September 8,2008
預祝中秋節快樂，人月兩團圓（加公主娘懶 blog 罪證……1次過3篇！）
自制月餅，祝各位姐妹（兄弟）中秋節人月兩團圓
甘買得到綠豆就會身痕發豆芽
仲有我地契仔照片！
甘買得到綠豆就會身痕發豆芽
仲有我地契仔照片！
終于有日俾我逼到公主爹同我落羅馬買中國材料整月餅，
不過條友話唔知道點渣車到間中國超級市場！（吹漲…… 唔想去就系甘講）
最后系話去 Castroni 本來好擔心，因為系間鋪頭個網站到見唔到有煉奶呢樣嘢。
已經打定輸數要用淡奶，連淡奶做冰皮的食譜到搵定，點知道出乎意料之外，佢地有煉奶！其實都明白公主爹點解唔肯落中國超級市場…… 之前見我買d 嘢品質可以嚇到佢目定口呆
，D嘢系食落肚，當然佢會相信意大利人開的國際食品店多過中國人gee。
糯米粉（泰國），本來的材料入面系有占米粉，
不過得"farina di riso"(米粉……無指明系乜米
）
公主爹話甘試下啦。
下……唔好食賴你咖！
煉奶！
所有材料都齊，就可以開工整冰皮。
材料好似系李錦記到刮翻來……唔系好記得
抄書抄到唔知道系邊到抄翻來……
不過條友話唔知道點渣車到間中國超級市場！（吹漲…… 唔想去就系甘講）
最后系話去 Castroni 本來好擔心，因為系間鋪頭個網站到見唔到有煉奶呢樣嘢。
已經打定輸數要用淡奶，連淡奶做冰皮的食譜到搵定，點知道出乎意料之外，佢地有煉奶！其實都明白公主爹點解唔肯落中國超級市場…… 之前見我買d 嘢品質可以嚇到佢目定口呆
，D嘢系食落肚，當然佢會相信意大利人開的國際食品店多過中國人gee。
不過得"farina di riso"(米粉……無指明系乜米
）公主爹話甘試下啦。
下……唔好食賴你咖！
煉奶！
所有材料都齊，就可以開工整冰皮。
材料好似系李錦記到刮翻來……唔系好記得
抄書抄到唔知道系邊到抄翻來……
糯米粉 20 克，粘米粉 20 克，特幼糖霜 20 克，麵粉 10 克，鮮奶 100 克，煉奶 20 克，油 18 克
將所有乾料過篩，加入鮮奶、煉奶及油拌勻成糊狀，用大火蒸30分鐘， 取出待涼。
呢個分量系夠整6個迷你月餅
豆沙，請點擊這里看原本食譜
我貪心，整紅豆同綠豆，跟住……
唔記得影好多相！！
豆泥過濾之后……
豆沙，之后先加糖煮……
不過唔記得影個冰皮蒸好個樣，因為對手太 sticky!!
個月餅模系上次返香港系山海街買，
用之前要用油浸，撒上白鑊炒過的糯米粉，就容易脫模。
將豆沙（當然咸蛋黃唔會少得，不過得3個蛋黃，所以得6個月餅有蛋黃…… 都話我懶到出汁……）放入冰皮搓成小圓球之后放入撒了糯米粉的餅模到壓平，輕敲餅模就成事！
就甘樣…… 雪凍，再整咗10個用糯米茲食譜扮冰皮（因為奶奶同有d 朋友對牛奶過敏……所以整定D無奶冰皮，就變成糯米茲皮）今年中秋有月餅！
有綠豆當然唔會少得去發豆芽啦
發咗4日咋！
用洗沙律個兜，系最懶的方法！！
第二日個樣
第四日已經食得嚕
Leone!獅子，系公主爹個契仔，系獸醫屋企 n 甘多只貓之中最得我地心，
不過佢最近搵到個新屋企，所以下星期就去新家嚕…… 唔舍得，不過都系為佢好。
引用URL
http://cgi.blog.roodo.com/trackback/7132723
引用列表:
早前晌 貓癡公主娘處見佢用 salad dryer 成功四日發芽菜，已經想試下，加上近日毒奶事件，激發原動力去自家製造一番......
