<< 【228特稿】2 月 27 暗時 | 回blog首頁 | 【228特稿】3月初駛硬片派兵來屠 >>

March 1,2006

【228特稿】2 月 28 - 減口王現本相

二月二十八下晡一點外，幾 ā 千人行來 tī 行政長官公署頭前（chit-má 行政院 ê 所在），in āng 聲會齊喝講：

 二月二十八日下午一點多，數千人來到了行政長官公署（今天行政院的位置）前面，他們揚聲劃一地呼喊：

「Kā 兇手交--出-來！」 「Kā 兇手交--出-來！」
「公開銃殺兇手！」 「公開銃殺兇手！」
「食錢官，死--轉-去！」 「食錢官，死--轉-去！」
「陳儀長官，且你出來！」

 「陳儀長官，且你出來！」

政府確實有聽 tio̍h in ê 稟求，無外久，長官公署建築頂 koân 出現青 hoáⁿ ê 光，koh 來是「ta̍t ta̍t ta̍t ta̍t！ ta̍t ta̍t！ta̍t ta̍t」ê 機關銃聲，府口庭 有哀哀號 ê 對應，「Oah！」「阿母--ah！」「Ah！刣人--ah-oh！救人--oh！」頭前有 kui 陣人親像海湧 phak phak 落去，塗 kha kō 著無辜者清紅 ê 血水，後 piah 無著銃 ê 人相賽走 bih。「ta̍t ta̍t ta̍t ta̍t！ ta̍t ta̍t！ta̍t ta̍t」銃聲親像熱--人下晡潑雨 ê 聲。

 政府的確聽到他們的請願了，沒有多久，長官公署的樓頂就出現青白的光芒，然後是「達達達達！達達！達達！」的機槍聲，廣場上的人群用哀號做出回應，「哇！」「阿母--啊！」「阿！刣人--啊-喔！救人--喔！」前面有整批人就像海浪仆倒趴下，地面染上無辜者鮮紅的血液，後頭沒有中彈者爭相走避。「達達達達！達達！達達！」槍聲就像夏天午後大雨的聲音。

無 m̄ 著，che tō 是國民黨陳儀政府 ê 本相，才第二工，in tō 已經開始對無 chah 武器 ê 百姓人開銃--ah！管汰 lín 去死--leh！台灣人！沒有錯，這就是國民黨陳儀政府的真面目，只不過第二天，他們就已經開始對手無寸鐵的人民開槍！誰理你們是死是活呀！台灣人！

民眾 ē 去台灣長官公署頭前稟求，是因為 chang 暗代誌發生了後，警察 kap 憲兵攏無 hō· in 滿意 ê 回應，台灣人已經有冬外 hām 國民政府 poâⁿ-noá ê 經驗，in 明其知影 chit-ê 政府是出一支喙 niā-tiāⁿ，喙--ni̍h 講 in ē 處理 ē 處理，總--是 che 冬外台灣人 hō· in 按呢 cheh-thoah，是 有 toh 一項代誌有影 hō· 政府實心 kā liú-la̍k 好勢--ê-leh？

 群眾會到台灣長官公署前面請願，是因為昨晚事情發生後，警察和憲兵都沒能給出滿意的答覆，台灣人已經有一年多和國民政府周旋的經驗，他們明明知道這個政府是光說不練的，嘴裡說他們會處理會處理，但這一年多來台灣人承受如此踐踏，又有哪一件事情被實實在在地好好處置過？
早起九點，台北市猶原是鑼聲響亮，一陣一陣人 tī 路--ni̍h 講 cha 昏 ê 代誌，要求 ta̍k 家罷市，市民、店仔隨做夥配合，台北市人和齊一致，無 beh hō· 政府 koh 罔度罔過--落-去。

 上午九點，台北市仍舊是鑼聲喧鬧，一群群的人在路上傳講昨天的事，要求大家罷市，市民、商家馬上配合，台北市民協同一起，不要再讓政府矇混下去。
吞忍冬外 ê 台灣人，不滿 chit 陣全全出破，市內開始有民眾攻入去公家機關，步平欺負--人-ê、做代誌歪篙 chhī-chhoa̍h--ê 官員，mā hō· 人修理。

 忍耐了一年多的台灣人，不滿完全爆發開來，市區開始有政府機關被攻擊，平時欺壓百姓、貪贜枉法的官員，也遭毆打。
上蓋大條--ê，tō 是專賣局 ê 部份，本町（taⁿ ê 重慶南路）ê 專賣局台北分局，有查緝員去 hō· 人誤做 cha 暗 ê 兇手，有 2 ê 人去 hông 扑--死，koh 局內面 ê 番仔火、薰、酒 ê 囤貨，一台汽車、七八台鐵馬，總 hō· 民眾 tàn 出來 tī 路--ni̍h 放火燒，專賣局總局因為有代先準備，所以 kan-taⁿ 玻璃去 hông 摃破，m̄-koh 專賣局 ê 南門工廠 mā kāng 款去 hông 摃摃--pháiⁿ。

