May 20,2006
走閃會社 (第 5 pha)
Hit 暗，tng Lena 身軀洗好，換穿粉紅 á 色正綢 (chiàⁿ-tiû) ê 睏衫，the tī 客廳 hit-liâu 6 百萬、Italia 進口 ê phòng 椅頂 koân，用日本原裝、一片 5 千 kho· ê 面帕 (cosmetic mask) ù 面做保養 ê 時，花枝--ê 走來 chhoē--伊，使用人看是 Lena ê 中人，choaⁿ-á 無 kā tòng，hō· 伊過通關直接入來 kah 客廳。
花枝--ê thiau-tî kek hō· 面 á 憂憂，行入去客廳 ê 時，thó·氣 pûn-hāiⁿ kan-taⁿ 驚人聽無。
「Goá lí chhàu-leng-tai--leh！你是按怎？He-ku giâ--起-來-ah-sìm？無代無誌喘 kah 大細聲。」Lena sió-khoá thiám-thiám，ài-beh 1-ê 人 tiām-tiām-á 歇睏，看花枝--ê 來 kiáu 擾，出 chhùi tō 無好聲 sàu。
花枝--ê koh thó· chi̍t 口氣，對 kha-báng jîm chi̍t-thah 紙--出-來，講：「Lena，我是 teh 替你煩惱--neh，你 chiah-ê siàu 是 beh 按怎 la̍p ē 清。」伊看 Lena 無反應，koh 講--loeh，「我算 hō· 你聽--lah，chit 個月買車 ê 貸款計共 ài la̍p 40 萬，你 chit-má teh the chit-liâu phòng 椅 iáu 欠人 100--leh，nā 林--先-生 hia 頂個月買衫賒數 ê 錢，月底 kám m̄ 免還--人-sìm，我 iáu-bē 講 lán 欠柯--sàng 半冬 ê 數項(siàu-hāng)--leh，taⁿ 1 個月 koh 過--ah-neh，koh 有‧‧‧‧‧」
「Goá lí chhàu-leng-tai 你是 teh 哭 pē--oh！」Lena 無等伊講 soah，sûi 對 phòng 椅頂跳--起-來，mā 無顧 ka-tī teh ù 面帕，大聲 tō kā lé，「花 á 玉珊！Lín 娘無 ài 聽你講 chiah-ê 五四三--ê-lah，goá lí chhàu-leng-tai--leh，chín 是幾點--ah，等--leh 我 koh beh 去 chhoē 朋友跳舞 lim 燒酒--leh，你上好 mài 來影響我 ê 心情 我 kā 你講！」
花枝看伊起歹，kui 腹火 choaⁿ-á giâ--起-來，「陳小珍！你有影七月半鴨 á m̄ 知死--neh！Lín 娘是好心 kā 你苦勸--neh，你聽 hō· 詳細，月底你 nā chông 無 5 百萬，你 chit 間厝，你 hit 10 台車，tō lóng beh hō· 銀行收收--去-ah-lah，koh 柯--sàng hit 款人你 iā 敢欠？我做中人 chiah 久--ah，iáu m̄-bat 看過你 chiah gâu 開--ê，舊年 3 千外萬 ê 收入，koh ē bú kah 無夠你用！ 」
Lena 無 beh chhap--伊，做伊行去樓頂，花枝--ê 心狂火 to̍h，大聲 hoah 講：「陳小珍，你是聽有 ia̍h 無？月底你 tō 無厝 thang toà--ah-lah，到時陣報紙 hām 雜誌 ē 按怎寫--你？寫講奢華（chhia-hoa）女星倒 siàu 走路，柯--sàng nā kā 你 hiah-ê bē 見得人眾 ê 相片 hām 故事賣 hō· 《意周刊》，我看啥人 beh 買你 ê 曲盤？啥人 beh chhoē 你 phah 廣告？到時你 tō 知死！做乞食 tō hông 嫌！」
Chit 步有事使 (sū-sái)，Lena 樓梯行一半 choaⁿ-á 停--落-來，頭 lê-lê 輕聲細說問講：「taⁿ 是 beh 按怎才好？」
花枝--ê 看 chit 聲使過面 (sái-koè-bīn)--ah，即時換 1 ê 笑面，「來，來 chia 坐，lán 來參詳，做夥想辦法。」
等 Lena 坐來 tī 邊 á，花枝 koh 伸手假好心替伊 kā jiâu--去 ê 面帕整理 hō· 好勢，chiah khoaⁿ-khoaⁿ-á 講--loeh。