孵荳芽 day zero【郁郁貢的爆牙】
at September 26,2008 21:58
回應文章 
嘩，咁快有相睇 @@ 一定煙煙unun架啦～
我都bookmark左果個website，遲d得閑試下整豆沙。
可惜屋企無月餅模，呢個星期又唔得閑整餡料，
系呢，你個模買左幾錢呀？
下次番香港一定要記得去買番個！:)
個豆芽發既時候，D水會唔會有異味架？
Posted by Miss
at September 8,2008 05:04
Miss
我初初都以為個皮系會煙韌咖！
公主爹都話如果煙韌D會仲好味D
本來幾失望同我妹妹講話個皮唔煙韌，俾佢鬧鬼我，
問我有無食過冰皮咖？個皮點會煙韌@@
無言，不過雪多兩日之后個皮真系煙韌咗:S 是但啦
我D月餅都系攞黎呃意大利人用:P
都幾好銷呀，已經清倉！
我個月餅摸細細個，埝住唔會做得大，可以精致D嘛（貪靚就認咗佢啦）買咗18塊港幣。
有D大D傳統D大概30港幣左右啦。
有時間先做下D迷摩嘢，你剛開學一定忙到反肚！
你果邊應該有好多月餅賣，不過當然親手整感覺好唔同^^
豆沙其實系花時間，特別系豆泥變豆沙系最花時間同功夫，
D豆芽其實系無水咖，系第一日浸咗10個鐘頭，
之后系每日洗兩次，大概浸佢幾秒鐘就倒清D水，
所以我用個“fing"沙律兜就簡單，
因為拎起個架就可以倒干凈D水
（你知道我有幾懶……所以用最懶的方法去做……）
因為唔可以見光，就放翻入柜到，
系其他姐妹 D blog 到睇要大概5、6日先可以”收成“
點知道我第四日已經可以收成嚕！
可能因為個兜口夠大，我有成日蓋住佢仲擺佢入柜
所以發得勁快。
Posted by 公主娘
at September 8,2008 18:25
咦～咁我都可以攞個salad dryer 來試發芽菜喎 ^^！
Posted by 郁記
at September 8,2008 20:01
系呀郁記，
簡單同懶到唔恨，小心唔好貪心落太多綠豆，
個 dryer 1/10 就好夠。
”發“咗話我知啵！
Posted by 公主娘
at September 8,2008 20:11
其實一次過發得多都食唔晒喇～ (B 仔唔食架）
發得成功實話你知 ^^
發得成功實話你知 ^^
Posted by 郁記
at September 8,2008 20:51
普通超市冇煉奶既?
唔係卦!
:O
又唔係乜亞洲食品....
你個模好搞笑, 水滴狀~
18 蚊勁抵玩!
咁個糯米慈皮 (no milk version) 煙唔煙韌?
咁岩我又發緊綠豆芽!!
獅子仔係英短嗎? 肥肥的好可愛~
Posted by Jessica
at September 9,2008 07:36
郁記，公主爹同 B 仔相反，
鐘意食新鮮無炒過，當 insalata 甘食！
Jessica
普通超級市場，我平常去個幾間都叫大，
系無煉奶呢家嘢@@ 我初初同公主爹講要搵煉奶，
佢話知道有呢樣嘢，不過未食過:S
太太團有人食過，不過系唔會特地去買。
甘你可想而知有羅馬有幾流行呢樣嘢。
個糯米茲皮煙韌呀！不過公主爹話都系冰皮好食D，
真系俾佢吹漲！！ 神又系佢，鬼又系佢！
豆芽正，今次點整呀？
小獅子，系混種，阿公系英短。
阿媽系英短，不過老豆呢，唔清楚，
我估系波斯貓，因為長毛得波斯貓系甘
我無見過佢老豆同阿媽咖，
不過阿公就成日向我撒嬌^^
小獅子顏色同個面型同阿公一樣，
毛的質感其實似英短不過長毛版本。
最唔似系耳朵D 毛啰^^依家得4個月咋，
好 cute！不過佢成日走去狗場到撩交打……
費事佢英年早喪，都系要送佢去一家無狗的人家到……
Posted by 公主娘
at September 9,2008 15:18
公主娘
我勁鍾意 blue British Shorthair ^o^
有次晌呢邊 pet shop 買嘢時見到一隻貓b，
都唔知幾想「抱」佢返屋企......
