺,到底是有 teh 聽無 teh 聽,有影看攏無路。
...繼續閱讀

Posted by lausenghian at 21:47回應(4)引用(0)講古

March 16,2006

伊來著攏真青狂,喝來就來,予人袂辦胚--得,有時陣來是佇三更半暝,有時陣是人當 teh 走車碌路,總講一句,伊攏袂曉替人想,我甚至僥疑,伊定定是 thiau-kang 揀人都合袂抵好才趕--來-ê。
I lâi-tio̍h lóng chin chheⁿ-kông, hoah lâi tō lâi, hō· lâng bē pān-phoe--tit, ū-sî-chūn lâi sī tī saⁿ-keⁿ poàⁿ-mê, ū-sî-chūn sī lâng tng teh cháu-chhia le̍k-lō·, chóng kóng chi̍t-kù, i lóng bē-hiáu thè lâng siūⁿ, goá sīm-chì giâu-gî, i tiāⁿ-tiāⁿ sī thiau-kang kéng lâng to·-ha̍p bē-tú-hó chiah koáⁿ--lâi-ê.
...繼續閱讀

Posted by lausenghian at 0:06回應(10)引用(0)罔話

March 12,2006

三月初八軍隊起山

二二八已經過 beh 兩禮拜--ah, 紀念 ê 活動,攏親像 kan-taⁿ 集中 tī 二二八 hit-chi̍t 工,窮實 tī 我來看,二二八事件內,慘 kah 無天無理 ê 代誌,差不多攏 m̄ 是 tī 二二八來發生--ê,雖然軍隊 tī 二二八了後頭chi̍t-ê 禮拜 tō 已經 tī 街路--ni̍h 銃殺百姓人,總--是大胚模 ê 屠殺 kap 針對台灣人 ê 大粒株殘殺 ê 行放,ē-sái 講是一九四七年三月初八,軍隊對基隆 kap 高雄起山了後起掔--ê。
228 í-keng kòe beh 2 lé-pài--ah, kì-liām ê oa̍h-tōng, lóng chhan-chhiūⁿ kan-taⁿ chi̍p-tiong tī 228 hit-chi̍t-kang, khêng-si̍t tī goá lâi khoàⁿ, 228 sū-kiāⁿ lāi-té, chhám kah bô thiⁿ bô lí ê tāi-chì, chha-put-to lóng m̄-sī tī 228 lâi hoat-seng--ê, sui-jiân kun-tūi tī 228 liáu-āu thâu-chi̍t-ê lé-pài tō í-keng tī koe-lō·--ni̍h chhèng-sat peh-sèⁿ-lâng, chóng--sī toā-phoe-bô· ê tô·-sat kap chhiam-tùi Tâi-oân-lâng ê toā-lia̍p-lu chân-sat ê kiâⁿ-pàng, ē-sái kóng sī 1947-nî 3-goe̍h chhe-8, kun-tūi tùi Ke-lang kap Ko-hiông khí-soaⁿ liáu-āu khí-khiàn--ê.
...繼續閱讀

Posted by lausenghian at 21:35回應(4)引用(0)228 - 毋通袂記得

March 7,2006

An Hour of Unrequited Love-1


Chit 幾工 liâm-mi 寒 liâm-mi 熱,全無照理路,春天 tō 準生成是後母面,後母 mā 罕得有 chiah-ni̍h-á 無定著--ê。

王抱徹 對辦公大樓行--出-來,看見雨 mî-á 趁日頭落山,lóng chông chông 出來 teh 摔後炮,有影真 chheh。
...繼續閱讀

Posted by lausenghian at 23:47回應(4)引用(0)心內話

歷史上「華人」第一金監督?



本文是 薰衣草之海:
史上「華人」第一金導? ê Hō-ló 翻譯,感謝原作者授權。

抵才中晝食飯 ê 時陣,看 tio̍h CNN 播出 Oscar 頒獎 ê chi̍t-koá 消息。看 tio̍h Crash the̍h-tio̍h 「上好 ê 影片」,心內浮--出-來 ê 問題是:Brokeback Mountain--leh?李安 kám 有 tio̍h 獎?想 beh 解決 chit-ê 疑騃(gî-gâi)上好 ê 方式 tō 是:choān 去看台灣 ê 新聞台。
...繼續閱讀

Posted by lausenghian at 0:49回應(8)引用(2)文化
 [1]  [2]  [最終頁]