「Lena，我的實真替你煩惱--neh，想看 māi，做你 ê 中人，你 ê 成功 tō 是我 ê 成功--ah，我 nah 有可能目 chiu 金金看你 chai--loeh。」花枝--ê 用雙手 kā Lena ê 正手 gīm--leh，koh 講，「m̄-koh eng 暗我 ē 來 chia，當然是已經替你 chhoē 有路--ah。」
聽著花枝--ê 按呢講，Lena ê 目 chiu kui-ê 金--起-來，bē-su 注水 beh 死 ê 人去 chang-tio̍h 1-tè 柴 kho·。
「按呢--lah，柯--先-生 beh 替你清 chiah-ê siàu，kan-taⁿ 要求你做 1 件代誌。」
「Sím-mi̍h 代誌？」
「Gōng gín-á，明 á 暗去草山麗緻 toà--1 暗 tō 好，有 幾 ê-á 柯--sàng ê 朋友 ē 去 hia 過暝，aih，橫直 hit 款代誌 iā bē 減你 1 塊肉--ah！看 khah 遠--leh，你 chit 關 nā ē 得 thang 過，koh ke 出 幾張 á 唱片，辦幾場 á 演唱會，接幾支 á 廣告 ê khe-suh，到時 kho·-kho·-á tō thàn bē 了，開 bē 去--ah！牙齒根咬--leh，lún--chi̍t-ē，tō ē-tàng 換幾 ā 冬 ê 大光景！」
Lena 原底 tō m̄ 是 sím-mi̍h 端莊流麗 ê 淑女，chi̍t-ē 聽講 hām 人睏 1 暝 tō ē-tàng 解決 chiah-ni̍h chē 代誌，koh 繼續過伊蘇爽 ê 日子，che iā tio̍h koh 考慮，m̄-koh 伊猶原假 hit 號 無 tā-oâ 兼 pì-sù ê 面腔，無講話，kan-taⁿ tàm 頭。
「Goá lí chhàu-leng-tai--leh！你是按怎？He-ku giâ--起-來-ah-sìm？無代無誌喘 kah 大細聲。」Lena sió-khoá thiám-thiám，ài-beh 1-ê 人 tiām-tiām-á 歇睏，看花枝--ê 來 kiáu 擾，出 chhùi tō 無好聲 sàu。
花枝--ê koh thó· chi̍t 口氣，對 kha-báng jîm chi̍t-thah 紙--出-來，講：「Lena，我是 teh 替你煩惱--neh，你 chiah-ê siàu 是 beh 按怎 la̍p ē 清。」伊看 Lena 無反應，koh 講--loeh，「我算 hō· 你聽--lah，chit 個月買車 ê 貸款計共 ài la̍p 40 萬，你 chit-má teh the chit-liâu phòng 椅 iáu 欠人 100--leh，nā 林--先-生 hia 頂個月買衫賒數 ê 錢，月底 kám m̄ 免還--人-sìm，我 iáu-bē 講 lán 欠柯--sàng 半冬 ê 數項(siàu-hāng)--leh，taⁿ 1 個月 koh 過--ah-neh，koh 有‧‧‧‧‧」
「Goá lí chhàu-leng-tai 你是 teh 哭 pē--oh！」Lena 無等伊講 soah，sûi 對 phòng 椅頂跳--起-來，mā 無顧 ka-tī teh ù 面帕，大聲 tō kā lé，「花 á 玉珊！Lín 娘無 ài 聽你講 chiah-ê 五四三--ê-lah，goá lí chhàu-leng-tai--leh，chín 是幾點--ah，等--leh 我 koh beh 去 chhoē 朋友跳舞 lim 燒酒--leh，你上好 mài 來影響我 ê 心情 我 kā 你講！」
花枝看伊起歹，kui 腹火 choaⁿ-á giâ--起-來，「陳小珍！你有影七月半鴨 á m̄ 知死--neh！Lín 娘是好心 kā 你苦勸--neh，你聽 hō· 詳細，月底你 nā chông 無 5 百萬，你 chit 間厝，你 hit 10 台車，tō lóng beh hō· 銀行收收--去-ah-lah，koh 柯--sàng hit 款人你 iā 敢欠？我做中人 chiah 久--ah，iáu m̄-bat 看過你 chiah gâu 開--ê，舊年 3 千外萬 ê 收入，koh ē bú kah 無夠你用！ 」
