April 16,2006
抵手 (稿四-3)
「隨人過隨人 ê 日子，」倫正心內想講，「聽--起-來真怪奇，m̄-koh 古早翁 á 某 mā chiâⁿ 儕按呢--ê -ah！」
「作穡人無算，一般百姓人是 khah 無 hiah 儕交陪 chih-chiap ê 活動，mā 無 thang 有厝宅揀位各滯，m̄-koh khah 早 hiah-ê 王公貴族，toh-chi̍t-ê m̄ 是隨人有隨人 ê poâⁿ-noá kho·-á，nā 翁 á 某 beh 見面著 koh 代先約時間--leh；夫人步平 khiā 別莊，公爵 (kong-chiok) 滯 tī 官宅內；皇帝 hām 皇帝娘 koh-khah 是隨人有家己 ê 宮殿睏間--leh！」倫正有想著 Anna Karenina 內底寫--ê，hiah-ê 俄羅貴族生活 ê 情形。
「按呢算 sím-mi̍h 翁 á 某？翁 á 某 nā bē-tàng 同行同命，koh tio̍h 為 che 身分來守節，
khah 輸一世人守孤身！」
倫正 ná 想，tō 想 tio̍h 伊已經 hiah-ni̍h 久無 hām 雅姿好好 á 講著話--ah，nā 見講攏是「時間、地點、啥人、有--無」 chit 款確定代誌 ê 應答，兩 ê 人真正致意 tī 心--ni̍h-ê，che 千外 ê 日子隨人所 phah-tah--ê，歡喜--ê、艱苦--ê、向望--ê、giám-siâu--ê，對方差不多 beh 毋知半項--ah。Koh khah 有 chi̍t 項：倫正自細漢老 pē tō 過身，bat 過過 hit 款弄家散宅、khiā 人門戶 ê 日子，無 a-pah ê thiàⁿ-thàng，a 母 koh 為著生活 ta̍k 工拖命做工做 kah 真暗，伊表面上個性真 chám-choe̍h、真有主見，bē 輸天崩--落-來， 伊 mā théng 好用手骨 kēng--leh，窮實 kan-taⁿ hit 幾 ê-á 真正了解伊 ê 人才知影，伊是 1 ê 真無安全感 ê 人，伊真驚 tiàm tī 暗眠摸 ê 所在，nā 伊 1 ê 人行 tī 路--ni̍h，看 he 車駛 kah 緊緊、來來去去，就有夠 hō· 伊 sió-khoá 懍懾 (lún-neh)--ah。
倫正 睏 ê 時，nā 無 睏坦 phak，無 tō ài 坦 khi 倒 moh 被 才睏 ē ka-choē，he 實在是因為伊 hām a 兄才精差兩歲，soá 去 moh in a 兄有影有 khah 歹勢，koh nā a 母轉來 chiūⁿ 眠床 定定 mā 是翻點了後 ê 代誌，伊罕得等有 a 母 thang khîⁿ-oá--過，moh--leh，穩心 á 睏 ka-choē。
Tú 結婚 hit 陣 á，伊上蓋歡喜 ê 1 件代誌，tō 是有人睏 tī 伊 ê 身軀邊，伊 ê cha-bó·-lâng，伊性命內底至親至愛 ê 人（上無 hit-tang 陣是 按呢想--ê），ta̍k 暗，身軀洗好，衫褪--leh，peh chiūⁿ 眠床，頭殼才 ù 著枕頭，伊第一件代誌，永永是隨 soá 過 kā 雅姿 moh-tiâu-tiâu，雅姿總是 ài kā kha-chiah-phiaⁿ n̍g--伊，注重伊家己 ê 睏眠，m̄-koh 有 chi̍t-ê chheⁿ 真真、燒 lō-lō ê 伴 thang moh leh 睏，倫正已經真滿足--ah。
總--是，伊已經想無啥 ē 起--來，雅姿對啥物時陣開始，ē tī 伊 khîⁿ-oá 過 kā moh ê 時，kā tu--開，嫌伊 ài kā 人 moh kah hiah ân，嫌伊 gâu chak--人。
伊明明 ē 記得 chi̍t 起 khiàn m̄ 是按呢--ê。
眠床頂，雅姿坦 khi 倒睏 tī hit 旁頭，倫正對棉 chioh 被 ē-kha n̍g 雅姿 oá--過，伊看 bē 著雅姿 ê 面，m̄ 知伊是 m̄ 是已經睏入眠，暗靜 á，伊 kā 倒手 siâm tī 雅姿 ê 腹肚邊，正手伸對頷 á 頸邊 nn̍g--過，歸 ê 人 chhek-oá，面 ù tī 雅姿 ê 頭 mn̂g，鼻 á ná 鼻 ná 出力 suh 氣，伊愛雅姿獨獨有 ê 氣味，喙 jiáu ná chim ná tī 伊 ê 頷頸 hām 長長 ê 頭 mn̂g chhéng--leh chhéng--leh，胸坎 tah-oá tī 伊 ê kha-chiah 後，ē-keh 粘 oá tī 伊 ê 尻川頭，倒手 khoaⁿ-khoaⁿ-á nng 入去雅姿 ê 衫--ni̍h，對腹肚 liâu-liâu-á so--起-lih，倫正想 tio̍h 歸 ê 頭殼 hîn 車車，ē 半身 ngē-piⁿ-piⁿ，bē 輸伊 chín tō tī hit 某 chi̍t-ê 暗暝，對雅姿 ê 後壁面，tu 來 tī 伊 ê kái 邊。
