<< 大嶼山一日游 | 回blog首頁 | 志蓮靜苑 - 到香港唔睇就笨 >>

December 16,2007

海洋公園

海洋公園
故地重游，依然覺得海洋公園非常正！

約咗個朋友齊齊去，一行四人，雖然我仲'pak’緊藥，不過都仲要去玩。系金鐘站坐巴士，唔記得幾錢…… 海洋公園入場209港幣，果陣系萬圣節，不過我都系日間去。但都好友萬圣節氣氛。

一到先去咗睇鳥，D鳥好多都唔怕人，都可以走到好近睇真D，之后無耐就玩做個搞到全體“濕身”的機動游戲，因為我地搞錯咗，將兩個最重磅擺咗系船頭，系激流中下沖個陣，因為頭重尾輕，D水照頭淋……差不多玩嘥所有機動游戲（有一、兩個太低能，所以唔玩），最正系部跳樓機！不過如果back bone 或有心臟病就真系咪玩，無謂傷身。

每個館都想多留一陣，因為真系好靚（非常鐘意海洋館，細個第一次去個陣已經好鐘意，依家都仲系非常留戀），見動物系最開心，雖然佢地唔可以系真的大自然環境里生活，不過一想到，好多人為的災難令佢地本來已經好難生存的地方更百上加斤后，系人工環境生活，其實多已經系唔錯。

中午飯”麥記“搞點，之前買個D飽都已經落曬肚，一人一飽，公主爹問價錢，佢眼都突出黎！有無搞錯？甘平！羅馬1/4價錢…… （返里羅馬之后佢唔再成日嘈話要去麥記墨）新果個“口者”理館（水母館，小樓子叫佢做“口者”理館）非常disco feel，差D唔舍得走。

睇咗熊貓，依家有4只，小樓子話新個對系剛剛到港，所以好多人都“樸”系到睇對新熊貓仔，又真系好鬼cute，其中一只好返瞓，成日塞只腳落另一只個口到貓。

玩咗成5個幾鐘，真系好鬼抵樂，仲玩得開心先好。

Posted by loudragon at 樂多Roodo! │22:10 │回應(3) │引用(0) │生活
樂多分類：旅行 共同主題：自由行 工具：編輯本文
Ads by Roodo! 

引用URL

http://cgi.blog.roodo.com/trackback/4658517
回應文章

海洋公園都係我嘅 no.1 選擇，
至鍾意睇魚架嘞 ^++++^
Posted by 郁記 at December 17,2007 02:44

哈哈, 隻小熊貓咁反訓? ^^

我地都係度林緊下次返香港去唔去海洋公園. 因為我地上次返都去左一次. 不過無睇晒所有館, 我地去左熊貓館, 果陣得兩隻大熊貓, 但係我地好鍾意熊貓, 所以睇左好耐, 映左好多相.

去過海洋劇場, 睇表演, 嘩, 真係被人迫到變人肉三文治! 記得果日打三號風, 平日黎既, 但係都有好多遊客, 多數內地遊客, 我地去到個劇場時, 已經full晒, 無得坐, 於是我地企係上面有欄杆處, 正式係"憑欄遠眺", 後來人越來越多, 當劇場開始表演, 我地後面d遊客一湧, 再湧, 我地兩個人就夾係欄杆同人之間, 好辛苦. >~< 然後行到邊都係人海咁, 雖然係平日, 但係可能係暑假, 所以特別多旅行團. 唉.

再者, 因為果日下午改掛三號風, 纜車唔開得, 大家所有人都要等接駁巴士, 打蛇餅, 係雨中唔之等左幾耐先上到車, 去另外一邊.

果日因為天氣情況欠佳, 所以好多機動遊戲都唔開, 不過就算天氣好, 我林我最刺激都係玩個機動水船同海盜船果d遊戲, 其他跳樓機, 過山車, 我就唔夠膽坐, 去前阿媽都一定叮囑我地千萬唔好玩果d機動遊戲. ^^'

海洋公園既麥記已經無做套餐, 每樣價錢都好似比出面既分店貴d, 羅馬麥記仲要貴d? 多倫多呢邊一個套餐CA$6左右(包+薯條+大汽水). 咁d包形大小/味道同羅馬有無分別呀? @@

係呢, 你地有無去香港個迪士尼呀?
Posted by Miss at December 17,2007 04:43

郁記，英雄所見略同啵！
miss 時，我果日去海洋公園都系平日，
不過晨早9點幾就到，唔乜人，差不多到中午先多同胞出沒。
不過中午我地到玩咗差不多一半。
無去海洋劇場啵……所以唔知甘多人。
羅馬……老麥套餐，其實我唔知幾多，因為我系 Anti-麥記，所以都唔乜留意價錢。包大小應該大同小異。
不過一個最普通漢堡包都成1歐元（11港幣），不過呢輪做特價，平咗D。如果你要醬料，段包再收錢 @_@。
老麥系意大利好似生意唔掂，不停結業，再唔減價，
就會俾pizza 店趕盡殺絕。
Posted by 公主娘 at December 18,2007 17:12


回最上方