poavosa

Ta̍k-ke kām-未感覺足(tsiok)奇怪，國安會祕書長蘇起 ê 小弟(sió-tī)，前 NCC 主委蘇永欽 tī 中國教冊，sī án-tsuánn 烏官(oo-kuann)， 偽(guī)總統府發言人王郁琦今á日 ē 出面替 in 2ê 兄弟á 講話。國安會 kám-sī 總統府內面 ê 單位?

Iah-sī 有別項原因。比如(Pí-jû)kóng，有 siánn-mi̍h 需要掩崁(am-khàm)，bô-ài，甚至(sīm-tsì)驚 lâng koh-再提(the̍h)起--ē。

M̄-tsai ta̍k-ke iah 有印象無，馬英九 ê 三姐，馬冰如 Theresa Chao，tī 中國 International School of Beijing teh 做中文部校長這項代誌。

Iah-sī koh-khah 大條ê，馬英九 in 大姐 kap 中國政協委員合開公司這項。

Nā-sī koh-khah tsim-tsiok(斟酌) kah óo(挖)--落去，m̄-tsai iah 有 guā-tsē 未見lâng ê 見笑代。

Sī-m̄-sī 有lâng 驚 tsia-ê 代誌 ē koh hōo-lâng the̍h出來 kóng，所以先來救火，tsiah-未火愈(lú)燒愈(lú)炎(iām)，到時(kàu-sî)燒 tioh ka-tī。

莫怪(Bo̍k-kuài)馬英九雖然知影(tsai-iánn)蘇--家這-tsân 代誌，mā 知影 in m̄-sī 第一擺--ā，m̄-koh lóng m̄-敢 kóng siánn-mi̍h。Kan-ná 派1ê 無牌ê 傳令(thuân-līng)出來 tshin-tshâi kóng 一寡未通ê話，想kóng án-ne tio̍h-beh kah 代誌掩崁(am-khàm) hōo 過。

Sī-kóng 頂擺(tíng-pái) 上無(siōng-bô) iah 有1句「下不為例(ē-put-uî-lē)」，這擺 hām 出面 toh m̄-敢。可能真驚惶(kiann-hiânn) hōnn。