M̄-chiah ē tng 伊無張持看著雅姿對同學會轉--來，行入房間，裙穿短短，hiàn 出 ē 腿 hām 一半 ê 頂腿，面 á 粉紅 á 粉紅，淺黃無 ńg ê 洋裝伸--出-來 hit 兩支手 hām 短裙 ē 面親像白玉雕琢 ê kha 腿、身軀 ê 彎線像春天早起時 khûn 過 chi̍t 粒 chi̍t 粒青 lèng-lèng ê 山頭，he 清 uaiⁿ-uaiⁿ ê 溪水，伊 choaⁿ-á 失去控制，親像踏 thut poa̍h 轉去到往早 ê 暗暝。
倫正 ná 想，tō 想 tio̍h 伊已經 hiah-ni̍h 久無 hām 雅姿好好 á 講著話--ah，nā 見講攏是「時間、地點、啥人、有--無」 chit 款確定代誌 ê 應答，兩 ê 人真正致意 tī 心--ni̍h-ê，che 千外 ê 日子隨人所 phah-tah--ê，歡喜--ê、艱苦--ê、向望--ê、giám-siâu--ê，對方差不多 beh 毋知半項--ah。Koh khah 有 chi̍t 項：倫正自細漢老 pē tō 過身，bat 過過 hit 款弄家散宅、khiā 人門戶 ê 日子，無 a-pah ê thiàⁿ-thàng，a 母 koh 為著生活 ta̍k 工拖命做工做 kah 真暗，伊表面上個性真 chám-choe̍h、真有主見，bē 輸天崩--落-來， 伊 mā théng 好用手骨 kēng--leh，窮實 kan-taⁿ hit 幾 ê-á 真正了解伊 ê 人才知影，伊是 1 ê 真無安全感 ê 人，伊真驚 tiàm tī 暗眠摸 ê 所在，nā 伊 1 ê 人行 tī 路--ni̍h，看 he 車駛 kah 緊緊、來來去去，就有夠 hō· 伊 sió-khoá 懍懾 (lún-neh)--ah。
倫正 睏 ê 時，nā 無 睏坦 phak，無 tō ài 坦 khi 倒 moh 被 才睏 ē ka-choē，he 實在是因為伊 hām a 兄才精差兩歲，soá 去 moh in a 兄有影有 khah 歹勢，koh nā a 母轉來 chiūⁿ 眠床 定定 mā 是翻點了後 ê 代誌，伊罕得等有 a 母 thang khîⁿ-oá--過，moh--leh，穩心 á 睏 ka-choē。
Tú 結婚 hit 陣 á，伊上蓋歡喜 ê 1 件代誌，tō 是有人睏 tī 伊 ê 身軀邊，伊 ê cha-bó·-lâng，伊性命內底至親至愛 ê 人（上無 hit-tang 陣是 按呢想--ê），ta̍k 暗，身軀洗好，衫褪--leh，peh chiūⁿ 眠床，頭殼才 ù 著枕頭，伊第一件代誌，永永是隨 soá 過 kā 雅姿 moh-tiâu-tiâu，雅姿總是 ài kā kha-chiah-phiaⁿ n̍g--伊，注重伊家己 ê 睏眠，m̄-koh 有 chi̍t-ê chheⁿ 真真、燒 lō-lō ê 伴 thang moh leh 睏，倫正已經真滿足--ah。
總--是，伊已經想無啥 ē 起--來，雅姿對啥物時陣開始，ē tī 伊 khîⁿ-oá 過 kā moh ê 時，kā tu--開，嫌伊 ài kā 人 moh kah hiah ân，嫌伊 gâu chak--人。
伊明明 ē 記得 chi̍t 起 khiàn m̄ 是按呢--ê。
眠床頂，雅姿坦 khi 倒睏 tī hit 旁頭，倫正對棉 chioh 被 ē-kha n̍g 雅姿 oá--過，伊看 bē 著雅姿 ê 面，m̄ 知伊是 m̄ 是已經睏入眠，暗靜 á，伊 kā 倒手 siâm tī 雅姿 ê 腹肚邊，正手伸對頷 á 頸邊 nn̍g--過，歸 ê 人 chhek-oá，面 ù tī 雅姿 ê 頭 mn̂g，鼻 á ná 鼻 ná 出力 suh 氣，伊愛雅姿獨獨有 ê 氣味，喙 jiáu ná chim ná tī 伊 ê 頷頸 hām 長長 ê 頭 mn̂g chhéng--leh chhéng--leh，胸坎 tah-oá tī 伊 ê kha-chiah 後，ē-keh 粘 oá tī 伊 ê 尻川頭，倒手 khoaⁿ-khoaⁿ-á nng 入去雅姿 ê 衫--ni̍h，對腹肚 liâu-liâu-á so--起-lih，倫正想 tio̍h 歸 ê 頭殼 hîn 車車，ē 半身 ngē-piⁿ-piⁿ，bē 輸伊 chín tō tī hit 某 chi̍t-ê 暗暝，對雅姿 ê 後壁面，tu 來 tī 伊 ê kái 邊。
M̄-chiah ē tng 伊無張持看著雅姿對同學會轉--來，行入房間，裙穿短短，hiàn 出 ē 腿 hām 一半 ê 頂腿，面 á 粉紅 á 粉紅，淺黃無 ńg ê 洋裝伸--出-來 hit 兩支手 hām 短裙 ē 面親像白玉雕琢 ê kha 腿、身軀 ê 彎線像春天早起時 khûn 過 chi̍t 粒 chi̍t 粒青 lèng-lèng ê 山頭，he 清 uaiⁿ-uaiⁿ ê 溪水，伊 choaⁿ-á 失去控制，親像踏 thut poa̍h 轉去到往早 ê 暗暝。
引用URL
http://cgi.blog.roodo.com/trackback/1420536
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
