明 日 の 私 に ヨロシク

以下內容係參考一位毒到出汁既朋友既經歷，再加少少原創情節，讓大家可以更全面毒男既生活。先至聲明，我對「毒男」既定義係交際能力差、不善與人溝通，以致生活圈子細，甚少參與社交活動，終日留連網上既男子。

第一章：朋友篇
我叫小文，由幼稚園到小學，老師都成日讚我好精靈，我同d同學都好融洽。但上到中學，我既惡夢就開始.......
中一, 二時我都幾主動識人，同陌生人都好快傾得埋。但從唔知幾時開始，我就開始越來越少講野，甚至唔想同人有咁多接觸。可能我漸漸見到人既黑暗面，表面就稱兄道弟，背後可能憎到你入骨。而且好多都重色輕友，無女時成日call你出來攝時間，有女時你唔call佢佢真係可以唔call你，係條女唔得閒先搵你攝時間。我明女朋友係好重要，但洗唔洗完全當其他朋友係無謂人？除此之外，我又發覺以前自己成日講多錯多，不過以前細個人地就唔理。但避免出事，我都係收埋把口好過。
咁我就漸漸唔出聲，唔同陌生人有咁多溝通，覺得有幾個熟朋友就已經夠。中三呢年，我就由一個幾talkative既小伙子變為一個唔想交際既毒男...............
如是者上到中四，基本上我只會同幾個熟朋友講野，同其他人都唔會主動溝通。不幸地，呢年已經無熟朋友同我一班，班上既人好多都算唔認識。由於我唔主動同人接觸，直至11月，都同班上既人唔太熟。更不幸既係，當時某科老師要我地做一個group project。我真係好怕做group project，因為九成做「無主孤魂」。果然，我係揀剩尾果個，老師是旦編我去一組。我同個組既人幾乎無傾過計，佢地都當我無到，求其叫我做搵資料就算，成組出街傾project都無叫我........到present個日，佢地就求其叫我讀幾段就算，我真係幾乎無參與過個project，佢地都只係用2張我搵既圖......... 唔好話無野做好爽，比人無視既感覺真係好難受。
到左中五，我都只係班上一個非常等閒既閒人。我只係參加過一次群體活動，就係gra din(半被迫參與)。當晚我真係著哂西裝打哂tie，可惜，都只係成晚靜靜獨坐一角......
CE放榜後，雖然都夠分上中六，但熟既朋友都去哂唔同學校或者唔讀書。要係一個新環境見對一班陌生人，睇黎都係另一個惡夢既開始........

>表面就稱兄道弟，背後可能憎到你入骨。而且好多都重色輕友，無女時成日call你出來攝時間，有女時你唔call佢佢真係可以唔call你，係條女唔得閒先搵你攝時間。我明女朋友係好重要，但洗唔洗完全當其他朋友係無謂人？除此之外，我又發覺以前自己成日講多錯多，不過以前細個人地就唔理。但避免出事，我都係收埋把口好過。<

老老實實
我可能就是那些背後憎你, 說你們是非的賤人
但當你兄弟時, 給予的體諒同明白你們處境時

我就像一個比你地cheap 既人
等的永遠是我
搵我一定搵到, 可是我不一定找到你
>我明女朋友係好重要，但洗唔洗完全當其他朋友係無謂人<
大家一想就明白了