Lena 無 beh chhap--伊，做伊行去樓頂，花枝--ê 心狂火 to̍h，大聲 hoah 講：「陳小珍，你是聽有 ia̍h 無？月底你 tō 無厝 thang toà--ah-lah，到時陣報紙 hām 雜誌 ē 按怎寫--你？寫講奢華（chhia-hoa）女星倒 siàu 走路，柯--sàng nā kā 你 hiah-ê bē 見得人眾 ê 相片 hām 故事賣 hō· 《意周刊》，我看啥人 beh 買你 ê 曲盤？啥人 beh chhoē 你 phah 廣告？到時你 tō 知死！做乞食 tō hông 嫌！」
Chit 步有事使 (sū-sái)，Lena 樓梯行一半 choaⁿ-á 停--落-來，頭 lê-lê 輕聲細說問講：「taⁿ 是 beh 按怎才好？」
花枝--ê 看 chit 聲使過面 (sái-koè-bīn)--ah，即時換 1 ê 笑面，「來，來 chia 坐，lán 來參詳，做夥想辦法。」
等 Lena 坐來 tī 邊 á，花枝 koh 伸手假好心替伊 kā jiâu--去 ê 面帕整理 hō· 好勢，chiah khoaⁿ-khoaⁿ-á 講--loeh。
「Lena，我的實真替你煩惱--neh，想看 māi，做你 ê 中人，你 ê 成功 tō 是我 ê 成功--ah，我 nah 有可能目 chiu 金金看你 chai--loeh。」花枝--ê 用雙手 kā Lena ê 正手 gīm--leh，koh 講，「m̄-koh eng 暗我 ē 來 chia，當然是已經替你 chhoē 有路--ah。」
聽著花枝--ê 按呢講，Lena ê 目 chiu kui-ê 金--起-來，bē-su 注水 beh 死 ê 人去 chang-tio̍h 1-tè 柴 kho·。
「按呢--lah，柯--先-生 beh 替你清 chiah-ê siàu，kan-taⁿ 要求你做 1 件代誌。」
「Sím-mi̍h 代誌？」
「Gōng gín-á，明 á 暗去草山麗緻 toà--1 暗 tō 好，有 幾 ê-á 柯--sàng ê 朋友 ē 去 hia 過暝，aih，橫直 hit 款代誌 iā bē 減你 1 塊肉--ah！看 khah 遠--leh，你 chit 關 nā ē 得 thang 過，koh ke 出 幾張 á 唱片，辦幾場 á 演唱會，接幾支 á 廣告 ê khe-suh，到時 kho·-kho·-á tō thàn bē 了，開 bē 去--ah！牙齒根咬--leh，lún--chi̍t-ē，tō ē-tàng 換幾 ā 冬 ê 大光景！」
Lena 原底 tō m̄ 是 sím-mi̍h 端莊流麗 ê 淑女，chi̍t-ē 聽講 hām 人睏 1 暝 tō ē-tàng 解決 chiah-ni̍h chē 代誌，koh 繼續過伊蘇爽 ê 日子，che iā tio̍h koh 考慮，m̄-koh 伊猶原假 hit 號 無 tā-oâ 兼 pì-sù ê 面腔，無講話，kan-taⁿ tàm 頭。
引用URL
http://cgi.blog.roodo.com/trackback/1639308
回應文章 
第 4 段「我 iáu-bē 講 lán 欠柯--sàng 半冬 ê 所費--leh」，改做「我 iáu-bē 講 lán 欠柯--sàng 半冬 ê 數項--leh」。「所費」是講「費用」、無 tō 是「無對價關係 hō·人開 ê 錢」，用 tī chia khah 無合。
第 7 段「寫講奢華（chhia-hoa）女星倒 siàu 走人」，改做「寫講奢華（chhia-hoa）女星倒 siàu 走路」；印象內底是有聽人講「走人」，m̄-koh 先生講毋著，而且字典嘛查無，應該是「走路」才著。
第 9 段「liam-mi 換 1 ê 笑面」，改做「即時換 1 ê 笑面」，「liam-mi」是「等--chi̍t-ē」ê 意思，有過 chi̍t-sut-á 時間，chia 應該用「即時」、「隨」khah 合插。
第 7 段「寫講奢華（chhia-hoa）女星倒 siàu 走人」，改做「寫講奢華（chhia-hoa）女星倒 siàu 走路」；印象內底是有聽人講「走人」，m̄-koh 先生講毋著，而且字典嘛查無，應該是「走路」才著。
第 9 段「liam-mi 換 1 ê 笑面」，改做「即時換 1 ê 笑面」，「liam-mi」是「等--chi̍t-ē」ê 意思，有過 chi̍t-sut-á 時間，chia 應該用「即時」、「隨」khah 合插。
Posted by 2006-06-06 刪正記錄
at June 6,2006 15:59
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