我勁鍾意 blue British Shorthair ^o^
有次晌呢邊 pet shop 買嘢時見到一隻貓b，
都唔知幾想「抱」佢返屋企......
Posted by 郁記
at September 9,2008 16:55
若有機會大家聚會，看來我只能夠洗碗！！你們好厲害，對我來說，你們的做菜方法，就像外星語般！
Posted by kit
at September 9,2008 16:56
郁記，
我以為你鐘意長毛同凈系狗添:O
估唔到你鐘意藍英短！
英短勁可愛^^ 個頭圓鹿鹿仲好鬼懶洋洋^^
真系見到都有沖動想抱佢翻屋企！
kit
咪甘啦，我都系煮飯低能黎咖，
不過睇得各位夫人的 blog 多，
唔識得煮都識得偷師啦；）
Posted by 公主娘
at September 9,2008 17:06
公主娘
其實我哩...... 魚、鳥、貓、狗都好架 ^^
不過而家覺得魚同雀應該係自由自在地暢游同飛翔，
我唔會困住佢哋嚕～
養咗 N 年長毛狗，
甩毛吸毛梳毛到有啲攰勒 -__-|||
其實我哩...... 魚、鳥、貓、狗都好架 ^^
不過而家覺得魚同雀應該係自由自在地暢游同飛翔，
我唔會困住佢哋嚕～
養咗 N 年長毛狗，
甩毛吸毛梳毛到有啲攰勒 -__-|||
Posted by 郁記
at September 9,2008 18:22
我去年也試做了我的第一個冰皮月餅,個餡是買的http://www.wretch.cc/blog/shar05lee/24939704
現在經你引導下,立即動手做餡,不過我懶沒過濾,
索性煲到軟乾乾地,就用食物攪拌器來dee 佢变哂蓉,
快-靚-正!
個皮我試過用媡奶,但感到好硬!
期後改 澄面粉20g 糯米/粘米粉各40g
caster sugar 10g
用cream開成糊狀,(忘記量)記得沒用太多!
大火蒸20分鐘, 掂!
你試試!
Posted by shar
at September 10,2008 07:40
Shar
多謝呀！我個皮系有牛奶所以都幾軟，
不過真系雪多兩日會硬，
我再蓋住黎雪就應唔硬（不過雪多1日就已經清貨）
我本來都想用澄面，不過搵唔到:S
因為我去個間系意大利人開的國際食品店，
公主爹死都唔肯落中國人超級市場，
如果唔系，我估可以買到蓮子添咖。
依下次我都試下再煲耐D先打；）
多謝又一懶絕招！
Posted by 公主娘
at September 10,2008 16:00
咁奇怪，我昨日贴咗个留言见唔到嘅？？？重复一次：娘上好叻，连月饼都会做，好野！
Posted by allie
at September 10,2008 21:17
娘親話你個個模應該係人地整潮州茶果個D既模黎, 唔係月餅模喎, 不過都勁喎, 咁都比你整到, 但中秋都未到你都已經刷晒啦~~~
Posted by 小怪
at September 10,2008 21:51
小獅子,勁可愛啊,好想抱牠玩!
妳的冰皮月餅簡直天下無敵,不過Man又講得幾啱喎,冰皮係唔煙韌咖.我這裡有傳統月餅模賣,不過一定超貴,不會是港幣三十元.
叫妳老公睇開啲啦!隻眼開隻眼閉咪得囉,個樣都唔係好差啫.整咗出嚟佢又話好食咖啦!
