在羅馬愛上挪威公主 + 英雄-關系

人物關系

Wed, 27 Feb 2008 00:50:36 +0800

有朋友投訴，話睇唔掂關系中的人物關系，因為出場人物好似越來越多，都系時候整返個表，已經有D頭暈的朋友們可以大概理解，如果有新的朋友都可以睇住個表，知道我講緊邊個 (繼續閱讀...)

年初一，向大家拜年之余，小怪（物）/小樓子你幾時擺檔做算命？

Thu, 07 Feb 2008 21:17:02 +0800

留言未有時間復，唔好意思，呢幾日有大 project 進行中，所以無時間管理家務同 blog 務，雖然今日大年初一，我反而同公司攞咗日假打掃屋企。
之后會復所有留言，甘但點解會上黎寫嘢？好快手寫個消息：

平時公主爹到公司會打電話返屋企報平安，
今日遲咗成個鐘先打翻黎，我問佢系咪大塞車？
佢話唔系，因為系高速公路見到溫達老豆（我大伯），
所以系公路D咖啡廳到整杯咖啡同吹咗兩咀水，
之后就好陰濕甘話有特發新聞，做咩甘陰濕甘笑，
我話，唔好話俾我知，溫達老豆同吧渣結婚，
佢話唔系，甘有乜料要爆？
溫達老豆昨晚飛咗吧渣，乜甘突然阿呵呵！
真系又俾小怪批中（佢批嘢好準）！！！所以就問小怪幾時去擺檔做算命。

又奇怪，溫達老豆又唔系中國人，點解會識得系年夜掉舊嘢
大致情況好似系溫達老豆同吧渣復合之后，系有條件要吧渣改善。
不過就好似無乜進展，所以就飛佢走，
其實我會覺得亦唔單系甘，我覺得溫達老豆有壓力，
奶奶系圣誕之后都無去過溫達老豆屋企，唔單系奶奶，
連我地兩個都無去過（平時2個禮拜都會去下），
小狼老豆就更加，系圣誕之后無見過溫達老豆，
唔單系無去佢屋企，連系奶奶屋企聚會，佢次次都話有事，
成2個月都唔知道幾多次系甘樣避開唔見溫達老豆。
平時系會去佢屋企做星期日家庭日，依家成2個月都無人去過佢屋企。

上個星期，老爺奶奶到過我地屋企，平常都會順道過去睇下溫達老豆，
或打個電話問下過唔過去睇佢呀。不過今次無……點解會知道？
當晚溫達老豆打電話黎同公主爹吹水，仲話剛同奶奶剛傾完電話，
公主爹好正常地話俾溫達老豆知，果朝兩老黎過我地屋企。
公主爹話溫達老豆果下好愕然，呆咗系到，dead air 咗幾秒。先答“系阿……”
好似奶奶無同佢講過之余，系唔想佢知道。

放長線睇睇會唔會再復合喇，不過今次無人會再幫吧渣口，
上次奶奶幫咗佢之后，反而甘鬼樣對奶奶，今次就睇佢自己造化勒。

千年道行一朝喪！

Fri, 04 Jan 2008 18:27:42 +0800

我經常都好大大聲，好驕傲甘同人講，我同老爺奶奶關系好好。唔單系好好，老爺奶奶都好疼我，我都好愛惜兩老，我好幸運，大家文化背景差異甘大，能互相理解同體諒，能有甘好的關系，其實唔容易，而且公主爹系帶我見老爺奶奶前，都做咗好多事前功夫，所以關系十分良好。
千年道行一朝喪果個唔系我（要道行喪盡，難度都幾高咖）
事發日期 12月25日： (繼續閱讀...)

我的 cultural shock

Mon, 17 Dec 2007 00:07:16 +0800

公主爹第一次去亞洲，有cultural shock 系好正常，不過我有cultural shock 就好古怪，我的cultural shock 系因為公主爹而產生，不過亦系我要反思的時候，系咪我系意大利住咗4年，我變咗而自己唔知？ (繼續閱讀...)

戰友 - 北京美好關系同回憶

Tue, 11 Dec 2007 01:46:20 +0800

呢篇無相，因為公主娘樣衰，所以同戰友影咗相，都無謂攞黎“嚇街坊”。
（戰友們都不是香港人所以這篇也不用廣東話語法寫） (繼續閱讀...)

出發前一D開心事

Wed, 21 Nov 2007 00:20:22 +0800

系10月10日朝，終于就攞返公主爹個護照加簽證，差不多中午之后就去見心靈湯 Grace 同傳說中的CeCe 加偉大的Marco!我系第一次見 Grace,電話就通過，不過真人就系第一次，事原：偉大的Marco 要到羅馬公干，Grace 就有機會同Cece 一齊黎。早幾日通知咗我，好彩系我臨去香港前果個星期，如果唔系，又走失個機會。Cece 好可愛，不過我仲未病好（仲有10%左右），所以唔敢太近佢，驚會轉染到佢同媽媽病，我就真系唔安樂……好少見甘細個BB 成日笑，我會感覺到 Cece 會系一個好幸福的小朋友跟住個幾日，就系屋企趕“工”交公司D翻譯數，好彩臨行前，做夠本，仲有余數等我返黎可以幫補下個約（11月）的數。

溫達老豆張嘢

Tue, 11 Sep 2007 16:29:27 +0800

呢幅嘢本來都唔想貼出來，因為實在呢幅嘢完全無原創性（難聽D個句 – 仿制品），兼且唔多like 抽象派D畫。不過貼出黎“申申”。

請注意，申得好超長，小心

(繼續閱讀...)

小樓子萬歲！

Mon, 27 Aug 2007 16:37:02 +0800

上個星期在網上見到小樓子，她突然同我講…… (繼續閱讀...)