 最嚴重的，是專賣局的部份，本町（今重慶南路）的專賣局台北分局，有查緝員被誤認為昨晚的兇手，結果有兩個人被打死，而局裡頭的火柴、菸、酒存貨，一輛汽車、七八架腳踏車，都被民眾丟到路上焚燒，專賣局總局因為事先有防範，所以只有玻璃被打破，不過專賣局的南門工廠則一樣被搗毀。
專賣局 ē chiâⁿ 做 人主要 ê 目標，i 有外顧人怨 tō 知。

 專賣局會成為民人的主要目標，其招惹民怨可想而知。
無人想 ē 到講，下晡一點外，長官總署 ê 處理方式，soah 是銃殺稟求 ê 民眾，chit 聲 choaⁿ-á bē 輸拆柴添火著，kui-ê 失去控制，下晡開始，m̄-nā 公家機關受攻擊，新住民（hit 陣 ê 外省人）mā 開始變做民眾攻擊 ê 對象。下晡 ê 時正華旅社、虎標永安堂 hām hit 當陣台灣上大 ê 百貨公司新台公司， mā 因為是新住民開--ê，kāng 款受著攻擊 cheh-tī。

 沒有人想得到，下午一點多，長官總署的處理方式，竟然是槍殺請願民眾，這下子有如火上加油，全面失控，下午開始，不只政府機關被襲擊，新住民（當時的外省人）也成為被民眾攻擊的對象。下午時分正華旅社、虎標永安堂以及當時台灣最大的百貨公司新台公司，也因為是新住民開設的，同樣遭攻擊及搗毀。
下晡兩點，民眾攻佔廣播電台（tō sī chit-má 二二八紀念公園內底 ê 二二八紀念館），對全台灣廣播台北市發生 ê 代誌；三點，警備總司令部宣布戒嚴，軍隊 kap 警察四界查街，n̍g 民眾開銃，koh 有無辜 ê 民眾死著冤屈，另外民眾 kap 學生 mā 開始 gia̍h 對警察局提來 ê 銃，包圍專賣總局、鐵路警察局等等公家機關，總--是因為武器數量 cheng 差太 chē--leh，抵敵 ê 行動，攏是百姓 chit 旁頭 khah 大身，軍方 kap 警察囥步，koh 三不五時 tō 出來銃殺路--ni̍h ê 人。

 下午兩點 ，民眾攻佔廣播電台（即今二二八紀念公園內的二二八紀念館），對全台廣播台北市發生的事況；三點，警備總司令部宣佈戒嚴，軍隊及警察四處巡邏，向民眾開槍，又有無辜的民眾冤死，此外民眾及學生也開始拿著從警察局拿來的槍，包圍專賣總局、鐵路警察局等等公家機關，不過因為武器數量相差太多，反抗的行動，都是平民一方損失慘重，軍方及警察則保留實力，並不時出動槍殺路上的民人。
二二八 m̄-nā 是國民黨陳儀政府大大典典用銃子對待百姓人，hō· 情勢無 thang tńg 和 ê 日子，陳儀 mā 是 tī chit-kang phah 第一通電報 hō· 蔣介石--ê，另外警總參謀長柯遠芬 chit-ê 糞埽 oan-nā 是 tī chit-kang 下令開始監視台灣人 ê 大粒株（toā-lia̍p-lu）--ê，beh 為尾後有計劃 ê 屠殺來做準備。
 二二八不只是國民黨陳儀政府公開用子彈對待人民，讓情勢無可轉寰的日子，陳儀也是在這一天向蔣介石拍出第一通電報的，此外警總參謀長柯遠芬這隻垃圾也是在這一天下令開始監視台灣人當中的重要人物，以為日後有計劃的屠殺進行準備。
黃榮燦 版畫 畫家 黃榮燦 ê 版畫：《恐怖的檢查》

Posted by lausenghian at 樂多Roodo! │22:56 │回應(2) │引用(0) │228 - 毋通袂記得
樂多分類：文字創作 工具：編輯本文
Ads by Roodo! 

引用URL

http://cgi.blog.roodo.com/trackback/1186947
回應文章
每回看見這些紀錄 實殘不忍卒睹

台灣人即使去抗爭
為何也叫著 陳儀長官
類似如果今日台灣抗爭的人
對著對方的頭頭. 也會稱呼官銜嗎？
這是小小的不解. 或許當時台灣人是古樸的如此老實

另外. lausenghian
謝謝你留給我的台語字典網址
: ) 我可對照看了
Posted by misscuty at March 5,2006 03:14
misscuty,

淒慘代 m̄-nā 按呢，蓋淒慘--ê 是咱 chiah-ê 囝孫仔，對代誌毋捌一箍 hoⁿ，koh-khah 無想 beh 進一步去了解，che 比歷史事實 ê 本身 koh-khah hō· 人怨嘆。

Nā 有任何 ê 問題，攏會使來問--oh ^^，我真向望有 koh-khah 儕人會曉讀 Hō-ló 文。

===== 翻做華文開始 ê 線 2 choā ===========

慘不忍睹的還不只於此，最慘的是我們這些後代子孫，對事況一無所知，甚至也不想進一步去了解，這比起歷史事實本身更令人嘆息。

如果有任何問題，都可以來問唷 ^^，我很希望有更多人會讀 Hō-ló 文。
Posted by Taokara at March 5,2006 11:16
  


回最上方