Posted by Irene
at September 11,2008 13:03
Allie，
多謝，聽聞意大利D唐人鋪賣D月餅麻麻過麻麻，
所以都系要學下自己做，我都系當玩下，
其實…… 我私心好大咖，因為我鐘意食糯米茲:P
所以D月餅其實似糯米茲多過傳統月餅
奇怪點解我回郁記果段又俾人吞咗@@
重復！
郁記2只長毛爆牙，當然甩毛，
日日吸毛同梳毛好鬼攰，想換下短毛都好正常^^
喂，有唔埝過開個動物農莊之類？
甘就大條道理成群動物系身邊！ 正…… 我的夢想之一^^
小怪，
我買果陣問鋪頭D人系咪月餅模，甘佢話系，我咪買啰@@
是但啦，下次翻香港再買過個正統小小啰，
不過我驚我嫌棄佢唔靚都系買埋D唔系傳統的模翻來。
中秋節…… 我估要好應節就要開多批皮出來，
尋晚去奶奶屋企食飯，4個都掃清光，仲有4個俾咗小狼老豆，
我估都系5分鐘內被毀滅多。
我帶咗D豆芽俾老爺奶奶試食，老爺同我清咗成盤豆芽沙律，
叫我下次發，發多D凈系俾佢^^
Irene，
唉…… 我都會好掛住呢只傻小獅……
佢最鐘意跳上D肚腩到同人按摩。
我地都好有沖動想帶佢翻屋企咖，不過唔得呢，
因為講明唔可以同佢做絕育手術，所以佢同公主兩個都系
productive 的時候就好麻煩:S
甘我D冰皮原來系“正常”。
雪咗兩日之后，無甘“林“，公主爹話口感好好多。
我懷疑系意大利人都唔鐘意食D”林 je je"的嘢，
睇佢見到我煲粥個衰樣就知道。
Posted by 公主娘
at September 11,2008 14:40
嘩，沒有上來兩日，便有那麼多留言！煲粥？？！！我男友想起便轉頭走！
前天認識了一英國人，他提到 thousand years egg，亦是個樣都變了，莫非真的那麼可怕？
Posted by kit
at September 13,2008 01:26
"林 je je"的嘢．．．gnocchi都"林 je je"，但意大利人喜歡食呀。我就不喜歡了，我連湯圓都不知應是放入口還是吐出來，奇怪。
Posted by kit
at September 13,2008 01:31
其實用燸米糍皮整嘅卑鄙月餅好唔好食?
我都想試吓用呢個皮喎!
哈哈..
阿媽話發芽菜要放響床下底架!
你有無呀?
我都想試吓用呢個皮喎!
哈哈..
阿媽話發芽菜要放響床下底架!
你有無呀?
Posted by 波菲媽
at September 20,2008 08:03
kit,奇怪，點解我前兩日上來見唔到你個留言@@
莫非老人癡呆發作……
Gnocchi 唔系真系好"林 je je"咖啵……
應該有少少彈口…… 唔，唔知道，各家有各家秘方泡制。
波菲媽，
D 燸米糍皮整嘅卑鄙月餅，咪就系燸米糍甘啰，
我D月餅得6個系有黃，好彩無整甘多，
公主爹咬咗一啖之后話，好怪…… 唔要個蛋黃好味D……
真系唔識食，算……
厄佢地容乜易呀，佢地連豆沙都未食過，
月餅系乜就更加唔知道啦。所以D月餅其實真系似燸米糍多D。
芽菜無系床下底，我個salad cleaner 系有蓋同唔透明，
我凈系擺佢系櫥柜入面咋。
床下底系公主地盤，
點俾我發芽菜呀，佢一定會同我打翻嘥。
Posted by 公主娘
at September 22,2008 14:00
![[Syndicate this site]](http://cdn.rimg.tw/images/blog/rss.gif "Syndicate RSS feed"){kind=small}
![[Syndicate this site]](http://cdn.rimg.tw/images/blog/atom.gif "Syndicate ATOM feed"){kind=small}
